記唔記得佢？昔日荷蘭新星曾踼皇馬正選左閘：「我29歲就退役，因為我唔開心」
最近講起荷蘭喺世界盃外圍賽出局，大家都驚嘆荷蘭竟然要用返賴恩巴布，呢位當年曾經係荷蘭新一代被寄予厚望，而依家踼緊土超嘅30歲左翼。不過，講返佢嗰一代踼唔起嘅新星，原來我哋都忘記咗一個人，佢就係踢過皇馬嘅德倫特 (Royston Drenthe，有線譯迪倫菲)。
想當年，德倫特同賴恩巴布一齊出戰2007年U21歐國盃，不但協助荷蘭U21奪得冠軍，得到呢屆賽事最佳球員嘅並唔係決賽拎到 Man of the Match 嘅賴恩巴布，而係德倫特。
德倫特馬上就同佢嘅同胞史尼達一齊加盟「銀河艦隊」皇家馬德里，同年加盟嘅仲有依家皇馬嘅必然正選左閘馬些路。起初，又可以踼左閘又可以踢左翼嘅德倫特成條左路打晒，一加盟就成為咗皇馬嘅正選左閘。不過後來俾馬些路迎頭趕上，加上紀律有問題，就俾皇馬棄用，喺2010-11球季被外借去西甲升班馬靴高斯 (Hércules CF) ，又喺2011-12球季借去英超嘅愛華頓，越踼越沉之下，慢慢銷聲匿跡，喺2017年初以29歲之齡掛靴，專行做Rapper。
佢喺近日接受咗《馬卡報》嘅詳細專訪，回顧自己嘅足球生涯，佢表示自己係因為唔開心而退役：「我咁後生就退役，係因為我唔開心。我覺得好攰、抑鬱、冇希望……職業足球已經唔再令我快樂，我唔鍾意嗰個世界。好多唔好嘅事發生喺我身上，當時我喺阿聯酋踢波，有一日我突然覺得夠喇，我唔踢喇。」
佢又提到，自己嘅童年過得唔愉快，爸爸喺佢三歲嘅時候被謀殺，媽媽為咗保護佢而一直都冇講出嚟，佢自幼喺品流複雜嘅街頭長大，令佢無時無刻都要以「戰鬥格」示人。喺踼波嘅時候，又遇人不淑：「我同一啲經理人出現咗問題，同埋有啲人想埋我身拎著數……我唔想開名，不過喺足球圈入面，有好多人都好唔誠實。我簽過好多文件，最終得到完全唔同嘅嘢，佢哋俾我嘅永遠都比當初傾嘅少……識得我嘅人都知道我係好人、會相信人，的確有啲人會埋我身想攞著數同埋呃我。去到最後幾年，我冇經理人，因為我唔再相信任何人，到最後我以離開足球去終止一切。」
德倫特當然都有提到佢喺皇馬嘅日子：「好難去概括一切，但我係覺得開心嘅。皇馬係史上最勁嘅球隊，而我曾經效力過佢。冇人可以否定呢樣嘢。有好多夢想效力皇馬嘅超級球星都冇呢個機會。我得到呢個機會，我亦都好享受，因為我嘅夢想成真。我會永遠將皇馬擺喺心入面，我係一個皇馬球迷。」
「我20歲嘅時候以U21歐國盃最佳球員嘅身份去到皇馬，第一場波對西維爾仲射入世界波。每個人對我嘅期望都好高，我又將個標準再次提高，喺20歲嚟講，呢個情況係好難處理。」
https://i.imgur.com/nprlGr2.gif
佢認為自己喺皇馬本來幾順利，同主帥舒斯達嘅關係唔錯，直到摩連奴喺2010年上任一切改變。佢話喺2010-11球季嘅季前訓練入面，雖然自己已經失去咗正選位置，但都認真努力咁訓練，點知喺轉會窗關閉之前，摩佬突然叫佢喺剩低24小時內自己搵出路，佢於是同摩佬對質，摩佬就話唔關自己事，只係高層嘅決定，最終佢就被外借去靴高斯。
去到靴高斯，德倫特本來踼得唔錯，球隊仲爆冷贏咗巴塞，德倫特亦被選入大國腳，但後來球隊欠薪，德倫特罷訓，摩佬冇幫手處理，只係打電話鬧咗德倫特一餐，最後佢返到皇馬之後，摩佬唔俾佢同球隊一齊訓練，佢就知自己嘅皇馬生涯已經玩完。
最後，今年30歲而且已經有5個仔女嘅德倫特，話佢依然有同幾個皇馬人聯絡，但自己私下已經唔再踼波。不過，佢仍然離唔開足球，因為佢依家考緊青訓教練牌，希望可以用經驗幫助新一代嘅足球員啦。
球王片
https://youtu.be/zZyRFkFAcjI
德倫特rap歌
https://youtu.be/jD98bsBYo1I
Source: Marca
想當年，德倫特同賴恩巴布一齊出戰2007年U21歐國盃，不但協助荷蘭U21奪得冠軍，得到呢屆賽事最佳球員嘅並唔係決賽拎到 Man of the Match 嘅賴恩巴布，而係德倫特。
德倫特馬上就同佢嘅同胞史尼達一齊加盟「銀河艦隊」皇家馬德里，同年加盟嘅仲有依家皇馬嘅必然正選左閘馬些路。起初，又可以踼左閘又可以踢左翼嘅德倫特成條左路打晒，一加盟就成為咗皇馬嘅正選左閘。不過後來俾馬些路迎頭趕上，加上紀律有問題，就俾皇馬棄用，喺2010-11球季被外借去西甲升班馬靴高斯 (Hércules CF) ，又喺2011-12球季借去英超嘅愛華頓，越踼越沉之下，慢慢銷聲匿跡，喺2017年初以29歲之齡掛靴，專行做Rapper。
佢喺近日接受咗《馬卡報》嘅詳細專訪，回顧自己嘅足球生涯，佢表示自己係因為唔開心而退役：「我咁後生就退役，係因為我唔開心。我覺得好攰、抑鬱、冇希望……職業足球已經唔再令我快樂，我唔鍾意嗰個世界。好多唔好嘅事發生喺我身上，當時我喺阿聯酋踢波，有一日我突然覺得夠喇，我唔踢喇。」
佢又提到，自己嘅童年過得唔愉快，爸爸喺佢三歲嘅時候被謀殺，媽媽為咗保護佢而一直都冇講出嚟，佢自幼喺品流複雜嘅街頭長大，令佢無時無刻都要以「戰鬥格」示人。喺踼波嘅時候，又遇人不淑：「我同一啲經理人出現咗問題，同埋有啲人想埋我身拎著數……我唔想開名，不過喺足球圈入面，有好多人都好唔誠實。我簽過好多文件，最終得到完全唔同嘅嘢，佢哋俾我嘅永遠都比當初傾嘅少……識得我嘅人都知道我係好人、會相信人，的確有啲人會埋我身想攞著數同埋呃我。去到最後幾年，我冇經理人，因為我唔再相信任何人，到最後我以離開足球去終止一切。」
德倫特當然都有提到佢喺皇馬嘅日子：「好難去概括一切，但我係覺得開心嘅。皇馬係史上最勁嘅球隊，而我曾經效力過佢。冇人可以否定呢樣嘢。有好多夢想效力皇馬嘅超級球星都冇呢個機會。我得到呢個機會，我亦都好享受，因為我嘅夢想成真。我會永遠將皇馬擺喺心入面，我係一個皇馬球迷。」
「我20歲嘅時候以U21歐國盃最佳球員嘅身份去到皇馬，第一場波對西維爾仲射入世界波。每個人對我嘅期望都好高，我又將個標準再次提高，喺20歲嚟講，呢個情況係好難處理。」
https://i.imgur.com/nprlGr2.gif
佢認為自己喺皇馬本來幾順利，同主帥舒斯達嘅關係唔錯，直到摩連奴喺2010年上任一切改變。佢話喺2010-11球季嘅季前訓練入面，雖然自己已經失去咗正選位置，但都認真努力咁訓練，點知喺轉會窗關閉之前，摩佬突然叫佢喺剩低24小時內自己搵出路，佢於是同摩佬對質，摩佬就話唔關自己事，只係高層嘅決定，最終佢就被外借去靴高斯。
去到靴高斯，德倫特本來踼得唔錯，球隊仲爆冷贏咗巴塞，德倫特亦被選入大國腳，但後來球隊欠薪，德倫特罷訓，摩佬冇幫手處理，只係打電話鬧咗德倫特一餐，最後佢返到皇馬之後，摩佬唔俾佢同球隊一齊訓練，佢就知自己嘅皇馬生涯已經玩完。
最後，今年30歲而且已經有5個仔女嘅德倫特，話佢依然有同幾個皇馬人聯絡，但自己私下已經唔再踼波。不過，佢仍然離唔開足球，因為佢依家考緊青訓教練牌，希望可以用經驗幫助新一代嘅足球員啦。
球王片
https://youtu.be/zZyRFkFAcjI
德倫特rap歌
https://youtu.be/jD98bsBYo1I
Source: Marca