究竟問咗咩問題？摩佬興奮攬記者：「個個都問普巴，呢啲先係問題嚟嘛！」
周中歐聯16強首回合賽事，英超球隊曼聯作客西甲西維爾。近日不斷有報導指，曼聯領隊摩連奴已經對普巴失去耐性，而且兩人關係惡化，普巴喺曼聯嘅前景堪憂。最近，摩連奴已經多次棄用或提早換出普巴，而呢位法國中場嘅表現的確令人失望，嚟到呢場重要嘅歐聯賽事，摩連奴再一次將普巴先列後備，難怪眾傳媒不斷就普巴嘅處境提問。
曼聯喺英超聯賽榜遠遠落後於同市對手曼城，眼看聯賽爭冠無望，全力爭取喺歐聯同本土盃賽踢出好成績，無疑係較為現實嘅目標，今仗作客西維爾，曼聯的確以強陣出擊，山齊士、馬達、盧卡古、馬迪等主力盡出，唯一著眼點在於小將麥湯文尼，再一次取代普巴，成為靴里拉同馬迪嘅中場拍檔。
比賽焦點當然落喺迪基亞神救拯救曼聯，而靴里拉喺17分鐘就傷出，由普巴入替，賽後記者都主要圍繞呢位天價中場嘅表現提問。「摩佬」都表示答到好悶，呢個時候，《BT Sport》記者Des Kelly問出一條問題，令摩佬十分高興。
記者：「今場係麥湯文尼第二次歐聯正選上陣，你最近好信任佢，佢今場都打得幾好喎……」
摩佬：「我可唔可以攬下你？！多謝你，多謝你！」
記者：「唔再問你普巴喇，哈哈哈。」
摩佬：「呢啲先係問題嚟嘛。我頭先去記者會，啲問題全部都係問普巴，我覺得應該要講下呢個後生仔囉。
我覺得佢踢得好好，佢所有嘢都做得好，俾到班尼加 (Ever Banega) 好大壓力，並且封鎖咗佢，佢係西維爾嘅組織核心。我認為麥湯文尼表現好出色。
我哋嘅中場線開局理想，普巴出嚟之後，都好努力去進入比賽節奏，佢今日嘅表現都係正面嘅。」
21歲嘅英格蘭中場麥湯文尼，今仗同分組賽對賓菲加時，同樣獲得歐聯正選機會，兩場同樣打足90分鐘，佢今季喺各項賽事為曼聯一隊上陣14次，其中8場比賽正選上陣。
Source: Daily Mail、Evening Standard
曼聯喺英超聯賽榜遠遠落後於同市對手曼城，眼看聯賽爭冠無望，全力爭取喺歐聯同本土盃賽踢出好成績，無疑係較為現實嘅目標，今仗作客西維爾，曼聯的確以強陣出擊，山齊士、馬達、盧卡古、馬迪等主力盡出，唯一著眼點在於小將麥湯文尼，再一次取代普巴，成為靴里拉同馬迪嘅中場拍檔。
比賽焦點當然落喺迪基亞神救拯救曼聯，而靴里拉喺17分鐘就傷出，由普巴入替，賽後記者都主要圍繞呢位天價中場嘅表現提問。「摩佬」都表示答到好悶，呢個時候，《BT Sport》記者Des Kelly問出一條問題，令摩佬十分高興。
記者：「今場係麥湯文尼第二次歐聯正選上陣，你最近好信任佢，佢今場都打得幾好喎……」
摩佬：「我可唔可以攬下你？！多謝你，多謝你！」
記者：「唔再問你普巴喇，哈哈哈。」
摩佬：「呢啲先係問題嚟嘛。我頭先去記者會，啲問題全部都係問普巴，我覺得應該要講下呢個後生仔囉。
我覺得佢踢得好好，佢所有嘢都做得好，俾到班尼加 (Ever Banega) 好大壓力，並且封鎖咗佢，佢係西維爾嘅組織核心。我認為麥湯文尼表現好出色。
我哋嘅中場線開局理想，普巴出嚟之後，都好努力去進入比賽節奏，佢今日嘅表現都係正面嘅。」
21歲嘅英格蘭中場麥湯文尼，今仗同分組賽對賓菲加時，同樣獲得歐聯正選機會，兩場同樣打足90分鐘，佢今季喺各項賽事為曼聯一隊上陣14次，其中8場比賽正選上陣。
Source: Daily Mail、Evening Standard