意大利生死戰，華拉堤等將傷停雪上加霜
2018世界盃外圍賽附加賽，意大利與瑞典兩隊只能活一隊，但意大利喺首回合作客不敵0-1，如果要出線世界盃決賽周，今晚深夜再戰瑞典只許勝不許敗，但呢個任務對於呢隊意大利嚟講似乎唔容易做到。可能，自1958年之後從未缺席世界盃決賽周嘅意大利，今屆真係會出唔到線……
喺2018世界盃外圍賽附加賽首回合，意大利派出「BBC」三中堅組合，巴沙利、邦路斯、基亞連尼經驗豐富加上保方把守大門，十分正路，不過佢哋嘅中前場似乎有唔少問題。喺瑞典嘅壓迫之下，由迪羅斯、華拉堤同馬高柏洛路組成嘅三人中場，以意大利對於防守嘅高標準去講，佢哋喺呢場波入面嘅防守意識係唔合格，對禁區頂保護唔夠，亦都唔能夠有效幫助球隊轉守為攻。
最大鑊嘅係「BBC」三中堅已經夠老，意大利嘅中場仲要依賴34歲嘅迪羅斯打防中，而按理應該為球隊注入更多活力嘅Box-to-box中場位置，用嘅係都已經32歲嘅柏洛路，雖然佢表現都唔差，但係假設迪羅斯係必然正選嘅話，加埋柏洛路嘅中場線活力實在太低，前鋒拎波都有難度，入波就難上加難。佢哋最終因為一球省中人改變方向嘅遠射而喺首回合輸1-0，除咗唔夠運之外，就係跟本冇入波板斧。
喺今晚深夜 (香港時間11月14日03:45)，意大利返到主場踢第二回合，當然係許勝不許敗，但佢哋有個不利消息，就係PSG中場華拉堤喺上場因為領到今屆賽事第5張黃牌而停賽，令到本來已經活力不足嘅意大利中場線雪上加霜。另外，國米後衛迪岩布斯奧、阿特蘭大中場史賓亞蘇拿，同埋喺西甲表現出色嘅射手施蒙尼沙薩都繼續因傷缺陣，特別係沙薩同華拉堤嘅缺陣更令人擔心，而上場爆鼻嘅邦路斯今場亦要戴面罩上陣。
對意大利嚟講，唯一好消息係羅馬翼鋒「小法老」艾沙拉維已經傷癒候命，而且恩斯治尼上仗後備上陣耗費體力唔多。正如意大利中場大師派路所講，照計意大利上場應該派出近季喺拿坡里打到識飛嘅恩斯治尼，活用佢出色嘅個人技術同串連能力，不過亡羊補牢未為晚也，今場趁佢有氣有力，正選放出嚟搏一鋪應該係扭轉敗局嘅關鍵。
Source: BBC、ESPN、calciomercato.com
球員譯名以馬會球員名單為參考標準
喺2018世界盃外圍賽附加賽首回合，意大利派出「BBC」三中堅組合，巴沙利、邦路斯、基亞連尼經驗豐富加上保方把守大門，十分正路，不過佢哋嘅中前場似乎有唔少問題。喺瑞典嘅壓迫之下，由迪羅斯、華拉堤同馬高柏洛路組成嘅三人中場，以意大利對於防守嘅高標準去講，佢哋喺呢場波入面嘅防守意識係唔合格，對禁區頂保護唔夠，亦都唔能夠有效幫助球隊轉守為攻。
最大鑊嘅係「BBC」三中堅已經夠老，意大利嘅中場仲要依賴34歲嘅迪羅斯打防中，而按理應該為球隊注入更多活力嘅Box-to-box中場位置，用嘅係都已經32歲嘅柏洛路，雖然佢表現都唔差，但係假設迪羅斯係必然正選嘅話，加埋柏洛路嘅中場線活力實在太低，前鋒拎波都有難度，入波就難上加難。佢哋最終因為一球省中人改變方向嘅遠射而喺首回合輸1-0，除咗唔夠運之外，就係跟本冇入波板斧。
喺今晚深夜 (香港時間11月14日03:45)，意大利返到主場踢第二回合，當然係許勝不許敗，但佢哋有個不利消息，就係PSG中場華拉堤喺上場因為領到今屆賽事第5張黃牌而停賽，令到本來已經活力不足嘅意大利中場線雪上加霜。另外，國米後衛迪岩布斯奧、阿特蘭大中場史賓亞蘇拿，同埋喺西甲表現出色嘅射手施蒙尼沙薩都繼續因傷缺陣，特別係沙薩同華拉堤嘅缺陣更令人擔心，而上場爆鼻嘅邦路斯今場亦要戴面罩上陣。
對意大利嚟講，唯一好消息係羅馬翼鋒「小法老」艾沙拉維已經傷癒候命，而且恩斯治尼上仗後備上陣耗費體力唔多。正如意大利中場大師派路所講，照計意大利上場應該派出近季喺拿坡里打到識飛嘅恩斯治尼，活用佢出色嘅個人技術同串連能力，不過亡羊補牢未為晚也，今場趁佢有氣有力，正選放出嚟搏一鋪應該係扭轉敗局嘅關鍵。
Source: BBC、ESPN、calciomercato.com
球員譯名以馬會球員名單為參考標準