【依家啲90後】於南美自由盃決賽派膠自責，阿根廷新晉國腳24歲之齡考慮退役
南美洲嘅足球氣氛一向熾熱，南美自由盃雖然喺香港唔係太多人留意，但呢個南美洲球會比賽嘅最高榮譽，對於當地球迷嚟講意義非凡，特別係決賽不時出現巴西球會對阿根廷球會嘅戲碼，球場內外都一樣鬥得激烈。今年嘅南美自由盃喺日前落幕，巴西嘅甘美奧擊敗咗阿根廷嘅拉魯斯，自1983年以嚟終於再次拎到南美自由盃冠軍，飲恨嘅拉魯斯就有24歲年輕後衛輸到想退役。
阿甲球會拉魯斯喺2016球季拎到阿甲冠軍，佢哋喺2017南美自由盃沿路淘汰咗同國勁旅聖羅倫素同河床，晉身決賽，可惜兩回合以總比數1-3不敵巴西代表甘美奧而飲恨，陣中嘅24歲右閘荷西路爾斯高美斯 (José Luis Gómez) 就因為賽後言論而成為焦點。
荷西路爾斯高美斯出道時效力阿甲嘅競賽會，上季外借加盟拉魯斯，亦喺2016阿甲決賽正選上陣，幫助球隊奪得聯賽冠軍，今年正式轉會拉魯斯兼首次入選阿根廷國家隊。日前呢場南美自由盃決賽，拉魯斯喺首回合作客甘美奧輸0-1而回，今次返主場踢次回合不容有失。點知就喺比賽嘅26分鐘，拉魯斯全軍壓上爭取入球時被甘美奧打反擊，喺個波路線上嘅最後一人就係高美斯，佢喺中圈標上前解圍，點知踢空氣，令到甘美奧前鋒費蘭甸奴 (FERNANDINHO, Luiz Fernando Pereira da Silva) 長軀直進射成0-1 (總比數0-2)。
https://i.imgur.com/9km39h2.gif
呢個入波令到本來已經領先一球嘅甘美奧，再拎多一個作客入球，即係話拉魯斯要追三球先捧盃，可以話係一盤冷水照頭淋，士氣都散晒。結果，拉魯斯後來只能憑一個12碼射入一球，總比數以1-3輸波。第一個失波嘅罪人高美斯就受到好大打擊：
「我好傷心，我覺得自己係罪人，我認為一切都結束喇。」
「我考慮緊要離開足球。我真係諗緊。雖然我仲年輕，但呢樣嘢都唔應該發生喺我身上。」
「我呢晚踢得唔好，我想向所有拉魯斯嘅球迷道歉。佢哋值得一個冠軍，但因為我嘅錯而輸咗。」
https://youtu.be/XH9xGB-1t4A
我諗高美斯的確係受到好大打擊，同埋好自責，而且喺一個球迷極度重視嘅比賽之中犯錯，仲可能受到好大壓力。原本嶄露頭角嘅佢，喺今年6月先至第一次為阿根廷國家隊上陣，但可能都成為佢嘅最後一次，非常可惜。不過最可惜嘅係，我認為就算佢唔退役，將來有幾勁都好，國家隊都唔應該再用佢。
唔知大家有冇玩過Football Manager，入面有一項球員數值叫Determination，官方嘅描述指如果一個球員有高Determination數值的話，球隊落後時會有決心急起直追，而唔係垂頭喪氣，高美斯今次嘅態度顯示佢嘅Determination極低。我諗，佢話想退役未必真係會行動，但如果我係阿根廷國家隊主帥，睇到佢咁樣講，一定永不錄用，一個好球員應該喺錯誤中學習，繼續奮鬥，應該講「今次我累球隊輸波，下次我會幫球隊拎返個盃」；一個心靈脆弱嘅球員，就算球技幾好，都可能喺關鍵時刻成為球隊嘅負累，反而一啲未必咁好波但有「鬥士精神」嘅球員就可以做奇兵。心態決定境界，相信高美斯好難再上一層樓喇。
Source: FourFourTwo、Goal.com、ESPN
阿甲球會拉魯斯喺2016球季拎到阿甲冠軍，佢哋喺2017南美自由盃沿路淘汰咗同國勁旅聖羅倫素同河床，晉身決賽，可惜兩回合以總比數1-3不敵巴西代表甘美奧而飲恨，陣中嘅24歲右閘荷西路爾斯高美斯 (José Luis Gómez) 就因為賽後言論而成為焦點。
荷西路爾斯高美斯出道時效力阿甲嘅競賽會，上季外借加盟拉魯斯，亦喺2016阿甲決賽正選上陣，幫助球隊奪得聯賽冠軍，今年正式轉會拉魯斯兼首次入選阿根廷國家隊。日前呢場南美自由盃決賽，拉魯斯喺首回合作客甘美奧輸0-1而回，今次返主場踢次回合不容有失。點知就喺比賽嘅26分鐘，拉魯斯全軍壓上爭取入球時被甘美奧打反擊，喺個波路線上嘅最後一人就係高美斯，佢喺中圈標上前解圍，點知踢空氣，令到甘美奧前鋒費蘭甸奴 (FERNANDINHO, Luiz Fernando Pereira da Silva) 長軀直進射成0-1 (總比數0-2)。
https://i.imgur.com/9km39h2.gif
呢個入波令到本來已經領先一球嘅甘美奧，再拎多一個作客入球，即係話拉魯斯要追三球先捧盃，可以話係一盤冷水照頭淋，士氣都散晒。結果，拉魯斯後來只能憑一個12碼射入一球，總比數以1-3輸波。第一個失波嘅罪人高美斯就受到好大打擊：
「我好傷心，我覺得自己係罪人，我認為一切都結束喇。」
「我考慮緊要離開足球。我真係諗緊。雖然我仲年輕，但呢樣嘢都唔應該發生喺我身上。」
「我呢晚踢得唔好，我想向所有拉魯斯嘅球迷道歉。佢哋值得一個冠軍，但因為我嘅錯而輸咗。」
https://youtu.be/XH9xGB-1t4A
我諗高美斯的確係受到好大打擊，同埋好自責，而且喺一個球迷極度重視嘅比賽之中犯錯，仲可能受到好大壓力。原本嶄露頭角嘅佢，喺今年6月先至第一次為阿根廷國家隊上陣，但可能都成為佢嘅最後一次，非常可惜。不過最可惜嘅係，我認為就算佢唔退役，將來有幾勁都好，國家隊都唔應該再用佢。
唔知大家有冇玩過Football Manager，入面有一項球員數值叫Determination，官方嘅描述指如果一個球員有高Determination數值的話，球隊落後時會有決心急起直追，而唔係垂頭喪氣，高美斯今次嘅態度顯示佢嘅Determination極低。我諗，佢話想退役未必真係會行動，但如果我係阿根廷國家隊主帥，睇到佢咁樣講，一定永不錄用，一個好球員應該喺錯誤中學習，繼續奮鬥，應該講「今次我累球隊輸波，下次我會幫球隊拎返個盃」；一個心靈脆弱嘅球員，就算球技幾好，都可能喺關鍵時刻成為球隊嘅負累，反而一啲未必咁好波但有「鬥士精神」嘅球員就可以做奇兵。心態決定境界，相信高美斯好難再上一層樓喇。
Source: FourFourTwo、Goal.com、ESPN