羅賓奴宣佈加盟土超球隊，隨時俾人拉去意大利坐監？
一代巴西球星羅賓奴早前被巴甲球會明尼路解約，成為自由身之後，佢好快就搵到新球會，不過唔知會唔會因此而惹禍上身呢？
現年33歲嘅巴西前鋒羅賓奴，曾經效力過皇家馬德里、曼城、AC米蘭等球隊，2008年轉投曼城，更加以3,250萬鎊轉會費打破當時英國球壇紀錄。佢喺2016年初離開廣州恆大，回流巴甲加盟明尼路，上陣68場射入21球、交出11個助攻，但喺本月被正式解約。
近日，土超球隊施華斯 (Sivasspor) 宣佈，佢哋已經同呢位巴西前鋒達成協議，雙方即將正式簽約。羅賓奴已經喺本日抵達當地機場。
不過，羅賓奴嘅土超生涯未必咁順利，因為佢早前曾經惹上官非。據傳媒報導，羅賓奴因為涉嫌於2013年，同5個同鄉喺一間夜店強姦一名阿爾巴尼亞籍女子而被起訴，喺2017年11月因此而被意大利法院定罪兼判監9年。
羅賓奴嘅律師表明佢係無辜嘅，由於上訢程序尚未完成，所以佢暫時唔需要坐監。本來，如果羅賓奴留喺巴西嘅話，係無論如何都唔需要坐監，因為巴西同意大利之間並冇引渡協議，不過佢而家去咗土耳其，一旦上訴失敗，就隨時被引渡去意大利坐監喇。
Source: BBC、Daily Mail、Goal.com
現年33歲嘅巴西前鋒羅賓奴，曾經效力過皇家馬德里、曼城、AC米蘭等球隊，2008年轉投曼城，更加以3,250萬鎊轉會費打破當時英國球壇紀錄。佢喺2016年初離開廣州恆大，回流巴甲加盟明尼路，上陣68場射入21球、交出11個助攻，但喺本月被正式解約。
近日，土超球隊施華斯 (Sivasspor) 宣佈，佢哋已經同呢位巴西前鋒達成協議，雙方即將正式簽約。羅賓奴已經喺本日抵達當地機場。
不過，羅賓奴嘅土超生涯未必咁順利，因為佢早前曾經惹上官非。據傳媒報導，羅賓奴因為涉嫌於2013年，同5個同鄉喺一間夜店強姦一名阿爾巴尼亞籍女子而被起訴，喺2017年11月因此而被意大利法院定罪兼判監9年。
羅賓奴嘅律師表明佢係無辜嘅，由於上訢程序尚未完成，所以佢暫時唔需要坐監。本來，如果羅賓奴留喺巴西嘅話，係無論如何都唔需要坐監，因為巴西同意大利之間並冇引渡協議，不過佢而家去咗土耳其，一旦上訴失敗，就隨時被引渡去意大利坐監喇。
Source: BBC、Daily Mail、Goal.com