【大難不死】撼卡希爾裂頭骨留恐怖疤痕，前熱刺中場險死仍不願放棄足球
之前曾經同大家分享過一單關於前熱刺中場賴恩美臣 (Ryan Mason) 恐怕面臨退役嘅消息，原來轉眼間又過咗半年，但佢仍然未放棄，意外過去一年，最近再有關於佢嘅新消息。
呢個不幸嘅事件係發生喺2017年1月22日嘅英超比賽，當時賴恩美臣為侯城上陣作客車路士，喺一次同車路士中堅加利卡希爾爭頂高波時，意外撞傷頭部，即時陷入昏迷，要送院治理。
賴恩美臣因為頭部骨裂，一度情況危急，需要馬上進行手術。佢經過大約半年休養之後，喺夏天可以再次進行基本訓練。喺2017年8月，時任侯城領隊史拉斯基 (Leonid Slutsky) 向《BBC》透露，賴恩美臣接受過兩三位專家醫生嘅評估，未能夠就佢適唔適合再次征戰職業足球達成共識，希望佢自己可以好好考慮，因為即使佢嘅頭骨完全癒合，都會比常人脆弱，如果再次喺激烈嘅職業比賽中撞到頭部，面對嘅可能係死亡。
踏入2018年，距離事發大約一年，美臣就喺Instagram展示佢手術後留下嘅疤痕，長長嘅疤痕橫跨頭部嘅大半，顯示佢當時嘅情況係幾咁兇險，不過主角應該係佢喺上月底出世嘅囝囝，行過鬼門關之後得到新生命，世事有時就係咁奇妙。美臣就話：「今年我遇到嘅事好難用言語形容。我好自豪捱過咗呢個身體同心理上嘅難關，仲可以喺一年嘅最尾抱住自己個仔，感覺好特別。我會變得更強。」
美臣似乎仍然想返出嚟踢波，佢喺較早前接受過《Sky Sports》訪問，就話將會休息多一段時間然後希望可以復出：「我嘅身體已經完全冇事。不過我嘅頭骨仲需要多少少時間癒合，暫時仲未完全合返埋一齊。不過當嗰一日來臨嘅時候，希望我可以有足夠嘅體能狀態返返嚟。我依家只可以等。球會同主席都好好，好有耐性。佢哋全力支持我，相信頭骨完全生返埋之後就冇任何問題。」
26歲賴恩美臣係熱刺青訓出身，2016-17球季以超過$1000萬鎊轉會費加盟當時仲喺英超嘅侯城，打破咗侯城的轉會費紀錄，可惜正值佢得到重用嘅時候，就遇上今次意外，但生命高於足球，希望佢早日康復。
Source: Daily Mail
呢個不幸嘅事件係發生喺2017年1月22日嘅英超比賽，當時賴恩美臣為侯城上陣作客車路士，喺一次同車路士中堅加利卡希爾爭頂高波時，意外撞傷頭部，即時陷入昏迷，要送院治理。
賴恩美臣因為頭部骨裂，一度情況危急，需要馬上進行手術。佢經過大約半年休養之後，喺夏天可以再次進行基本訓練。喺2017年8月，時任侯城領隊史拉斯基 (Leonid Slutsky) 向《BBC》透露，賴恩美臣接受過兩三位專家醫生嘅評估，未能夠就佢適唔適合再次征戰職業足球達成共識，希望佢自己可以好好考慮，因為即使佢嘅頭骨完全癒合，都會比常人脆弱，如果再次喺激烈嘅職業比賽中撞到頭部，面對嘅可能係死亡。
踏入2018年，距離事發大約一年，美臣就喺Instagram展示佢手術後留下嘅疤痕，長長嘅疤痕橫跨頭部嘅大半，顯示佢當時嘅情況係幾咁兇險，不過主角應該係佢喺上月底出世嘅囝囝，行過鬼門關之後得到新生命，世事有時就係咁奇妙。美臣就話：「今年我遇到嘅事好難用言語形容。我好自豪捱過咗呢個身體同心理上嘅難關，仲可以喺一年嘅最尾抱住自己個仔，感覺好特別。我會變得更強。」
美臣似乎仍然想返出嚟踢波，佢喺較早前接受過《Sky Sports》訪問，就話將會休息多一段時間然後希望可以復出：「我嘅身體已經完全冇事。不過我嘅頭骨仲需要多少少時間癒合，暫時仲未完全合返埋一齊。不過當嗰一日來臨嘅時候，希望我可以有足夠嘅體能狀態返返嚟。我依家只可以等。球會同主席都好好，好有耐性。佢哋全力支持我，相信頭骨完全生返埋之後就冇任何問題。」
26歲賴恩美臣係熱刺青訓出身，2016-17球季以超過$1000萬鎊轉會費加盟當時仲喺英超嘅侯城，打破咗侯城的轉會費紀錄，可惜正值佢得到重用嘅時候，就遇上今次意外，但生命高於足球，希望佢早日康復。
Source: Daily Mail