【霸氣盃的考驗】今季歐戰唯一英格蘭主帥，領第四組別小鎮球隊第六季即殺入歐霸32強
今季踢到依家，喺歐聯同歐霸分組賽咁多支球隊之中，就只有一位英格蘭籍嘅正印主帥，就算計埋看守領隊，即係愛華頓嘅安斯禾夫 (David Unsworth) ，加埋都只係得兩個，但相信大家未必第一時間就諗到呢位仁兄到底係邊個。佢係執教瑞典超級聯賽球隊奧斯達辛斯 (Östersunds FK) 嘅格拉咸波特 (Graham Potter)。
無錯，Potter可以有其他廣東話譯名，但小弟專登用返哈利波特 (Harry Potter) 個波特，因為格拉咸波特同哈利波特一樣有魔法，呢位默默無聞嘅教練，接手執教奧斯達辛斯時，球隊仲喺瑞典第四級別聯賽，今日呢隊波已經打入歐霸32強淘汰賽。佢哋先喺歐霸外圍賽殺退土超勁旅加拉塔沙雷同希臘超嘅PAOK，打入分組賽，再喺J組強敵——德甲嘅哈化柏林、西甲嘅畢爾包、烏超球隊索爾亞之間脫穎而出，排喺小組首名。喺香港時間11月24日凌晨，佢哋喺第五輪分組賽以2-0再次撃敗索爾亞，提早出線。呢支球隊同呢位領隊可以話一樣咁神奇。
格拉咸波特今年42歲，佢年輕嘅時候司職後衛，曾經踼過伯明翰、史篤城、修咸頓、西布朗等英格蘭老牌球會，更加參與過1996年修咸頓6-3擊敗曼聯嘅比賽，不過佢只係踼過8場英超比賽。佢喺2005年退役之後不斷進修，2011球季喺前愛華頓主帥、現任比利時國家隊主帥馬天尼斯 (Roberto Martínez) 嘅助手加利美鍾斯 (Graeme Jones) 引薦之下，成為奧斯達辛斯嘅主教練。奧斯達辛斯當時係瑞典第四級別聯賽 (Division 2) 嘅球隊，但喺波特帶領之下，連續兩年升班，2013年升上第二級別 (Superettan)，2015年就成功升上頂級聯賽「瑞典超」(Allsvenskan)，只係用咗五季時間。
奧斯達辛斯喺2016球季，即係第一年踢頂級聯賽，已經以第8位完成聯賽，並且贏得瑞典盃冠軍 (Svenska Cupen) ，得到歐霸外圍賽資格，剛剛又殺入淘汰賽，對於呢支位於瑞典中北部嘅偏遠小鎮球隊嚟講，已經係一個壯舉。
波特同記者講：「喺瑞典，所有斯德哥爾摩以北嘅地方都係一片荒蕪，而我哋喺斯德哥爾摩以北，五個鐘頭火車車程嘅地方，距離另一個最近嘅城鎮兩個半鐘頭車程……呢樣嘢同時帶嚟挑戰同機會。如果你招募到正確嘅人選，就可以創造緊密嘅連繫同凝聚團隊精神。但另一方面，如果你做得唔好，就好快會出事，因為喺呢個小鎮入面冇得逃避問題。」
佢仲話要說服球員搬嚟呢個冬天會凍到得-30度嘅城鎮係好困難：「說服瑞典球員搬嚟國家嘅北部唔係咁易，因為我哋嘅位置問題，亦都因為我哋球會歷史唔長，我哋球會1996年先成立，冇一個好長嘅傳統。」
所以，球隊經常起用一啲喺外面被「拋棄」嘅球員，例如英格蘭低組別球員Jamie Hopcutt同Curtis Edwards，其他非本土球員嘅國籍包括尼日利亞、伊拉克、敘利亞、加納等，甚至連主帥本身都係有感英格蘭球壇嘅發揮機會唔多，先會毅然嚟到呢度闖一番事業，佢又認為英格蘭球壇缺乏耐性，一時戰績唔好就已經要俾人炒，但正如佢喺奧斯達辛斯一樣，要取得成功需要一個長遠嘅計劃，但喺英格蘭就可能冇呢個機會喇。
Östersund呢個城市只得40,000幾人，波特就話呢個雖然係一個「冬天城市」，但隨著球隊表現越嚟越好，依家已經有所改變，氣氛都開始熾熱起嚟。事關奧斯達辛斯喺多年前跌入第四級別聯賽，令好多球迷心灰意冷，波特接手時主場觀眾大約得800幾人，但依家已經多咗10倍，坐爆嘅時候有超過8,000名觀眾，而平均都有超過5,000人入場支持球隊。
今季瑞典超已經喺11月初完結，呢支全聯賽最北面嘅球隊錄得13勝11和6負，以第5名完成，比起上季更進一步，相信隨著球隊嘅名氣同經濟狀況有所改善，佢哋未來仍會不斷進步，嚟緊可以繼續留意佢哋喺歐霸可以走得幾遠。另一方面，希望格拉咸波特嘅故事，可以鼓勵更多新一代英格蘭教練外闖，唔好再留喺英格蘭固步自封，出去見下世面同吸收其他國家足球嘅優點，最終先可以幫到英格蘭球壇以至國家隊。
如果想知多啲關於格拉咸波特同奧斯達辛斯嘅故事，可以睇埋以下BBC製作嘅短片：
Source: independent、telegraph、DailyMail、BBC
球會及球員譯名以馬會名單為參考
無錯，Potter可以有其他廣東話譯名，但小弟專登用返哈利波特 (Harry Potter) 個波特，因為格拉咸波特同哈利波特一樣有魔法，呢位默默無聞嘅教練，接手執教奧斯達辛斯時，球隊仲喺瑞典第四級別聯賽，今日呢隊波已經打入歐霸32強淘汰賽。佢哋先喺歐霸外圍賽殺退土超勁旅加拉塔沙雷同希臘超嘅PAOK，打入分組賽，再喺J組強敵——德甲嘅哈化柏林、西甲嘅畢爾包、烏超球隊索爾亞之間脫穎而出，排喺小組首名。喺香港時間11月24日凌晨，佢哋喺第五輪分組賽以2-0再次撃敗索爾亞，提早出線。呢支球隊同呢位領隊可以話一樣咁神奇。
格拉咸波特今年42歲，佢年輕嘅時候司職後衛，曾經踼過伯明翰、史篤城、修咸頓、西布朗等英格蘭老牌球會，更加參與過1996年修咸頓6-3擊敗曼聯嘅比賽，不過佢只係踼過8場英超比賽。佢喺2005年退役之後不斷進修，2011球季喺前愛華頓主帥、現任比利時國家隊主帥馬天尼斯 (Roberto Martínez) 嘅助手加利美鍾斯 (Graeme Jones) 引薦之下，成為奧斯達辛斯嘅主教練。奧斯達辛斯當時係瑞典第四級別聯賽 (Division 2) 嘅球隊，但喺波特帶領之下，連續兩年升班，2013年升上第二級別 (Superettan)，2015年就成功升上頂級聯賽「瑞典超」(Allsvenskan)，只係用咗五季時間。
奧斯達辛斯喺2016球季，即係第一年踢頂級聯賽，已經以第8位完成聯賽，並且贏得瑞典盃冠軍 (Svenska Cupen) ，得到歐霸外圍賽資格，剛剛又殺入淘汰賽，對於呢支位於瑞典中北部嘅偏遠小鎮球隊嚟講，已經係一個壯舉。
波特同記者講：「喺瑞典，所有斯德哥爾摩以北嘅地方都係一片荒蕪，而我哋喺斯德哥爾摩以北，五個鐘頭火車車程嘅地方，距離另一個最近嘅城鎮兩個半鐘頭車程……呢樣嘢同時帶嚟挑戰同機會。如果你招募到正確嘅人選，就可以創造緊密嘅連繫同凝聚團隊精神。但另一方面，如果你做得唔好，就好快會出事，因為喺呢個小鎮入面冇得逃避問題。」
佢仲話要說服球員搬嚟呢個冬天會凍到得-30度嘅城鎮係好困難：「說服瑞典球員搬嚟國家嘅北部唔係咁易，因為我哋嘅位置問題，亦都因為我哋球會歷史唔長，我哋球會1996年先成立，冇一個好長嘅傳統。」
所以，球隊經常起用一啲喺外面被「拋棄」嘅球員，例如英格蘭低組別球員Jamie Hopcutt同Curtis Edwards，其他非本土球員嘅國籍包括尼日利亞、伊拉克、敘利亞、加納等，甚至連主帥本身都係有感英格蘭球壇嘅發揮機會唔多，先會毅然嚟到呢度闖一番事業，佢又認為英格蘭球壇缺乏耐性，一時戰績唔好就已經要俾人炒，但正如佢喺奧斯達辛斯一樣，要取得成功需要一個長遠嘅計劃，但喺英格蘭就可能冇呢個機會喇。
Östersund呢個城市只得40,000幾人，波特就話呢個雖然係一個「冬天城市」，但隨著球隊表現越嚟越好，依家已經有所改變，氣氛都開始熾熱起嚟。事關奧斯達辛斯喺多年前跌入第四級別聯賽，令好多球迷心灰意冷，波特接手時主場觀眾大約得800幾人，但依家已經多咗10倍，坐爆嘅時候有超過8,000名觀眾，而平均都有超過5,000人入場支持球隊。
今季瑞典超已經喺11月初完結，呢支全聯賽最北面嘅球隊錄得13勝11和6負，以第5名完成，比起上季更進一步，相信隨著球隊嘅名氣同經濟狀況有所改善，佢哋未來仍會不斷進步，嚟緊可以繼續留意佢哋喺歐霸可以走得幾遠。另一方面，希望格拉咸波特嘅故事，可以鼓勵更多新一代英格蘭教練外闖，唔好再留喺英格蘭固步自封，出去見下世面同吸收其他國家足球嘅優點，最終先可以幫到英格蘭球壇以至國家隊。
如果想知多啲關於格拉咸波特同奧斯達辛斯嘅故事，可以睇埋以下BBC製作嘅短片：
Source: independent、telegraph、DailyMail、BBC
球會及球員譯名以馬會名單為參考