逢烏必靚！車路士外借小將射入世界波烏龍球，門將無奈被笠臭
正所謂，烏龍波通常都係靚波，仲記得之前港隊中堅法圖斯喺聯賽射入過「蠍子擺尾」或烏龍球，仲靚到「揚威國際」，誰不知喺一大堆正在外借爭取表現嘅車路士小將中，以下呢位竟然都以呢個另類又不幸嘅方式令世人認識佢。
22歲嘅英格蘭後衛Fankaty Dabo係車路士青訓出品，睇返佢嘅履歷，似乎暫時唔係一個好出色嘅年輕球員，為英格蘭U16、U17、U20代表隊上陣合共只有11次，而上季中仲要被外借去英甲嘅史雲頓，佢當時已經21歲，如果有一流潛力嘅話可能已經借咗去頂級聯賽中/下游，例如「龍虎切」羅夫度斯卓克 (都係21歲) 就踼緊水晶宮。不過，Fankaty Dabo今季的確更上一層樓，今季得到外借去荷甲維迪斯嘅機會，而且成功坐穩正選右閘席位，都算叻仔。
但係佢應該唔係咁想以呢個方式「成名」喇。喺最近一場荷甲比賽之中，維迪斯作客格羅寧根，喺比賽嘅58分鐘，當時維迪斯領先緊1-0。右閘Dabo喺自己後場受到對手緊逼，情急之下選擇大腳長傳回俾門將，但喺對手力逼之下又點會傳得靚丫，呢個右路邊線遠距離回傳，竟然好似啲世紀笠射咁，笠死咗自己門將，搞到佢超無奈。
https://i.imgur.com/J7fhikJ.gif
其實Dabo呢球，馬後炮咁講，最終係衰姑寒，因為佢最起碼一定可以將個波踢到出界。當然，佢第一下接隊友傳波個first touch實在太差，俾到對手更多機會埋身逼，同埋如果佢腳法好啲嘅話，護到個波再俾隔離左右嘅隊友，甚至搓後個波擺脫對手。既然佢做唔到呢樣嘢，其實應該穩陣啲，只可以話佢decision making、腳下功夫都有待進步，同時又十分黑仔。
https://youtu.be/FI_LR_bWXqo
講返場波，正係呢一球，斷送咗維迪斯嘅領先優勢，幫格羅寧根追成1-1，最後格羅寧根反勝4-2。
Source: Mirror
22歲嘅英格蘭後衛Fankaty Dabo係車路士青訓出品，睇返佢嘅履歷，似乎暫時唔係一個好出色嘅年輕球員，為英格蘭U16、U17、U20代表隊上陣合共只有11次，而上季中仲要被外借去英甲嘅史雲頓，佢當時已經21歲，如果有一流潛力嘅話可能已經借咗去頂級聯賽中/下游，例如「龍虎切」羅夫度斯卓克 (都係21歲) 就踼緊水晶宮。不過，Fankaty Dabo今季的確更上一層樓，今季得到外借去荷甲維迪斯嘅機會，而且成功坐穩正選右閘席位，都算叻仔。
但係佢應該唔係咁想以呢個方式「成名」喇。喺最近一場荷甲比賽之中，維迪斯作客格羅寧根，喺比賽嘅58分鐘，當時維迪斯領先緊1-0。右閘Dabo喺自己後場受到對手緊逼，情急之下選擇大腳長傳回俾門將，但喺對手力逼之下又點會傳得靚丫，呢個右路邊線遠距離回傳，竟然好似啲世紀笠射咁，笠死咗自己門將，搞到佢超無奈。
https://i.imgur.com/J7fhikJ.gif
其實Dabo呢球，馬後炮咁講，最終係衰姑寒，因為佢最起碼一定可以將個波踢到出界。當然，佢第一下接隊友傳波個first touch實在太差，俾到對手更多機會埋身逼，同埋如果佢腳法好啲嘅話，護到個波再俾隔離左右嘅隊友，甚至搓後個波擺脫對手。既然佢做唔到呢樣嘢，其實應該穩陣啲，只可以話佢decision making、腳下功夫都有待進步，同時又十分黑仔。
https://youtu.be/FI_LR_bWXqo
講返場波，正係呢一球，斷送咗維迪斯嘅領先優勢，幫格羅寧根追成1-1，最後格羅寧根反勝4-2。
Source: Mirror