博彩網計出英超貢獻王：迪布尼為曼城取得20分，莫拉達都入三甲？
曼城今季喺英超幾近無敵，踢咗27場比賽，只係輸過一場，以72分穩坐榜首。佢哋一班中前場球員表現都十分搶鏡，例如係隊史神射手阿古路就射入21球，喺射手榜上排第3位，史達寧亦都排喺第4位。不過要數今季曼城隊中邊一位球員係絕對核心，相信好多球迷都會同意，係奇雲迪布尼。
https://i.imgur.com/7SGyJ3Z.gif
唔知大家有冇賭過波玩下，想講嘅就係，有時啲博彩公司會收集好多數據，拎去計啲奇怪數據，今次博彩公司 BetStars 就統計咗一班英超球員究竟為球隊直接贏到幾多聯賽積分，雖然小弟都好懷疑呢個統計方法嘅意義，但都幾有趣，不妨同大家分享下。計法好簡單，就係搵出一位球員嘅入球同助攻之中，有幾多係幫助球隊追和 (Equalisers)，又或者由和變贏 (Winners) 。
曼城嘅迪布尼今季喺英超貢獻7個入球、14個助攻，喺助攻榜上領先，喺佢直接製造嘅21個入球之中，有10個係屬於致勝球 (Winners) ，代表佢個人為曼城貢獻咗20個聯賽積分咁多。
第二位方面，當然唔少得英超神射手哈利卡尼，佢有23個入球1個助攻，當中有7個致勝球同3個扳平球 (Equalisers) ，拎到17個聯賽積分。
第三位嘅莫拉達就有少少出人意表，事關佢除咗開季一段時間之外，腳風都好唔順，搞到係咁俾球迷鬧。不過佢暫時貢獻10個入球5個助攻，當中有8個致勝球，令佢可以排第三位。
計算方法充滿疑問
不過小弟數學唔係咁好，見到呢份統計所計算嘅聯賽分數係 = (致勝球x2 + 扳平球x1) ，至於點解咁樣計出嚟，都十分不解，亦都好懷疑呢個計法有咩意義。另外，假設曼城喺一場波入面贏5-0，迪布尼射入1-0嘅入球，喺呢度就屬於致勝球，但又點能夠話如果迪布尼唔入呢球曼城就贏唔到呢？更加唔好提，可能喺一啲比賽中，雖然迪布尼冇入球冇助攻，但冇咗佢都係贏唔到嘅，又或者咁樣計法對於多次救曼聯全家嘅迪基亞好唔公平。
結論就係，小弟覺得佢最終計出嚟個分數係得啖笑，但係佢搵返致勝球 (Winners) 同 扳平球 (Equalisers) 出嚟講，小弟就覺得值得睇下喇，因為呢兩個數字點都可以反映到一個進攻球員嘅重要性，同埋可以分到邊啲球員係屬於「錦上添花型」。不過，迪布尼今季真係好勁就真。
Source: Daily Mail
https://i.imgur.com/7SGyJ3Z.gif
唔知大家有冇賭過波玩下，想講嘅就係，有時啲博彩公司會收集好多數據，拎去計啲奇怪數據，今次博彩公司 BetStars 就統計咗一班英超球員究竟為球隊直接贏到幾多聯賽積分，雖然小弟都好懷疑呢個統計方法嘅意義，但都幾有趣，不妨同大家分享下。計法好簡單，就係搵出一位球員嘅入球同助攻之中，有幾多係幫助球隊追和 (Equalisers)，又或者由和變贏 (Winners) 。
曼城嘅迪布尼今季喺英超貢獻7個入球、14個助攻，喺助攻榜上領先，喺佢直接製造嘅21個入球之中，有10個係屬於致勝球 (Winners) ，代表佢個人為曼城貢獻咗20個聯賽積分咁多。
第二位方面，當然唔少得英超神射手哈利卡尼，佢有23個入球1個助攻，當中有7個致勝球同3個扳平球 (Equalisers) ，拎到17個聯賽積分。
第三位嘅莫拉達就有少少出人意表，事關佢除咗開季一段時間之外，腳風都好唔順，搞到係咁俾球迷鬧。不過佢暫時貢獻10個入球5個助攻，當中有8個致勝球，令佢可以排第三位。
計算方法充滿疑問
不過小弟數學唔係咁好，見到呢份統計所計算嘅聯賽分數係 = (致勝球x2 + 扳平球x1) ，至於點解咁樣計出嚟，都十分不解，亦都好懷疑呢個計法有咩意義。另外，假設曼城喺一場波入面贏5-0，迪布尼射入1-0嘅入球，喺呢度就屬於致勝球，但又點能夠話如果迪布尼唔入呢球曼城就贏唔到呢？更加唔好提，可能喺一啲比賽中，雖然迪布尼冇入球冇助攻，但冇咗佢都係贏唔到嘅，又或者咁樣計法對於多次救曼聯全家嘅迪基亞好唔公平。
結論就係，小弟覺得佢最終計出嚟個分數係得啖笑，但係佢搵返致勝球 (Winners) 同 扳平球 (Equalisers) 出嚟講，小弟就覺得值得睇下喇，因為呢兩個數字點都可以反映到一個進攻球員嘅重要性，同埋可以分到邊啲球員係屬於「錦上添花型」。不過，迪布尼今季真係好勁就真。
Source: Daily Mail