基昂對紅軍防線有獨特見解：利記買完雲迪克唔代表搞掂，要搵祖高美斯同佢拍檔！
利物浦防線不穩已經唔係一朝一夕嘅事，當初無論引入路夫雲定係馬迪普，大家都憧憬呢兩位本身質素睇落幾好嘅中堅，可以挽救紅軍防守不濟嘅問題，但到今日，海鮮波仍然係海鮮波，前面入得，後面失得。
利物浦最近終於如願購入心儀已久嘅修咸頓中堅雲迪克，究竟呢位萬中期待嘅防線大將係咪可以馬上解決一切問題？阿仙奴名宿基昂就喺佢專欄中話，需要為佢搵一位好拍檔，咁紅軍防線就有望得到改善喇。
基昂球員時代係阿仙奴防線長老之一，佢講防守應該都幾有說服力。佢最近喺《Daily Mail》嘅專欄內撰文，發表咗關於利物浦防線嘅意見：「雲迪克對於利物浦嚟講係一個重要收購，高普固然需要喺中堅位置上補強，但一個球員唔會解決晒所有問題。」佢又認為，高普需要趁呢個時候，確立一個新嘅防線拍檔組合。
基昂指出，雲迪克用波能力強，高空爭頂有力量，速度喺中堅嚟講都唔錯，不過佢今季喺修咸頓嘅表現有所回落，唔知係咪受傳會傳聞影響，踢法變得「錫身」，睇落唔夠fit。相信佢需要一段時間去重拾佳態，但基昂相信26歲嘅佢，實力仍有上升空間。
利物浦今季嘅防線人選不時改變，但防線有別於中前場，少少嘅改變都會破壞穩定性，冇默契、甩漏多、換人，已經形成惡成循環，基昂就認為紅軍一定要先搵出一對穩定嘅中堅拍檔：
「路夫雲同馬迪普太過笨重、唔夠機動，而雲迪克同祖高美斯一樣屬於速度高嘅球員，佢哋可以互補不足。」
「祖高美斯今季喺邊路得到好多機會，就好似3-3打和阿仙奴嗰場波咁，我覺得佢睇起上嚟比較似一個中堅客串右閘，係時候俾個機會佢打中堅。」
祖高美斯搭雲迪克work唔work要睇過先知，但無論如何，要棄用路夫雲而用祖高美斯，點都係一個大膽嘅決定，相信高普應該都會試驗咗路夫雲+雲迪克嘅修咸頓組合先嘅，不過唔知有冇球迷同基昂嘅諗法一樣呢？
Source: Daily Mail
利物浦最近終於如願購入心儀已久嘅修咸頓中堅雲迪克，究竟呢位萬中期待嘅防線大將係咪可以馬上解決一切問題？阿仙奴名宿基昂就喺佢專欄中話，需要為佢搵一位好拍檔，咁紅軍防線就有望得到改善喇。
基昂球員時代係阿仙奴防線長老之一，佢講防守應該都幾有說服力。佢最近喺《Daily Mail》嘅專欄內撰文，發表咗關於利物浦防線嘅意見：「雲迪克對於利物浦嚟講係一個重要收購，高普固然需要喺中堅位置上補強，但一個球員唔會解決晒所有問題。」佢又認為，高普需要趁呢個時候，確立一個新嘅防線拍檔組合。
基昂指出，雲迪克用波能力強，高空爭頂有力量，速度喺中堅嚟講都唔錯，不過佢今季喺修咸頓嘅表現有所回落，唔知係咪受傳會傳聞影響，踢法變得「錫身」，睇落唔夠fit。相信佢需要一段時間去重拾佳態，但基昂相信26歲嘅佢，實力仍有上升空間。
利物浦今季嘅防線人選不時改變，但防線有別於中前場，少少嘅改變都會破壞穩定性，冇默契、甩漏多、換人，已經形成惡成循環，基昂就認為紅軍一定要先搵出一對穩定嘅中堅拍檔：
「路夫雲同馬迪普太過笨重、唔夠機動，而雲迪克同祖高美斯一樣屬於速度高嘅球員，佢哋可以互補不足。」
「祖高美斯今季喺邊路得到好多機會，就好似3-3打和阿仙奴嗰場波咁，我覺得佢睇起上嚟比較似一個中堅客串右閘，係時候俾個機會佢打中堅。」
祖高美斯搭雲迪克work唔work要睇過先知，但無論如何，要棄用路夫雲而用祖高美斯，點都係一個大膽嘅決定，相信高普應該都會試驗咗路夫雲+雲迪克嘅修咸頓組合先嘅，不過唔知有冇球迷同基昂嘅諗法一樣呢？
Source: Daily Mail