艾迪巴約：雲加逼走我賺咗2,000萬鎊，竟然仲話我為錢離開？！
多哥前鋒艾迪巴約喺2009年為曼城主場上陣，倒戈舊主阿仙奴，攻入一球之後狂奔去作客看台前鏟草慶祝，成為倒戈慶祝嘅經典。佢最近接受訪問，講到自己離開阿仙奴嘅事，同埋自己對於雲加同摩連奴嘅睇法。
艾迪巴約曾經喺2011年短暫效力皇家馬德里，同時任教練摩連奴合作。艾迪巴約話：「摩連奴係一個我喜歡，而且永遠都會喜歡嘅領隊。」
「佢係其中一位我合作過最誠實嘅領隊，呢個係好難得嘅，因為大部份領隊都係好虛偽嘅。摩連奴係一個為咗拎冠軍乜都肯做嘅領隊，唔好話泊大巴，就算係泊火車、飛機，為咗贏波佢乜都肯做。」
「佢會唔瞓覺，為咗贏一場波而做足24小時。雲加就鍾意培育啲小朋友，令佢哋成為球星，佢比較似一個老師。」
艾迪巴約喺2009年由阿仙奴轉投曼城，之後佢同舊東家嘅球迷勢成水火，而佢認為呢個結果應該歸咎於雲加：「當時我喺雲加辦公室同佢見面，佢同我講話我要離開阿仙奴，因為佢認為我嘅未來已經唔喺呢度，又叫我向前看。」
「我就話我想留低，佢大約就話『一係你離開，一係就留低冇波踢』，所以我根本冇得揀，唯有去曼城，而我都好高興可以加盟曼城。」
「之後我去到曼城，見到雲加喺記者會上面話，我係因為曼城俾好多錢我而走，由嗰日開始我就對阿仙奴記恨。」
佢又表示，自己最嬲嘅唔係阿仙奴球迷，而佢對於呢間球會係又愛又恨：「我唔係因為球迷而嬲，因為佢哋係第一班喺英格蘭唱我個名嘅球迷。就算係今日，我睇波嗰陣都會想佢哋贏波，同時又有啲想佢哋輸，因為我心入面嘅怒火實在太大。」
「我為球會踢咗三年半，佢哋只係用3、400萬鎊買我返嚟，最後用2,700萬鎊將我賣走，然後仲要鬧我，話我為錢而離開？」
「你侮辱我唔緊要，但唔可以話我阿爸幫大象沖涼。」
(有球迷曾經唱歌侮辱佢，內容係"Adebayor, Adebayor, Your dad washes elephants, your mother's a whore"，包括阿仙奴及熱刺球迷。)
Source: Marca
艾迪巴約曾經喺2011年短暫效力皇家馬德里，同時任教練摩連奴合作。艾迪巴約話：「摩連奴係一個我喜歡，而且永遠都會喜歡嘅領隊。」
「佢係其中一位我合作過最誠實嘅領隊，呢個係好難得嘅，因為大部份領隊都係好虛偽嘅。摩連奴係一個為咗拎冠軍乜都肯做嘅領隊，唔好話泊大巴，就算係泊火車、飛機，為咗贏波佢乜都肯做。」
「佢會唔瞓覺，為咗贏一場波而做足24小時。雲加就鍾意培育啲小朋友，令佢哋成為球星，佢比較似一個老師。」
艾迪巴約喺2009年由阿仙奴轉投曼城，之後佢同舊東家嘅球迷勢成水火，而佢認為呢個結果應該歸咎於雲加：「當時我喺雲加辦公室同佢見面，佢同我講話我要離開阿仙奴，因為佢認為我嘅未來已經唔喺呢度，又叫我向前看。」
「我就話我想留低，佢大約就話『一係你離開，一係就留低冇波踢』，所以我根本冇得揀，唯有去曼城，而我都好高興可以加盟曼城。」
「之後我去到曼城，見到雲加喺記者會上面話，我係因為曼城俾好多錢我而走，由嗰日開始我就對阿仙奴記恨。」
佢又表示，自己最嬲嘅唔係阿仙奴球迷，而佢對於呢間球會係又愛又恨：「我唔係因為球迷而嬲，因為佢哋係第一班喺英格蘭唱我個名嘅球迷。就算係今日，我睇波嗰陣都會想佢哋贏波，同時又有啲想佢哋輸，因為我心入面嘅怒火實在太大。」
「我為球會踢咗三年半，佢哋只係用3、400萬鎊買我返嚟，最後用2,700萬鎊將我賣走，然後仲要鬧我，話我為錢而離開？」
「你侮辱我唔緊要，但唔可以話我阿爸幫大象沖涼。」
(有球迷曾經唱歌侮辱佢，內容係"Adebayor, Adebayor, Your dad washes elephants, your mother's a whore"，包括阿仙奴及熱刺球迷。)
Source: Marca