沙比阿朗素：我夢想係做利物浦主帥，但謝拉特會快過我
沙比阿朗素職業生涯效力過皇家蘇斯達、利物浦、皇家馬德里、拜仁慕尼黑幾間球會 (及曾外借伊巴) ，每支球隊都踢過幾季，但佢最愛嘅始終係充滿激情同「基情」嘅利物浦，因為佢唔單止喺呢度經歷「伊斯坦堡奇蹟」，仲邂逅佢嘅「一生中最愛」謝拉特 (誤) 。
呢位喺上季尾退休嘅36歲球星，喺利物浦度過五個成功嘅球季，喺2005歐聯決賽中，佢哋扭轉0-3落後嘅劣勢，追成3-3平手並喺互射12碼階段擊敗AC米蘭，拎到歐聯冠軍。喺經典嘅「伊斯坦堡之夜」，年輕嘅沙比阿朗素同謝拉特喺全球球迷見證之下，情深一吻，成為永恆經典，你話沙比阿朗素點會忘記利物浦呢？
最近有記者問佢有冇諗過將來要執教利物浦，沙比阿朗素就話：「梗係想啦，呢個係夢想嚟，不過我需要先證明自己同埋準備好。」
「如果我決定要去某個地方嘗試做一個領隊，我同利物浦之間關係良好、願意為佢哋獻身、對球隊有激情。Why not？睇下我哋有冇咁嘅緣份啦。」
阿朗素嘅好兄弟謝拉特，比起佢更早起步，依家已經係利物浦U18嘅主教練。阿朗素就覺得自己應該好難同到呢位前紅軍隊長做同事，因為佢應該會更快成為紅軍嘅主帥。
「我諗Stevie (阿朗素對謝拉特嘅親密稱呼) 會快過我，咁係好自然嘅事。佢已經喺入面教緊波，所以我估佢會快過我做利物浦主帥。」
Source: Sky Sports
呢位喺上季尾退休嘅36歲球星，喺利物浦度過五個成功嘅球季，喺2005歐聯決賽中，佢哋扭轉0-3落後嘅劣勢，追成3-3平手並喺互射12碼階段擊敗AC米蘭，拎到歐聯冠軍。喺經典嘅「伊斯坦堡之夜」，年輕嘅沙比阿朗素同謝拉特喺全球球迷見證之下，情深一吻，成為永恆經典，你話沙比阿朗素點會忘記利物浦呢？
最近有記者問佢有冇諗過將來要執教利物浦，沙比阿朗素就話：「梗係想啦，呢個係夢想嚟，不過我需要先證明自己同埋準備好。」
「如果我決定要去某個地方嘗試做一個領隊，我同利物浦之間關係良好、願意為佢哋獻身、對球隊有激情。Why not？睇下我哋有冇咁嘅緣份啦。」
阿朗素嘅好兄弟謝拉特，比起佢更早起步，依家已經係利物浦U18嘅主教練。阿朗素就覺得自己應該好難同到呢位前紅軍隊長做同事，因為佢應該會更快成為紅軍嘅主帥。
「我諗Stevie (阿朗素對謝拉特嘅親密稱呼) 會快過我，咁係好自然嘅事。佢已經喺入面教緊波，所以我估佢會快過我做利物浦主帥。」
Source: Sky Sports