基沙文入波少之謎：原來已經轉行做國家隊龍門？
今個星期係國際賽期，除咗有世界盃外圍賽附加賽之外，其他國家隊都會約埋踼下友誼賽。最近，已經出線2018世界盃決賽周嘅法國隊，進行緊集訓，準備喺香港時間11月11日04:00主場友賽出咗局嘅威爾斯。
法國隊都算係2018世界盃嘅有力爭標分子之一，佢哋近年有超級防中簡迪橫空出世，又有2017歐洲金童獎得主麥巴比等生力軍，特別係喺前線，除咗有麥巴比之外，仲有「銀河唯一」基奧特同埋基沙文，而加美路、馬迪爾、拿卡錫迪呢啲都唔算太多機會上陣，可以話係有「幸福的煩惱」。不過，法國鋒線領頭人物基沙文近來嘅狀態十分令人擔憂，因為佢今季喺西甲同歐聯加埋上陣13場，只係攻入3球，對比起佢近年嘅勇態嚟講，絕對係一落千丈。
但係外界嘅質疑，似乎對基沙文嘅心情唔係太大影響，佢最近就喺法國隊嘅操練中努力訓練，不過竟然係練做門將。
其實唔少球員喺操練中都會被要求學下守龍門，以備不時之需，有時亦可能係同隊友玩玩下，作為喺正式操練前後嘅娛樂。唔知道基沙文係被主帥迪甘斯指派去守龍、自告奮勇去守、定係猜輸咗要守龍呢？
從基沙文自己upload上instagram嘅影片見到，佢守龍真係功架十足，睇佢嘅移步、擋高波地波、落地姿勢，統統有板有眼。
咁多個法國國腳都射佢唔入，去到最後先俾一球凌空抽射搞到失守，可惜睇唔清楚邊個咁勁，如果唔係基奧特傷咗而且呢球係用右腳，小弟會懷疑係專入靚波嘅「銀河唯一」囉。
Source: Sportbible
法國隊都算係2018世界盃嘅有力爭標分子之一，佢哋近年有超級防中簡迪橫空出世，又有2017歐洲金童獎得主麥巴比等生力軍，特別係喺前線，除咗有麥巴比之外，仲有「銀河唯一」基奧特同埋基沙文，而加美路、馬迪爾、拿卡錫迪呢啲都唔算太多機會上陣，可以話係有「幸福的煩惱」。不過，法國鋒線領頭人物基沙文近來嘅狀態十分令人擔憂，因為佢今季喺西甲同歐聯加埋上陣13場，只係攻入3球，對比起佢近年嘅勇態嚟講，絕對係一落千丈。
但係外界嘅質疑，似乎對基沙文嘅心情唔係太大影響，佢最近就喺法國隊嘅操練中努力訓練，不過竟然係練做門將。
其實唔少球員喺操練中都會被要求學下守龍門，以備不時之需，有時亦可能係同隊友玩玩下，作為喺正式操練前後嘅娛樂。唔知道基沙文係被主帥迪甘斯指派去守龍、自告奮勇去守、定係猜輸咗要守龍呢？
從基沙文自己upload上instagram嘅影片見到，佢守龍真係功架十足，睇佢嘅移步、擋高波地波、落地姿勢，統統有板有眼。
咁多個法國國腳都射佢唔入，去到最後先俾一球凌空抽射搞到失守，可惜睇唔清楚邊個咁勁，如果唔係基奧特傷咗而且呢球係用右腳，小弟會懷疑係專入靚波嘅「銀河唯一」囉。
Source: Sportbible