西維爾主帥半場透露患癌消息，激起球員鬥志連入三球追平利物浦
足球好睇嘅地方，就係不可預料，奇蹟隨時發生。正如名句「波係圓嘅」，人生同足球一樣，永遠唔知下一秒會發生咩事。喺噚晚嘅歐聯分組賽中，西維爾喺半場落後三球俾利物浦嘅情況之下，一口氣連追三球扳平，幾乎可以同利物浦嘅「伊斯坦堡奇蹟」並肩，可惜呢場只係一場分組賽。不過，呢場分組賽對於西維爾主帥貝利素 (Eduardo Berizzo) 嘅意義絕對超過「伊斯坦堡奇蹟」，希望奇蹟同樣降臨喺佢身上。
香港時間11月22日03:45，西維爾主場迎戰利物浦，西維爾半場俾紅軍嘅費明奴梅開二度加上文尼嘅入波搞到落後三球返入更衣室，但佢哋下半場出返嚟嘅時候好似換咗另一隊波咁，憑住賓耶達射入兩球，加上古爾度比沙路喺補時階段建功，竟然成功逼和紅軍，展現出非一般嘅韌力。
賽後，起初大家都聚焦喺利物浦如何諷刺地重演「伊斯坦堡奇蹟」，只係今次成為咗受害者。不過無耐之後，西班牙傳媒爆料，話西維爾班球員之所以突然搏晒命，原來係同主帥貝利素帶嚟嘅壞消息有關。
原來48歲嘅貝利素喺最近經過檢查，發現患上前列腺癌，但暫時未同其他人講。佢喺半場嘅時候同一班球員講咗呢個壞消息，而且話自己即將要接受治療，呢場唔知會唔會係最後一場比賽。據悉，所有球員都同佢擁抱，並且激起鬥志。
班尼加喺賽後就表示今場全靠貝利素先可以絕地追平：「呢場係瘋狂嘅比賽。我哋返入更衣室嘅時候，深信只要我哋盡力嘗試就可以追返。」
「我哋一定要用唔同嘅態度返出嚟比賽，為咗支持我哋嘅球迷，同埋我哋嘅教練，佢改變咗我哋嘅處境。」
「佢係我哋最好嘅球迷。仍將我哋帶上正軌，我哋無論如何都會如佢同在。」
貝利素患癌嘅消息，加上呢場熱血嘅經典戰役，同埋完場之後一班球員衝埋佢度慶祝嘅畫面，特別賺人熱淚。西維爾主席向記者表示，就貝利素嘅健康情況，將會正式發出聲明公佈。《Mirror》引述消息指，由於貝利素及時發現腫瘤，所以估計佢嘅情況應該樂觀，但就真係要盡快放低工作喇，大家祝佢早日康復啦！
喺當地時間星期三早上，西維爾正式發表咗聲明，證實貝利素患癌嘅消息，佢會進行進一步嘅診斷去決定需要點樣治療，而西維爾就表示全力支持佢，希望佢早日康復。
Source: independent、football-espana、Mirror、Marca
香港時間11月22日03:45，西維爾主場迎戰利物浦，西維爾半場俾紅軍嘅費明奴梅開二度加上文尼嘅入波搞到落後三球返入更衣室，但佢哋下半場出返嚟嘅時候好似換咗另一隊波咁，憑住賓耶達射入兩球，加上古爾度比沙路喺補時階段建功，竟然成功逼和紅軍，展現出非一般嘅韌力。
賽後，起初大家都聚焦喺利物浦如何諷刺地重演「伊斯坦堡奇蹟」，只係今次成為咗受害者。不過無耐之後，西班牙傳媒爆料，話西維爾班球員之所以突然搏晒命，原來係同主帥貝利素帶嚟嘅壞消息有關。
原來48歲嘅貝利素喺最近經過檢查，發現患上前列腺癌，但暫時未同其他人講。佢喺半場嘅時候同一班球員講咗呢個壞消息，而且話自己即將要接受治療，呢場唔知會唔會係最後一場比賽。據悉，所有球員都同佢擁抱，並且激起鬥志。
班尼加喺賽後就表示今場全靠貝利素先可以絕地追平：「呢場係瘋狂嘅比賽。我哋返入更衣室嘅時候，深信只要我哋盡力嘗試就可以追返。」
「我哋一定要用唔同嘅態度返出嚟比賽，為咗支持我哋嘅球迷，同埋我哋嘅教練，佢改變咗我哋嘅處境。」
「佢係我哋最好嘅球迷。仍將我哋帶上正軌，我哋無論如何都會如佢同在。」
貝利素患癌嘅消息，加上呢場熱血嘅經典戰役，同埋完場之後一班球員衝埋佢度慶祝嘅畫面，特別賺人熱淚。西維爾主席向記者表示，就貝利素嘅健康情況，將會正式發出聲明公佈。《Mirror》引述消息指，由於貝利素及時發現腫瘤，所以估計佢嘅情況應該樂觀，但就真係要盡快放低工作喇，大家祝佢早日康復啦！
喺當地時間星期三早上，西維爾正式發表咗聲明，證實貝利素患癌嘅消息，佢會進行進一步嘅診斷去決定需要點樣治療，而西維爾就表示全力支持佢，希望佢早日康復。
Source: independent、football-espana、Mirror、Marca