尼馬將為世界盃收咧做手術 艾馬利：「流料」、尼馬父親：「係真嘅」
巴黎聖日耳門（PSG）前鋒尼馬喺周末法甲比賽中，因傷離場，事後報導指出佢右腳第五節蹠骨骨裂，相信需要休養一段時間。不過，PSG主帥艾馬利 (Unai Emery) 就同尼馬父親各執一詞，艾馬利表示尼馬仍有些微機會復出對皇馬，但尼馬父親則表示兒子將會開刀接受手術。
喺周日法甲比賽，PSG大勝馬賽3-0，但陣中天價球星尼馬卻受傷離場。事後，球會喺周一證實尼馬右腳蹠骨骨裂 (即腳指尾骨) ，同時扭傷腳踝。
最近，西班牙傳媒《AS》(阿斯報) 報導，尼馬決定唔會為咗3月6日歐聯16強次回合主場對皇家馬德里一仗，而冒險打止痛針復出。縱使PSG喺首回合以1-3落後，好大機會就此出局，但尼馬都決定馬上開刀做手術，以絕後患，咁樣做完全係為咗代表巴西國家隊以最佳狀態出戰2018世界盃。報道指，如果尼馬而家做手術，相信需要休養兩個月，喺5月復出，加上重新操起狀態嘅時間，幾乎等於收咧，因為去到嗰個時候，相信尼馬未必會冒險踢一兩場無關痛癢嘅聯賽，但就可以趕及世界盃決賽周。巴西第一場分組賽將於6月17日上演。
不過，喺消息被報導之後，PSG主帥艾馬利就公開否認：「喺尼馬呢件事上，未有接受手術嘅決定。球會喺周一已經發表官方聲明說明尼馬嘅傷勢。
做手術與否，並唔係咁樣就可以決定到，我哋需要同醫生、球員同埋其他相關人事討論。作出呢啲咁重要嘅決定，需要冷靜同耐性。喺現時為止，我冇更多資訊可以透露，外間有好多消息，但真相就係我所講嘅，亦係醫生同我講嘅。」
[/img]
艾馬利同時又表示，尼馬仍有些微機會喺對皇馬時上陣：「佢喺呢場比賽上陣嘅機會係比初時嘅判斷減少咗。佢好想踢每一場比賽，亦集中精神準備對皇馬，我覺得佢仍然有少少機會可以上陣。」
另一方面，尼馬父親 Neymar Snr 就向《ESPN Brazil》透露完全相反嘅消息：「冇錯，佢當然冇可能上陣對皇馬啦。如果有其他人認為唔係咁樣，就好奇怪喇。佢應該會喺四月尾先可以踢返波。
我哋而家等緊巴西國家隊嘅醫生過嚟，佢會同PSG方面開會。PSG已經知道佢哋喺嚟緊最少6星期內都冇辦法俾佢上場。」
Source: Sky Sports、Daily Mail、AS
喺周日法甲比賽，PSG大勝馬賽3-0，但陣中天價球星尼馬卻受傷離場。事後，球會喺周一證實尼馬右腳蹠骨骨裂 (即腳指尾骨) ，同時扭傷腳踝。
最近，西班牙傳媒《AS》(阿斯報) 報導，尼馬決定唔會為咗3月6日歐聯16強次回合主場對皇家馬德里一仗，而冒險打止痛針復出。縱使PSG喺首回合以1-3落後，好大機會就此出局，但尼馬都決定馬上開刀做手術，以絕後患，咁樣做完全係為咗代表巴西國家隊以最佳狀態出戰2018世界盃。報道指，如果尼馬而家做手術，相信需要休養兩個月，喺5月復出，加上重新操起狀態嘅時間，幾乎等於收咧，因為去到嗰個時候，相信尼馬未必會冒險踢一兩場無關痛癢嘅聯賽，但就可以趕及世界盃決賽周。巴西第一場分組賽將於6月17日上演。
不過，喺消息被報導之後，PSG主帥艾馬利就公開否認：「喺尼馬呢件事上，未有接受手術嘅決定。球會喺周一已經發表官方聲明說明尼馬嘅傷勢。
做手術與否，並唔係咁樣就可以決定到，我哋需要同醫生、球員同埋其他相關人事討論。作出呢啲咁重要嘅決定，需要冷靜同耐性。喺現時為止，我冇更多資訊可以透露，外間有好多消息，但真相就係我所講嘅，亦係醫生同我講嘅。」
[/img]
艾馬利同時又表示，尼馬仍有些微機會喺對皇馬時上陣：「佢喺呢場比賽上陣嘅機會係比初時嘅判斷減少咗。佢好想踢每一場比賽，亦集中精神準備對皇馬，我覺得佢仍然有少少機會可以上陣。」
另一方面，尼馬父親 Neymar Snr 就向《ESPN Brazil》透露完全相反嘅消息：「冇錯，佢當然冇可能上陣對皇馬啦。如果有其他人認為唔係咁樣，就好奇怪喇。佢應該會喺四月尾先可以踢返波。
我哋而家等緊巴西國家隊嘅醫生過嚟，佢會同PSG方面開會。PSG已經知道佢哋喺嚟緊最少6星期內都冇辦法俾佢上場。」
Source: Sky Sports、Daily Mail、AS