【伊保爾讓我哭】前阿仙奴開心果險自殺，喺朋友屋企瞓地下、身上得返「八達通」
前科特迪瓦國腳伊保爾一向都以「開心果」形象示人，不過原來係對人歡喜背人愁，佢近來接二連三行衰運，被FIFA禁賽搞到冇波踢、老婆同佢離婚拎晒啲身家，搞到佢幾乎想自殺，唔知雲爺爺可唔可以俾份工佢呢？
伊保爾最fit時都未必係一個頂級右閘，但佢都曾經以阿仙奴正選右閘身份踢過歐聯決賽，就算阿仙奴球迷唔覺得佢好好波，但佢開心果嘅性格都得到唔少球迷嘅歡心，所以知道佢依家生活得咁唔開心，大家都會為佢傷心。根據《Mirror》報導，34歲嘅伊保爾因為遇人不淑、財政管理不善同離婚，搞到身無分文，一度萌生自殺念頭。
https://i.imgur.com/eRsG3nl.gif
https://i.imgur.com/hVK6PHx.gif
伊保爾表示，佢一直將自己嘅絕大部份收入交俾太太 Aurelie ，財政亦都係由太太管理。不過，佢太太早前同佢辦理離婚手續，不但拎到佢全部資產，更加令佢已經有半年冇見過3個仔女。另一方面，養大佢嘅爺爺因為癌症而過世，佢嘅兄弟又遇上車禍身亡。佢喺2016年離開土超勁旅加拉塔沙雷，得到當時嘅英超球會新特蘭開出合約，點知因為被指拖欠前經理人約100萬英鎊費用，而被FIFA禁賽一年，由於伊保爾一向將相關事務交俾信任嘅人處理，所以佢都唔明發生咩事。一年間發生嘅一切，令佢萌生自殺念頭：「我希望神可以幫助我，只有佢可以令呢啲念頭遠離我。」
伊保爾坦言，佢自細專心以成為職業球員為目標，文化水平唔高，所以好多時都將其他嘢交俾身邊人處理，亦都冇人教佢點樣管理自己財政，基本上老婆俾咩文件佢都會簽。單係喺加拉塔沙雷幾年已經賺到幾百萬歐元，但最後搞到乜都冇，伊保爾希望年輕球員睇到佢嘅故事會汲取教訓，帶眼識人之餘，亦要學識好好管理自己財政。
今季停賽期滿，伊保爾已經有兩年未喺正式職業球賽上陣，佢選擇加盟一間北塞浦路斯球會，相信只係想重拾踢波嘅樂趣，但佢最後因為情緒困擾而唔能夠上陣，依家已經返到倫敦居住。
距離法庭要求伊保爾交出佢嘅最後一幢物業嘅限期已經過咗三個星期，伊保爾唔願意交出呢幢位於北倫敦嘅住所：「呢度係我屋企，我唔會搞到要賣埋身上套衫或者我嘅所有嘢，我會抗爭到底，因為咁樣好唔公平。」不過佢已經冇錢請律師，唯有暫時逃避法警上門收樓。佢依家連架車都俾埋前妻，身上除咗一張類似香港八達通卡嘅Oyster card之外所餘無幾，有時要喺好朋友屋企瞓地下。
伊保爾仲話，打開電視見到昔日隊友講波都會覺得羞愧：「當我打開電視見到Thierry (亨利) 嗰陣，會為佢感到高興，但又會為自己搞成咁而羞愧。我會見到一啲以前一齊踢過波嘅朋友上電視，就諗『我本來可以好似佢哋咁』。」佢話離開阿仙奴之後，有一段時間都keep住同雲加或者其他舊隊友聯絡，不過有次佢唔見咗部電話，所以搵唔返大家。
依家，伊保爾希望舊東家阿仙奴同埋英格蘭球員公會 PFA 可以幫佢，為佢安排一份工作。對於熱愛足球嘅佢嚟講，如果喺呢個時候得到一份球會入面嘅工作俾佢自力更生，不論貴賤，佢都會好開心：「我願意接受任何幫助，如果我嘅前球會想幫助我嘅話，我會超級超級開心，或者我以幫到一啲年青球員？PFA曾經喺我同經理人出現問題嘅時候幫助我，如果佢哋可以幫我搵一份工，就算係一啲基層工作我都唔介意。我可能會撞到一啲曾經合作或者對敵嘅球員，令我覺得尷尬，但我可以承受。」
雲加雖然係算死草，當年對一班不敗功臣都係採取30歲後一年一簽嘅政策，但只係數還數路還路，佢私底下其實幾重情，例如阿仙奴今季歐霸作客白俄羅斯球隊巴迪時，雲加就同「叛將」希比約出嚟飲返杯。唔好以為亨利、皮利斯呢啲大牌球星先可以返阿仙奴跟操，連當年表現麻麻嘅中堅辛達路斯，一樣喺今年暑假返阿仙奴跟操保持狀態。講真，伊保爾咁受歡迎，就算唔俾佢教小朋友踢波，請佢返嚟做球會大使都好啦！
Source: Daily Mail、Mirror
伊保爾最fit時都未必係一個頂級右閘，但佢都曾經以阿仙奴正選右閘身份踢過歐聯決賽，就算阿仙奴球迷唔覺得佢好好波，但佢開心果嘅性格都得到唔少球迷嘅歡心，所以知道佢依家生活得咁唔開心，大家都會為佢傷心。根據《Mirror》報導，34歲嘅伊保爾因為遇人不淑、財政管理不善同離婚，搞到身無分文，一度萌生自殺念頭。
https://i.imgur.com/eRsG3nl.gif
https://i.imgur.com/hVK6PHx.gif
伊保爾表示，佢一直將自己嘅絕大部份收入交俾太太 Aurelie ，財政亦都係由太太管理。不過，佢太太早前同佢辦理離婚手續，不但拎到佢全部資產，更加令佢已經有半年冇見過3個仔女。另一方面，養大佢嘅爺爺因為癌症而過世，佢嘅兄弟又遇上車禍身亡。佢喺2016年離開土超勁旅加拉塔沙雷，得到當時嘅英超球會新特蘭開出合約，點知因為被指拖欠前經理人約100萬英鎊費用，而被FIFA禁賽一年，由於伊保爾一向將相關事務交俾信任嘅人處理，所以佢都唔明發生咩事。一年間發生嘅一切，令佢萌生自殺念頭：「我希望神可以幫助我，只有佢可以令呢啲念頭遠離我。」
伊保爾坦言，佢自細專心以成為職業球員為目標，文化水平唔高，所以好多時都將其他嘢交俾身邊人處理，亦都冇人教佢點樣管理自己財政，基本上老婆俾咩文件佢都會簽。單係喺加拉塔沙雷幾年已經賺到幾百萬歐元，但最後搞到乜都冇，伊保爾希望年輕球員睇到佢嘅故事會汲取教訓，帶眼識人之餘，亦要學識好好管理自己財政。
今季停賽期滿，伊保爾已經有兩年未喺正式職業球賽上陣，佢選擇加盟一間北塞浦路斯球會，相信只係想重拾踢波嘅樂趣，但佢最後因為情緒困擾而唔能夠上陣，依家已經返到倫敦居住。
距離法庭要求伊保爾交出佢嘅最後一幢物業嘅限期已經過咗三個星期，伊保爾唔願意交出呢幢位於北倫敦嘅住所：「呢度係我屋企，我唔會搞到要賣埋身上套衫或者我嘅所有嘢，我會抗爭到底，因為咁樣好唔公平。」不過佢已經冇錢請律師，唯有暫時逃避法警上門收樓。佢依家連架車都俾埋前妻，身上除咗一張類似香港八達通卡嘅Oyster card之外所餘無幾，有時要喺好朋友屋企瞓地下。
伊保爾仲話，打開電視見到昔日隊友講波都會覺得羞愧：「當我打開電視見到Thierry (亨利) 嗰陣，會為佢感到高興，但又會為自己搞成咁而羞愧。我會見到一啲以前一齊踢過波嘅朋友上電視，就諗『我本來可以好似佢哋咁』。」佢話離開阿仙奴之後，有一段時間都keep住同雲加或者其他舊隊友聯絡，不過有次佢唔見咗部電話，所以搵唔返大家。
依家，伊保爾希望舊東家阿仙奴同埋英格蘭球員公會 PFA 可以幫佢，為佢安排一份工作。對於熱愛足球嘅佢嚟講，如果喺呢個時候得到一份球會入面嘅工作俾佢自力更生，不論貴賤，佢都會好開心：「我願意接受任何幫助，如果我嘅前球會想幫助我嘅話，我會超級超級開心，或者我以幫到一啲年青球員？PFA曾經喺我同經理人出現問題嘅時候幫助我，如果佢哋可以幫我搵一份工，就算係一啲基層工作我都唔介意。我可能會撞到一啲曾經合作或者對敵嘅球員，令我覺得尷尬，但我可以承受。」
雲加雖然係算死草，當年對一班不敗功臣都係採取30歲後一年一簽嘅政策，但只係數還數路還路，佢私底下其實幾重情，例如阿仙奴今季歐霸作客白俄羅斯球隊巴迪時，雲加就同「叛將」希比約出嚟飲返杯。唔好以為亨利、皮利斯呢啲大牌球星先可以返阿仙奴跟操，連當年表現麻麻嘅中堅辛達路斯，一樣喺今年暑假返阿仙奴跟操保持狀態。講真，伊保爾咁受歡迎，就算唔俾佢教小朋友踢波，請佢返嚟做球會大使都好啦！
Source: Daily Mail、Mirror