卡頓保又爆料：我俾堅尼「魔性咆哮」嚇到改變判決
前英超球證卡頓保 (Mark Clattenburg) 早前曾經大爆，自己喺2015-16球季一場車路士對熱刺嘅比賽之中，故意唔將熱刺球員趕出場，避免其他人指責佢令熱刺失去爭標機會。作為球證嚟講，喺執法時有呢個考慮，係十分唔專業嘅行為，仲要事後公開講嚟？可能佢已經去咗沙地阿拉伯「掘金」，上晒岸所以咁大膽，但佢最近又試亂咁講嘢。
英超球證嘅執法水平一向都有問題，普通嘢唔講，離譜到紅牌趕錯第二位球員出場就近年都發生過，但你要數近年英超球證中，邊一位最有江湖地位，邊一位比較冇咁多問題，應該都係卡頓保。佢喺國際球證間嘅地位高到，可以喺2016年連續執法三場大賽決賽，分別係英格蘭足總盃決賽、歐聯決賽同埋歐國盃決賽。之後，佢就去咗沙地阿拉伯，出任球證主管，相信已經搵到唔少錢，難近來經常亂講嘢。
佢最近喺《NBC》一個網台節目《Balls.ie》上面，提返起自己第一喺英超比賽見到曼聯名宿堅尼 (Roy Keane) 嘅情況：
「即使係喺英超比賽入面，我第一次見到堅尼嗰陣，都係面帶笑容。」
不過去到執法嘅時候，初出茅廬嘅卡頓保就「嚇到瀨屎」：
「佢對住我哋咆哮，要我哋俾角球。我好肯定嗰球係龍門球，但因為佢嗌得好大聲，我俾咗個角球佢，真係俾佢嚇死。」
堅尼得人驚就係人都知，你睇佢點樣用一次攔截令曼城嘅夏蘭特 (Alf-Inge Haaland) 重傷收山，仲要喺自傳中講明當時雖然唔係有心令佢受傷，但的確係刻意報復，而且完全冇覺得後悔，就知啦。但係卡頓保作為一個球證，公開承認自己可以俾一個球員嘅氣勢令佢改變判決，加埋佢早前講點樣唔俾牌熱刺球員，真係非常離譜，仲要夠膽出嚟講，嗰種囂張真係令人需要重新評價佢！
(卡頓保你以後仲有面見哥連拿？)
Source: givemesport、express
英超球證嘅執法水平一向都有問題，普通嘢唔講，離譜到紅牌趕錯第二位球員出場就近年都發生過，但你要數近年英超球證中，邊一位最有江湖地位，邊一位比較冇咁多問題，應該都係卡頓保。佢喺國際球證間嘅地位高到，可以喺2016年連續執法三場大賽決賽，分別係英格蘭足總盃決賽、歐聯決賽同埋歐國盃決賽。之後，佢就去咗沙地阿拉伯，出任球證主管，相信已經搵到唔少錢，難近來經常亂講嘢。
佢最近喺《NBC》一個網台節目《Balls.ie》上面，提返起自己第一喺英超比賽見到曼聯名宿堅尼 (Roy Keane) 嘅情況：
「即使係喺英超比賽入面，我第一次見到堅尼嗰陣，都係面帶笑容。」
引用“Even in the Premier League, I still smile at the first time I came across Roy Keane,”
不過去到執法嘅時候，初出茅廬嘅卡頓保就「嚇到瀨屎」：
「佢對住我哋咆哮，要我哋俾角球。我好肯定嗰球係龍門球，但因為佢嗌得好大聲，我俾咗個角球佢，真係俾佢嚇死。」
引用“He screamed at us for a corner and I'm sure it was a goal kick but because he screamed at us so loudly, I gave a corner, I was that petrified of him.”
堅尼得人驚就係人都知，你睇佢點樣用一次攔截令曼城嘅夏蘭特 (Alf-Inge Haaland) 重傷收山，仲要喺自傳中講明當時雖然唔係有心令佢受傷，但的確係刻意報復，而且完全冇覺得後悔，就知啦。但係卡頓保作為一個球證，公開承認自己可以俾一個球員嘅氣勢令佢改變判決，加埋佢早前講點樣唔俾牌熱刺球員，真係非常離譜，仲要夠膽出嚟講，嗰種囂張真係令人需要重新評價佢！
(卡頓保你以後仲有面見哥連拿？)
Source: givemesport、express