父親怒轟傑斯：我以佢為恥，佢冇資格做威爾斯主帥
曼聯名宿傑斯近日正式宣佈出任威爾斯主帥一職，呢位44歲嘅前威爾斯國腳，職業生涯拎到64頂喼帽，為曼聯上陣672場比賽，喺足球場上嘅資歷無庸置疑，教練經驗方面，佢曾經擔任曼聯助理領隊同代領隊，喺威爾斯國家隊於2018世界盃外圍賽出局之下，一年半載都冇乜大賽踢，呢個時候接手對執教經驗尚淺嘅傑斯嚟講，絕對係壓力最細嘅時候。
不過，傑斯面對嘅，唔係球隊嘅成績問題，而係個人威望同場外壓力問題。眾所周知，傑斯早年曾經同弟婦有過一段長達八年嘅婚外情，備受抨擊。佢上任之後，有網民就戲言，一眾威爾斯國腳要小心自己嘅太太，但同樣嘅一番說話，如果係出自傑斯嘅家人，唔知大家又點睇呢？
62嘅Danny Wilson係傑斯爸爸，對於傑斯成為威爾斯主帥，佢對兒子豪不留情咁批評，傑斯嘅姑姐更警告威爾斯國腳要「鎖起」自己嘅太太，又話傑斯喺威爾斯好唔受歡迎。
傑斯爸爸話：「我連講佢個名都做唔到，我會叫佢做嗰個前足球員。」
「作為大哥，佢應該去照顧細佬，而唔係喺背後捅佢一刀。佢用最壞嘅方式背叛自己嘅細佬，更加連一句道歉都冇。」
「我本來應該係世界上最自豪嘅爸爸，為佢嘅成就而高興，不過我以佢為恥。」
「我凡事都係諗自己先，緊張自己喺電視台上嘅評述工作同酒店業務多過其他嘢。依家當我睇到佢上電視嘅時候，我會即刻熄電視，我哋全家都會。」
「呢份工唔適合佢，威爾斯主帥應該由一個受人尊重嘅人去做。」
傑斯嘅姑姐就話：「威爾斯國腳要『鎖起』佢哋嘅太太，我咁樣講係因為佢喺威爾斯可能有上百個家，佢喺呢度只會引起憤怒。」
Source: The Sun、Independent
不過，傑斯面對嘅，唔係球隊嘅成績問題，而係個人威望同場外壓力問題。眾所周知，傑斯早年曾經同弟婦有過一段長達八年嘅婚外情，備受抨擊。佢上任之後，有網民就戲言，一眾威爾斯國腳要小心自己嘅太太，但同樣嘅一番說話，如果係出自傑斯嘅家人，唔知大家又點睇呢？
62嘅Danny Wilson係傑斯爸爸，對於傑斯成為威爾斯主帥，佢對兒子豪不留情咁批評，傑斯嘅姑姐更警告威爾斯國腳要「鎖起」自己嘅太太，又話傑斯喺威爾斯好唔受歡迎。
傑斯爸爸話：「我連講佢個名都做唔到，我會叫佢做嗰個前足球員。」
「作為大哥，佢應該去照顧細佬，而唔係喺背後捅佢一刀。佢用最壞嘅方式背叛自己嘅細佬，更加連一句道歉都冇。」
「我本來應該係世界上最自豪嘅爸爸，為佢嘅成就而高興，不過我以佢為恥。」
「我凡事都係諗自己先，緊張自己喺電視台上嘅評述工作同酒店業務多過其他嘢。依家當我睇到佢上電視嘅時候，我會即刻熄電視，我哋全家都會。」
「呢份工唔適合佢，威爾斯主帥應該由一個受人尊重嘅人去做。」
傑斯嘅姑姐就話：「威爾斯國腳要『鎖起』佢哋嘅太太，我咁樣講係因為佢喺威爾斯可能有上百個家，佢喺呢度只會引起憤怒。」
Source: The Sun、Independent