【秋後算賬】疑故意肘擊對手，艾殊利楊格認罪罰停3場
曼聯最近戰績不濟，除咗喺聯賽盃輸俾布里斯托城，聯賽方面亦都經歷3連和。喺最近一場英超比賽中，曼聯賠了夫人又折兵，贏唔到波之餘，前鋒盧卡古早早傷出，艾殊利楊格亦都喺賽後被足總秋後算賬，將要停賽3場。
喺英超第21輪比賽，曼聯主場對修咸頓，雙方互交白卷。比賽下半場，修咸頓一次角球攻勢，出任右閘嘅艾殊利楊格mark住修咸頓嘅泰迪治，片段見到艾殊利楊格突然用手肘向後重撃，動作非常唔自然，唔似係一般揹身位嘅應有動作。
泰迪治即時痛到彈開，但估計佢腹肌都幾勁，一般人中咗呢下應該痛到起唔到身，但佢就好似冇乜事。有冇整傷人都好，如果證實艾殊利楊格係故意咁做，球證絕對有理由紅牌趕佢出場，而且事發地點係紅魔嘅禁區入面。不過相信球證當時就冇睇到，但事後網上已經好多人討論，而足總亦都留意到。
https://i.imgur.com/Hi16cGC.gif
喺稍早嘅時間，《Sky Sports》報導，足總已經就楊格肘擊泰迪治嘅事件提出「暴力行為」嘅指控，要楊格喺當地時間2017年12月31日17:00之前回應。喺限期結束之後，足總發言人作出宣佈：
「艾殊利楊格將會被停賽3場。」
「佢承認咗暴力行為嘅指控，事件發生喺對修咸頓一仗中。不過佢認為罰則過重，減刑要求已被委員會駁回。」
即係話，楊格將會缺席嚟緊對愛華頓(英超)、打吡郡(足總盃)及史篤城(英超)嘅比賽。盧卡古就據報因為撞傷頭部而休戰兩場，佢同伊巴謙莫域受傷，都仲可以俾拉舒福特踢返正前，但喺閘位方面就難講。近兩場波，因為主力右閘華倫西亞受傷，改用楊格打右閘而梳爾打左閘，依家楊格都冇埋，可能要用返雪到硬嘅達美安 (根據《PhysioRoom》消息，華倫西亞復出日期暫時未明，而達美安亦有小傷，預計於1月1日復出)。
Source: Sky Sports、Guardian
喺英超第21輪比賽，曼聯主場對修咸頓，雙方互交白卷。比賽下半場，修咸頓一次角球攻勢，出任右閘嘅艾殊利楊格mark住修咸頓嘅泰迪治，片段見到艾殊利楊格突然用手肘向後重撃，動作非常唔自然，唔似係一般揹身位嘅應有動作。
泰迪治即時痛到彈開，但估計佢腹肌都幾勁，一般人中咗呢下應該痛到起唔到身，但佢就好似冇乜事。有冇整傷人都好，如果證實艾殊利楊格係故意咁做，球證絕對有理由紅牌趕佢出場，而且事發地點係紅魔嘅禁區入面。不過相信球證當時就冇睇到，但事後網上已經好多人討論，而足總亦都留意到。
https://i.imgur.com/Hi16cGC.gif
喺稍早嘅時間，《Sky Sports》報導，足總已經就楊格肘擊泰迪治嘅事件提出「暴力行為」嘅指控，要楊格喺當地時間2017年12月31日17:00之前回應。喺限期結束之後，足總發言人作出宣佈：
「艾殊利楊格將會被停賽3場。」
「佢承認咗暴力行為嘅指控，事件發生喺對修咸頓一仗中。不過佢認為罰則過重，減刑要求已被委員會駁回。」
即係話，楊格將會缺席嚟緊對愛華頓(英超)、打吡郡(足總盃)及史篤城(英超)嘅比賽。盧卡古就據報因為撞傷頭部而休戰兩場，佢同伊巴謙莫域受傷，都仲可以俾拉舒福特踢返正前，但喺閘位方面就難講。近兩場波，因為主力右閘華倫西亞受傷，改用楊格打右閘而梳爾打左閘，依家楊格都冇埋，可能要用返雪到硬嘅達美安 (根據《PhysioRoom》消息，華倫西亞復出日期暫時未明，而達美安亦有小傷，預計於1月1日復出)。
Source: Sky Sports、Guardian