37歲前車路士翼鋒馬路達出人意表，下一站竟是歐洲小國
唔知大家仲記唔記得當年車路士曾經有杜奧巴 (Didier Drogba) 、沙洛文卡勞 (Salomon Kalou)、馬路達 (Florent Malouda) 幾名法語兵合作嘅日子，39歲嘅「巴哥」目前就喺美國USL球隊鳳凰重生做緊「老闆兼球員」，佢早前曾經表示今季之後就會掛靴，32歲、比較年輕嘅沙洛文卡勞就仲踢緊德甲嘅哈化柏林，37歲嘅馬路達雖然已經離開主流聯賽，感覺「銷聲匿跡」一段日子，但其實佢仲未退役。
曾經係法國國腳嘅馬路達，喺2007-13年效力車路士，離開藍軍之後，佢去到土超加盟特拉布宗 (Trabzonspor A.Ş.) ，然後返到法甲踢梅斯。喺2015-16球季，佢同其他步入職業生涯黃昏期嘅球星一齊去到印超聯，效力新德里戴拿模 (Delhi Dynamos) ，季中曾經外借到埃及超嘅瓦迪戴加 (Wadi Degla)。
喺國際賽方面，馬路達已經做過一啲出人意表嘅事，作為前法國國腳，佢喺2017年6月代表法屬圭亞那 (French Guiana) 出戰美洲金盃 (有關佢嘅轉籍爭議，可以睇睇其他作者嘅文章 《前車路士中場馬路達代表法圭踢國際賽惹禍》及《兩全其美的國腳生涯》)。最近，佢再次俾啲驚喜大家，就係加盟一支盧森堡聯賽球隊。
據《Sky Sports》報導，馬路達正式同盧森堡聯賽球隊 FC Differdange 03 簽約加盟。消息指，佢早喺2017年10月就開始喺呢間球會跟操，球會主席Fabrizio Bei表示：「馬路達本來搵緊一間可以俾佢跟操嘅球隊，我哋已經同佢達成共識，佢將會幫助我哋直到季尾。」
「我哋過去10年間一直係聯賽前三位，亦曾經踢過歐聯 (首圈資格賽)。我哋今次想再次打入歐聯，希望馬路達可以幫到我哋。」
Source: Sky Sports
曾經係法國國腳嘅馬路達，喺2007-13年效力車路士，離開藍軍之後，佢去到土超加盟特拉布宗 (Trabzonspor A.Ş.) ，然後返到法甲踢梅斯。喺2015-16球季，佢同其他步入職業生涯黃昏期嘅球星一齊去到印超聯，效力新德里戴拿模 (Delhi Dynamos) ，季中曾經外借到埃及超嘅瓦迪戴加 (Wadi Degla)。
喺國際賽方面，馬路達已經做過一啲出人意表嘅事，作為前法國國腳，佢喺2017年6月代表法屬圭亞那 (French Guiana) 出戰美洲金盃 (有關佢嘅轉籍爭議，可以睇睇其他作者嘅文章 《前車路士中場馬路達代表法圭踢國際賽惹禍》及《兩全其美的國腳生涯》)。最近，佢再次俾啲驚喜大家，就係加盟一支盧森堡聯賽球隊。
據《Sky Sports》報導，馬路達正式同盧森堡聯賽球隊 FC Differdange 03 簽約加盟。消息指，佢早喺2017年10月就開始喺呢間球會跟操，球會主席Fabrizio Bei表示：「馬路達本來搵緊一間可以俾佢跟操嘅球隊，我哋已經同佢達成共識，佢將會幫助我哋直到季尾。」
「我哋過去10年間一直係聯賽前三位，亦曾經踢過歐聯 (首圈資格賽)。我哋今次想再次打入歐聯，希望馬路達可以幫到我哋。」
Source: Sky Sports