頭髮真係唔好亂搞，尼馬萬聖節中大伏
外國嘅萬聖節真係好好玩，香港雖然都有人會玩下化喪屍裝扮鬼扮馬，但就一定唔及歐美地區氣氛咁好，一到萬聖節真係一街都係鬼怪，有時就連啲球星都會搞搞新意思。
喺巴黎嘅PSG球星尼馬就不嬲都係「MK潮童」，佢由喺巴西去到巴塞早期嗰啲髮型，直頭係經典MK頭。不過之後有一排剷咗青，然後都喺髮型方面「沉寂」過一排。
不過今年萬聖節，唔知係唔係嚟到巴黎要做超級大球星，佢嘅「MK」基因又再返返嚟，不過似乎就連佢自己都嚇一跳。佢最近喺Instagram上面show咗張相，係佢掩住個嘴好似好sad咁樣，而佢頭頂就成片綠色嘢咁。
喺西人嘅說話入面，應該就冇「綠帽」、「頭頂一片綠」、「青頭」呢啲咁尷尬嘅聯想，不過就算係咁，佢個頭染成綠色都係咁俾人恥笑。
有人話，「你做咩成塊草皮鋪喺個頭度呀？」令我諗起打《FIFA》玩「ProClub」嗰陣，有時會遇到對手個頭整到同草地一樣色，好鬼搞笑。
所以話，玩還玩，唔好玩。頭髮嘅嘢真係唔好亂搞，就好似之前有人改圖證實咗，連碧咸、李安納度、彭于晏呢啲男神都唔能夠carry到地中海髮形一樣，靚仔唔係大晒架。
Source: SportBible
喺巴黎嘅PSG球星尼馬就不嬲都係「MK潮童」，佢由喺巴西去到巴塞早期嗰啲髮型，直頭係經典MK頭。不過之後有一排剷咗青，然後都喺髮型方面「沉寂」過一排。
不過今年萬聖節，唔知係唔係嚟到巴黎要做超級大球星，佢嘅「MK」基因又再返返嚟，不過似乎就連佢自己都嚇一跳。佢最近喺Instagram上面show咗張相，係佢掩住個嘴好似好sad咁樣，而佢頭頂就成片綠色嘢咁。
喺西人嘅說話入面，應該就冇「綠帽」、「頭頂一片綠」、「青頭」呢啲咁尷尬嘅聯想，不過就算係咁，佢個頭染成綠色都係咁俾人恥笑。
有人話，「你做咩成塊草皮鋪喺個頭度呀？」令我諗起打《FIFA》玩「ProClub」嗰陣，有時會遇到對手個頭整到同草地一樣色，好鬼搞笑。
所以話，玩還玩，唔好玩。頭髮嘅嘢真係唔好亂搞，就好似之前有人改圖證實咗，連碧咸、李安納度、彭于晏呢啲男神都唔能夠carry到地中海髮形一樣，靚仔唔係大晒架。
Source: SportBible