希古恩相隔九個月首次重返國家隊，森柏奧利：「佢成熟咗」
阿根廷今年將要出戰2018世界盃，不過佢哋早前喺世界盃外圍賽中表現認真麻麻，需要鬥到最後先靠美斯連中三元，驚險鎖定出線資格。
堂堂上屆世界盃亞軍，搞到差啲入唔到決賽周，要解決嘅問題自然好多，其中一個問題係前線配搭問題。除咗美斯屬必然之選外，阿根廷前線仲擁有曼城隊史神射手阿古路、國際米蘭射手莫路伊卡迪、祖雲達斯嘅保羅戴巴拿、希古恩、PSG嘅迪馬利亞等，上屆世界盃同美洲國家盃，好多阿根廷球迷都認為希古恩係飲恨罪人。
今年30歲嘅希古恩，喺大賽中失機已經成為個人標誌，近季喺祖雲達斯雖然入球數字仍然不俗，今季為祖雲達斯各項賽事上陣35場，攻入14球，但有見佢喺大賽嘅表現，始終難予人信心，而佢的確已經有一段時間並未入選阿根廷國家隊。
不過，最近阿根廷主帥森柏奧利公布本月友賽嘅大軍名單，就選擇重召希古恩，佢上一次入選已經係大約九個月之前，另一方面，保羅戴巴拿同伊卡迪都落選。森柏奧利表示：
「希古恩嚟講，我睇到佢變得成熟，佢嘅表現說服咗我。
戴巴拿、艾真度高美斯同伊卡迪都係我哋好熟悉嘅球員，我哋希望再試下其他球員去比較一下，呢兩場比賽並非決定性嘅。
戴巴拿係極之重要嘅球員，佢最近先傷癒復出，所以我會睇佢喺球隊嘅表現，而唔揀佢入隊。」
Source: ESPN
堂堂上屆世界盃亞軍，搞到差啲入唔到決賽周，要解決嘅問題自然好多，其中一個問題係前線配搭問題。除咗美斯屬必然之選外，阿根廷前線仲擁有曼城隊史神射手阿古路、國際米蘭射手莫路伊卡迪、祖雲達斯嘅保羅戴巴拿、希古恩、PSG嘅迪馬利亞等，上屆世界盃同美洲國家盃，好多阿根廷球迷都認為希古恩係飲恨罪人。
今年30歲嘅希古恩，喺大賽中失機已經成為個人標誌，近季喺祖雲達斯雖然入球數字仍然不俗，今季為祖雲達斯各項賽事上陣35場，攻入14球，但有見佢喺大賽嘅表現，始終難予人信心，而佢的確已經有一段時間並未入選阿根廷國家隊。
不過，最近阿根廷主帥森柏奧利公布本月友賽嘅大軍名單，就選擇重召希古恩，佢上一次入選已經係大約九個月之前，另一方面，保羅戴巴拿同伊卡迪都落選。森柏奧利表示：
「希古恩嚟講，我睇到佢變得成熟，佢嘅表現說服咗我。
戴巴拿、艾真度高美斯同伊卡迪都係我哋好熟悉嘅球員，我哋希望再試下其他球員去比較一下，呢兩場比賽並非決定性嘅。
戴巴拿係極之重要嘅球員，佢最近先傷癒復出，所以我會睇佢喺球隊嘅表現，而唔揀佢入隊。」
Source: ESPN