瀟灑迪羅斯三大型事：世界盃獎牌放入球隊職員棺材、登瑞典隊巴道歉、怒斥意大利教練
早前意大利國家隊喺2018世界盃外圍賽附加賽黯然出局，大家都好記得喺比賽後段，出現咗主帥雲杜拿叫迪羅斯熱身，而迪羅斯發火呢個畫面。其實除咗年紀更大嘅保方同派路係意大利瀟灑型男嘅代表之外，迪羅斯喺呢方面絕對唔遜色，特別係講緊行為上。
1. 怒斥意大利教練
因為意大利出局係國際球壇近排最大嘅話題，所以呢件事大家都清楚，就唔講太多。當時意大利喺2018世界盃外圍賽附加賽次回合，同暫時仍然同瑞典打成0-0，總比數更落後0-1，所以喺比賽後段，主帥雲杜拿透過助教要求踢防中嘅迪羅斯去熱身嗰時，迪羅斯忍唔住爆出嚟，如果用廣東話去講大約就係「我哋要入波呀，換我有鬼用咩，換恩斯治尼啦！」賽後，迪羅斯承認當時係抗議主帥決定。
雖然佢當時講嘢嘅對象係個助教，但其實矛頭直指下達命令嘅雲杜拿，迪羅斯本身都唔係嗰啲會唔服從主帥嘅人，但嗰一刻為咗自己國家而著急，絕大部份球員都希望自己呢個時候可以落場拼搏，但佢想將機會交俾最有希望改變戰局嘅隊友，此乃真男人。
2. 登瑞典隊巴道歉
上面講嘅第一件事就出晒名，第二件事係喺意大利出局賽後發生。話說同樣喺最近呢場意大利對瑞典嘅比賽，賽前按慣例輪流奏起兩軍嘅國歌，今次係意大利主場聖西路，總比數落後緊嘅主場意大利球迷自然唔滿意，佢哋喺奏瑞典國歌嘅時候竟然發出噓聲，全場74,000個觀眾嘅噓聲實在太大，令到有風度嘅意大利球員例如保方，都幾尷尬，唯有向瑞典國歌鼓掌以示尊重。
其實噓人哋國歌係極唔尊重唔禮貌嘅表現，所以保方呢啲紳士自然為球迷嘅表現覺得慚愧，不過冇一個人好似迪羅斯咁樣做！佢竟然喺賽後單人匹馬，走上去瑞典隊巴，向住瑞典所有職球員道歉。其實喺自己國家隊黯然出局之後，好多球員都冇晒心情，對於賽前發生呢啲嘢都唔會放喺心，但迪羅斯喺呢個心情之下仲可以去道歉，而且仲恭喜佢哋出線，少啲氣度都唔得，難怪瑞典球員同教練之後大讚迪羅斯係紳士。
3. 世界盃獎牌放入球隊職員棺材
呢件事並唔係最近發生嘅，而且已經被遺忘，不過講起迪羅斯，唔可以唔講。羅馬隊長一向十分專業，不過佢喺2016年有一次訓練竟然早走，原來佢係要趕去參加好友嘅葬禮。呢位好友唔係普通人，而係服務意大利國家隊多年嘅球衣管理員 Pietro Lombardi。球衣管理員喺球隊中嘅職責，係負責準備球員嘅裝備，通常都服務球隊好多年，同球員關係好好，呢位綽號「牙刷叔」(Spazzolino，The Toothbrush) 嘅球衣管理員亦都唔例外，佢因為成日用心幫球員洗刷波呠而得到呢個花名，佢喺去世嘅時候已經92歲，計返條數即係話佢隨隊出征2006世界盃時都大約82歲。
「牙刷叔」喺一班2006意大利國家隊成員入面非常受歡迎，當時仲係後生仔嘅迪羅斯更加係對佢又敬又愛。所以喺2016年3月嘅一個早上，迪羅斯罕有咁喺訓練中早走，為嘅就係由羅馬趕去接近300公里之外嘅佛羅倫斯，出席「牙刷叔」嘅葬禮，更加將自己2006年世界盃獎牌放喺佢棺材入面送俾佢，迪羅斯覺得呢位國家隊無名英雄值得一面世界盃獎牌。一個重情重義嘅男人，先係最型！
Source: ESPN、Daily Mail、Mirror、Independent、Bleacher Report
1. 怒斥意大利教練
因為意大利出局係國際球壇近排最大嘅話題，所以呢件事大家都清楚，就唔講太多。當時意大利喺2018世界盃外圍賽附加賽次回合，同暫時仍然同瑞典打成0-0，總比數更落後0-1，所以喺比賽後段，主帥雲杜拿透過助教要求踢防中嘅迪羅斯去熱身嗰時，迪羅斯忍唔住爆出嚟，如果用廣東話去講大約就係「我哋要入波呀，換我有鬼用咩，換恩斯治尼啦！」賽後，迪羅斯承認當時係抗議主帥決定。
雖然佢當時講嘢嘅對象係個助教，但其實矛頭直指下達命令嘅雲杜拿，迪羅斯本身都唔係嗰啲會唔服從主帥嘅人，但嗰一刻為咗自己國家而著急，絕大部份球員都希望自己呢個時候可以落場拼搏，但佢想將機會交俾最有希望改變戰局嘅隊友，此乃真男人。
2. 登瑞典隊巴道歉
上面講嘅第一件事就出晒名，第二件事係喺意大利出局賽後發生。話說同樣喺最近呢場意大利對瑞典嘅比賽，賽前按慣例輪流奏起兩軍嘅國歌，今次係意大利主場聖西路，總比數落後緊嘅主場意大利球迷自然唔滿意，佢哋喺奏瑞典國歌嘅時候竟然發出噓聲，全場74,000個觀眾嘅噓聲實在太大，令到有風度嘅意大利球員例如保方，都幾尷尬，唯有向瑞典國歌鼓掌以示尊重。
其實噓人哋國歌係極唔尊重唔禮貌嘅表現，所以保方呢啲紳士自然為球迷嘅表現覺得慚愧，不過冇一個人好似迪羅斯咁樣做！佢竟然喺賽後單人匹馬，走上去瑞典隊巴，向住瑞典所有職球員道歉。其實喺自己國家隊黯然出局之後，好多球員都冇晒心情，對於賽前發生呢啲嘢都唔會放喺心，但迪羅斯喺呢個心情之下仲可以去道歉，而且仲恭喜佢哋出線，少啲氣度都唔得，難怪瑞典球員同教練之後大讚迪羅斯係紳士。
3. 世界盃獎牌放入球隊職員棺材
呢件事並唔係最近發生嘅，而且已經被遺忘，不過講起迪羅斯，唔可以唔講。羅馬隊長一向十分專業，不過佢喺2016年有一次訓練竟然早走，原來佢係要趕去參加好友嘅葬禮。呢位好友唔係普通人，而係服務意大利國家隊多年嘅球衣管理員 Pietro Lombardi。球衣管理員喺球隊中嘅職責，係負責準備球員嘅裝備，通常都服務球隊好多年，同球員關係好好，呢位綽號「牙刷叔」(Spazzolino，The Toothbrush) 嘅球衣管理員亦都唔例外，佢因為成日用心幫球員洗刷波呠而得到呢個花名，佢喺去世嘅時候已經92歲，計返條數即係話佢隨隊出征2006世界盃時都大約82歲。
「牙刷叔」喺一班2006意大利國家隊成員入面非常受歡迎，當時仲係後生仔嘅迪羅斯更加係對佢又敬又愛。所以喺2016年3月嘅一個早上，迪羅斯罕有咁喺訓練中早走，為嘅就係由羅馬趕去接近300公里之外嘅佛羅倫斯，出席「牙刷叔」嘅葬禮，更加將自己2006年世界盃獎牌放喺佢棺材入面送俾佢，迪羅斯覺得呢位國家隊無名英雄值得一面世界盃獎牌。一個重情重義嘅男人，先係最型！
Source: ESPN、Daily Mail、Mirror、Independent、Bleacher Report