【歐霸盃】奇連士文之子首戰，87分鐘為哈化柏林擋出12碼！
做得門將，就要面對殘酷嘅競爭，因為最終只有一個可以企喺場上面，等緊上位嘅二、三號門將，就要等到一號將受傷、紅牌或者犯下大錯時先得到機會。偏偏有啲名將之後就喺門將位置上面準備上位，好似法國球王施丹嘅19歲囝囝，盧卡施丹 (Luca Zidane) 依家就係皇馬二隊門將，兼一隊嘅三號門將。另一方面，有「金色轟炸機」之稱嘅德國足球名宿奇連士文 (Jurgen Klinsmann) ，佢嘅囝囝同樣都喺門將位置上嶄露頭角。
20歲嘅莊拿芬奇連士文 (Jonathan Klinsmann) 今季由美國嘅加洲大學校隊加盟德甲球隊哈化柏林，主要喺哈化柏林二隊上陣。雖然只係初嚟報到，但撞啱一隊嘅門將查斯甸同埋卡夫達都未能喺最近嘅歐霸盃分組賽上陣，令到莊拿芬奇連士文得到首次為一隊正選上陣嘅機會。
呢場波係由哈化柏林主場對瑞典超「神奇球隊」奧斯達辛斯，莊拿芬喺上半場已經以一次精彩撲救，擋出奧斯達辛斯守將柏柏基安奴普路斯 (Sotirios Papagiannopoulos) 嘅攻門，可惜去到下半場未能再次阻止佢射波省中人入網。柏林稍後由比卡歷追成1-1平手。
https://i.imgur.com/IPiZPY7.gif
最精彩嘅一刻出現喺87分鐘，奧斯達辛斯獲得12碼，保華路利 (Brwa Nouri) 操刀主射，勁抽右下角，俾莊拿芬捉晒路擋出，令哈化柏林避免被絕殺嘅厄運。可惜，佢哋其實早就無緣出線，反而名氣唔大嘅對手就一早鎖定晉級資格，今仗只係例行公事。
莊拿芬奇連士文喺賽後就話，第一次上陣令佢好緊張，諗好多嘢，同時準備咗好多嘢，但去到救12碼一刻，佢只係心諗：「我同自己講，啲人通常都射左邊 (門將左手邊) ，所以我打算100%向左邊飛到盡，結果寅係成功咗。」佢亦都受到主帥嘅盛讚。
因為莊拿芬喺美國出世，所以佢有機會選擇代表美國或者德國國家隊，但由於佢喺美國長大，加上德國隊競爭激烈，佢暫時只係代表過美國U18同U20國家隊，更加喺2017年幫美國首次捧走U20中北美洲冠軍盃，自己就拎埋金手套。
喺較早前德甲官網嘅專訪中透露，自己細個嗰陣，同爸爸一樣打前鋒，不過後來有一次聽從朋友嘅建議試打門將，就愛上咗呢個位置，之後仲經常喺屋企後園同爸爸練波，俾「金色轟炸機」係咁射，難怪進步神速啦。
莊拿芬作為奇連士文個仔，練波時都忍唔住上前射返兩腳，射術都唔錯！
20歲嘅莊拿芬奇連士文 (Jonathan Klinsmann) 今季由美國嘅加洲大學校隊加盟德甲球隊哈化柏林，主要喺哈化柏林二隊上陣。雖然只係初嚟報到，但撞啱一隊嘅門將查斯甸同埋卡夫達都未能喺最近嘅歐霸盃分組賽上陣，令到莊拿芬奇連士文得到首次為一隊正選上陣嘅機會。
呢場波係由哈化柏林主場對瑞典超「神奇球隊」奧斯達辛斯，莊拿芬喺上半場已經以一次精彩撲救，擋出奧斯達辛斯守將柏柏基安奴普路斯 (Sotirios Papagiannopoulos) 嘅攻門，可惜去到下半場未能再次阻止佢射波省中人入網。柏林稍後由比卡歷追成1-1平手。
https://i.imgur.com/IPiZPY7.gif
最精彩嘅一刻出現喺87分鐘，奧斯達辛斯獲得12碼，保華路利 (Brwa Nouri) 操刀主射，勁抽右下角，俾莊拿芬捉晒路擋出，令哈化柏林避免被絕殺嘅厄運。可惜，佢哋其實早就無緣出線，反而名氣唔大嘅對手就一早鎖定晉級資格，今仗只係例行公事。
莊拿芬奇連士文喺賽後就話，第一次上陣令佢好緊張，諗好多嘢，同時準備咗好多嘢，但去到救12碼一刻，佢只係心諗：「我同自己講，啲人通常都射左邊 (門將左手邊) ，所以我打算100%向左邊飛到盡，結果寅係成功咗。」佢亦都受到主帥嘅盛讚。
因為莊拿芬喺美國出世，所以佢有機會選擇代表美國或者德國國家隊，但由於佢喺美國長大，加上德國隊競爭激烈，佢暫時只係代表過美國U18同U20國家隊，更加喺2017年幫美國首次捧走U20中北美洲冠軍盃，自己就拎埋金手套。
喺較早前德甲官網嘅專訪中透露，自己細個嗰陣，同爸爸一樣打前鋒，不過後來有一次聽從朋友嘅建議試打門將，就愛上咗呢個位置，之後仲經常喺屋企後園同爸爸練波，俾「金色轟炸機」係咁射，難怪進步神速啦。
莊拿芬作為奇連士文個仔，練波時都忍唔住上前射返兩腳，射術都唔錯！