曼聯前門將教練憶述：費Sir曼聯生涯只缺陣兩場，除咗個仔結婚就係去考察迪基亞
就算唔睇上個星期阿仙奴對曼聯場比賽，迪基亞都已經係一位公認世界頂級門將，特別係數佢呢一代，直頭可以話係最強。加上佢喺上場波嘅表現，單場14次撲救，多次化降阿仙奴具威脅嘅埋門，已經係神上加神，除咗網民幫佢改圖，話好似鐵達尼號咁，世上冇嘢係「聖基亞」救唔到嘅，另外仲有唔少球評大讚佢係舒米高之後英格蘭球壇最勁嘅門將。
講起舒米高，曼聯曾經有呢位丹麥門神同雲達沙先後把守曼聯大門，之後就到迪基亞嘅時代，回想佢初初接棒嘅時候，有唔少人質疑過佢係咪夠班做紅魔一號門將，特別係佢初時有身型瘦削、接兩邊高波信心唔夠嘅問題，點知適應過後會越戰越強，似乎前領隊費格遜對於羅致門將都幾有心得。
最近，曼聯嘅前門將教練Eric Steele就透露「聖基亞」加盟之前嘅故事。
「我喺2008年加盟曼聯，由嗰時開始，我哋要為雲達沙退休做好準備。」
「我當時深信19歲嘅迪基亞係正確嘅人選。我將一段3分鐘嘅DVD片俾咗費Sir睇，然後我哋就出發去咗睇華倫西亞對馬體會嘅比賽，而嗰一晚曼聯係有一場對斯肯索普嘅聯賽盃比賽。」
「費Sir淨係睇咗65分鐘就知道簽佢一定啱。」
Eric Steele話，佢諗返起費Sir嘅曼聯生涯中，只係有兩場比賽係冇去現場，一次係因為佢要去睇個仔嘅婚禮，所以缺席咗2000年嗰場曼市打吡，而另外一次就係去咗西班牙睇迪基亞比賽。結果，曼聯喺2011年以1,700萬鎊簽下迪基亞，依家嘅迪基亞係27歲當打之年，成為咗英超最強門將。
Source: Mirror、Daily Mail
講起舒米高，曼聯曾經有呢位丹麥門神同雲達沙先後把守曼聯大門，之後就到迪基亞嘅時代，回想佢初初接棒嘅時候，有唔少人質疑過佢係咪夠班做紅魔一號門將，特別係佢初時有身型瘦削、接兩邊高波信心唔夠嘅問題，點知適應過後會越戰越強，似乎前領隊費格遜對於羅致門將都幾有心得。
最近，曼聯嘅前門將教練Eric Steele就透露「聖基亞」加盟之前嘅故事。
「我喺2008年加盟曼聯，由嗰時開始，我哋要為雲達沙退休做好準備。」
「我當時深信19歲嘅迪基亞係正確嘅人選。我將一段3分鐘嘅DVD片俾咗費Sir睇，然後我哋就出發去咗睇華倫西亞對馬體會嘅比賽，而嗰一晚曼聯係有一場對斯肯索普嘅聯賽盃比賽。」
「費Sir淨係睇咗65分鐘就知道簽佢一定啱。」
Eric Steele話，佢諗返起費Sir嘅曼聯生涯中，只係有兩場比賽係冇去現場，一次係因為佢要去睇個仔嘅婚禮，所以缺席咗2000年嗰場曼市打吡，而另外一次就係去咗西班牙睇迪基亞比賽。結果，曼聯喺2011年以1,700萬鎊簽下迪基亞，依家嘅迪基亞係27歲當打之年，成為咗英超最強門將。
Source: Mirror、Daily Mail