甸尼咁樣對祖亞倫都唔使紅牌，專家認為足總應該罰佢停賽超過三場
早前嘅周末英超有曼聯對熱刺嘅大戰，之後其他強隊阿仙奴、利物浦、曼城、車路士都係喺星期六分途出擊，所以呢場屈福特對史篤城嘅比賽自然少咗人留意，不過呢場比賽就出現咗爭議場面……
喺香港時間10月28日22:00，屈福特喺主場硬碰史篤城，之前早一兩個禮拜曾經排過前四嘅屈福特十分有韌力，而史篤城雖然暫時喺中下游掙扎，但一直以來都唔係「易食」。果然，客隊史篤城喺開波16分鐘就由費查取得領先，而屈福特雖然控制場面，擁有66%控球率壓住嚟攻，但始終都係入唔到波。
雙方激戰到去90分鐘後補時階段，當時因為有球員受傷，史篤城將個波踢出界外，之後按照不明文嘅球場慣例，因此獲得球權嘅屈福特應該會踢返個波俾史篤城，以示風度。不過，呢個時候落後緊一球而比賽就嚟結束，屈福特嘅隊長甸尼拒絕俾返個波對手，諗住把握機會進攻。史篤城班球員當然嬲到震啦，一向兇狠嘅梳哥斯同細細粒嘅祖亞倫即刻上前鬧爆，但眾所周知，甸尼都絕對唔係善男信女。
於是雙方衝突起上嚟，其中甸尼就被鏡頭影到，咁樣揸住祖亞倫塊面。睇返啲cap圖，佢哋個「狠樣」固然精彩，但原來大隻佬甸尼居然成個祖亞倫拎起咗！
不過，甸尼咁粗暴對祖亞倫，居然唔使拎紅牌，當值球證奧利華（Michael Oliver）只係因為雙方嘅衝突而俾咗黃牌甸尼同祖亞倫。
https://i.imgur.com/oY8j61L.gif
事後，作為專家嘅前國際足協兼英超球證普爾（Graham Poll）表示，佢睇返事發片段，認為從甸尼嘅手部動作同埋表情足以判斷，甸尼係刻意而且有決心地攻擊祖亞倫，佢認同球證奧利華當時嘅位置應該睇唔清楚甸尼嘅行為，所以佢以黃牌警告雙方嘅判決合理，但佢又同時補充，認為足總應該要對甸尼秋後算賬。雖然對於「暴力行為」嘅處罰一般都係停賽三場，但普爾就認為甸尼嘅行為足以停賽超過三場。
不過喺球場有衝突都好正常，祖亞倫事後就好大方咁表示，踢波就係會發生呢啲事，大家都係著緊場波嘅勝負，甸尼喺場下都係一個好人，絕對唔係針對佢自己喎，仲講笑話甸尼真係好大隻：「我有一個壞習慣，成日揀錯對象打交。」
Source: Daily Mail、Mirror
喺香港時間10月28日22:00，屈福特喺主場硬碰史篤城，之前早一兩個禮拜曾經排過前四嘅屈福特十分有韌力，而史篤城雖然暫時喺中下游掙扎，但一直以來都唔係「易食」。果然，客隊史篤城喺開波16分鐘就由費查取得領先，而屈福特雖然控制場面，擁有66%控球率壓住嚟攻，但始終都係入唔到波。
雙方激戰到去90分鐘後補時階段，當時因為有球員受傷，史篤城將個波踢出界外，之後按照不明文嘅球場慣例，因此獲得球權嘅屈福特應該會踢返個波俾史篤城，以示風度。不過，呢個時候落後緊一球而比賽就嚟結束，屈福特嘅隊長甸尼拒絕俾返個波對手，諗住把握機會進攻。史篤城班球員當然嬲到震啦，一向兇狠嘅梳哥斯同細細粒嘅祖亞倫即刻上前鬧爆，但眾所周知，甸尼都絕對唔係善男信女。
於是雙方衝突起上嚟，其中甸尼就被鏡頭影到，咁樣揸住祖亞倫塊面。睇返啲cap圖，佢哋個「狠樣」固然精彩，但原來大隻佬甸尼居然成個祖亞倫拎起咗！
不過，甸尼咁粗暴對祖亞倫，居然唔使拎紅牌，當值球證奧利華（Michael Oliver）只係因為雙方嘅衝突而俾咗黃牌甸尼同祖亞倫。
https://i.imgur.com/oY8j61L.gif
事後，作為專家嘅前國際足協兼英超球證普爾（Graham Poll）表示，佢睇返事發片段，認為從甸尼嘅手部動作同埋表情足以判斷，甸尼係刻意而且有決心地攻擊祖亞倫，佢認同球證奧利華當時嘅位置應該睇唔清楚甸尼嘅行為，所以佢以黃牌警告雙方嘅判決合理，但佢又同時補充，認為足總應該要對甸尼秋後算賬。雖然對於「暴力行為」嘅處罰一般都係停賽三場，但普爾就認為甸尼嘅行為足以停賽超過三場。
不過喺球場有衝突都好正常，祖亞倫事後就好大方咁表示，踢波就係會發生呢啲事，大家都係著緊場波嘅勝負，甸尼喺場下都係一個好人，絕對唔係針對佢自己喎，仲講笑話甸尼真係好大隻：「我有一個壞習慣，成日揀錯對象打交。」
Source: Daily Mail、Mirror