【無間道】曼聯92班朋友隊表演賽 加歷查自殺式防守成功玩謝五小福！(有片)
利物浦名宿加歷查雖然喺紅軍好受尊重，但其實佢份人都可以好搞笑，例如佢當年有「烏龍王」嘅花名，結果佢喺自己嘅退休紀念賽，專登輸個12碼，然後搶喺對手起腳之前，自己操刀射入自己龍門，之後觀眾先知原來佢係專登搞場大龍鳳嚟自嘲，喺退休紀念賽都要入烏龍波。最近，加歷查又有新搞作，佢同曼聯92班合作踼表演賽，「成功」派膠累到「曼聯」失波。
曼聯92班朋友隊今場比賽嘅對手，就係踢緊英格蘭第六級別聯賽嘅沙福城 (Salford City F.C.) ，呢隊波同曼聯92班關係十分密切，因為佢哋嘅老闆包括有92班嘅幾位球員，加利尼維利、菲臘尼維利、史高斯、傑斯同畢特，佔咗50%股份，今場可以話係同老細踢友誼波，前曼聯領隊費格遜仲喺看台上面睇添！
曼聯92班朋友隊除咗有老闆「五小福」之外，仲搵咗約基、麥馬拿文、門將基雲等名將助拳，最特別就係有球員時代嘅「世仇」利物浦名宿加歷查幫手，點知加歷查真係好幫得手！
當時92班領先緊2-1，但加歷查喺自己禁區處理個波嗰陣，唔知做乜唔一早清走或者回傳，論論盡盡咁控返向龍門嗰邊，「再假啲添再假啲添」，用身位「得住」，仲細細力醫院波回傳俾基雲，搞到基雲勁尷尬，最終導致失波。
之後，有個Twitter好鬼搞笑，post 咗段片同tag 咗加歷查、加利佬，叫佢哋好似自己喺《Sky Sports》做球評咁，分析下呢一球。
菲臘佬就share咗呢段twitter，講笑咁鬧鬼加歷查靠害。
加歷查都不甘示弱，佢好搞笑咁話自己一如而往咁做得好好，睇清楚晒場上嘅情況，然後希望門將出嚟沒收個波，仲話只能夠代表門將道歉喎！基雲真係多得你唔少，其實你係咪無間道，專登嚟靠害，想「曼聯」輸波架炸？如果係嘅話，真係做得好，哈哈哈！
最後，92班憑住約基嘅入波，同埋前曼聯青訓球員丹尼韋伯 (Danny Webber) 嘅帽子戲法，以4-4同沙福城打成平手，總算冇失威。
比賽精華
https://www.youtube.com/watch?v=PUTEiSjKwJU&feature=youtu.be
Source: The Sun
曼聯92班朋友隊今場比賽嘅對手，就係踢緊英格蘭第六級別聯賽嘅沙福城 (Salford City F.C.) ，呢隊波同曼聯92班關係十分密切，因為佢哋嘅老闆包括有92班嘅幾位球員，加利尼維利、菲臘尼維利、史高斯、傑斯同畢特，佔咗50%股份，今場可以話係同老細踢友誼波，前曼聯領隊費格遜仲喺看台上面睇添！
曼聯92班朋友隊除咗有老闆「五小福」之外，仲搵咗約基、麥馬拿文、門將基雲等名將助拳，最特別就係有球員時代嘅「世仇」利物浦名宿加歷查幫手，點知加歷查真係好幫得手！
當時92班領先緊2-1，但加歷查喺自己禁區處理個波嗰陣，唔知做乜唔一早清走或者回傳，論論盡盡咁控返向龍門嗰邊，「再假啲添再假啲添」，用身位「得住」，仲細細力醫院波回傳俾基雲，搞到基雲勁尷尬，最終導致失波。
之後，有個Twitter好鬼搞笑，post 咗段片同tag 咗加歷查、加利佬，叫佢哋好似自己喺《Sky Sports》做球評咁，分析下呢一球。
菲臘佬就share咗呢段twitter，講笑咁鬧鬼加歷查靠害。
加歷查都不甘示弱，佢好搞笑咁話自己一如而往咁做得好好，睇清楚晒場上嘅情況，然後希望門將出嚟沒收個波，仲話只能夠代表門將道歉喎！基雲真係多得你唔少，其實你係咪無間道，專登嚟靠害，想「曼聯」輸波架炸？如果係嘅話，真係做得好，哈哈哈！
最後，92班憑住約基嘅入波，同埋前曼聯青訓球員丹尼韋伯 (Danny Webber) 嘅帽子戲法，以4-4同沙福城打成平手，總算冇失威。
比賽精華
https://www.youtube.com/watch?v=PUTEiSjKwJU&feature=youtu.be
Source: The Sun