干地稱輸波與戰術無關，反擊加利佬列納：「你哋用下個腦先啦」
周末英超比賽，車路士作客曼城，以0-1敗走。面對今季如日中天嘅曼城，呢個賽果似乎唔太失禮，但車路士主帥今仗複雜早前歐聯對巴塞隆拿一仗佈陣，以夏薩特擔任 False 9 偽九號，全場得到嘅機會寥寥可數，更錄得射門零中目標嘅尷尬數據。
車路士今仗有防守中場簡迪因病缺陣，令車路士中場掃蕩力大打折扣，只能派出法比加斯及真禾特。場面上睇，車路士的確係絕大部分時間處於被動，甚至有消極應戰嘅味道，干地於78分鐘甚至將較有突破能力嘅韋利安抽走，加上球員嘅表現，似係放棄比賽。甚至有人認為，干地由始至終，冇諗過今場要贏。
對於車路士今場表現，《Sky Sports》主持占美列納 (Jamie Redknapp) ，認為藍軍以消極態度作賽，並非單純戰術上嘅防守足球，狠批為「反足球」，及「足球罪行」。至於同為《Sky Sports》主持嘅加利尼維利就認為，車路士今場表現，完全係不能接受。
其實，干地喺賽後受訪，亦暗示今仗係「輸少當贏」，又話唔認為今場輸波係同戰術有關：
「如果留出身後空位，曼城就唔止贏1-0。
咁嘅表現係唔夠好，但呢個就係現實，我唔覺得係同戰術有關。只係場波發展到咁樣，我哋已經盡力做到最好。
對曼城唔係簡單嘅事，佢哋每一刻都俾我哋好大壓力，我哋防守得唔錯，但喺下半場一開波就失守。
呢個形勢之下係好難追返，唔好忘記我哋有簡迪缺陣，佢係我哋陣中攻守平衡嘅關鍵球員。」
對於占美列納同加利尼維利嘅評論，干地作出反擊：
「我認為要接受批評，不過我唔會咁蠢同曼城對攻輸3-0、4-0。
如果我冇記錯，兩日之前，阿仙奴兩次對曼城，你哋就不斷批評雲加喺30分鐘內失三球。
當談論戰術嘅時候，啲球評家要用下個腦去諗嘢，因為我覺得你哋一定有知識去講戰術，而唔係淨係講埋啲蠢嘢。
球員跟從我嘅指示，我哋就係咁樣準備今場比賽，目標係唔可以留出空間俾曼城。當你對曼城嘅時候，就好需要用腦，如果唔係可能會輸3-0或者4-0。」
Source: SkySports、Telegram、Goal
車路士今仗有防守中場簡迪因病缺陣，令車路士中場掃蕩力大打折扣，只能派出法比加斯及真禾特。場面上睇，車路士的確係絕大部分時間處於被動，甚至有消極應戰嘅味道，干地於78分鐘甚至將較有突破能力嘅韋利安抽走，加上球員嘅表現，似係放棄比賽。甚至有人認為，干地由始至終，冇諗過今場要贏。
對於車路士今場表現，《Sky Sports》主持占美列納 (Jamie Redknapp) ，認為藍軍以消極態度作賽，並非單純戰術上嘅防守足球，狠批為「反足球」，及「足球罪行」。至於同為《Sky Sports》主持嘅加利尼維利就認為，車路士今場表現，完全係不能接受。
其實，干地喺賽後受訪，亦暗示今仗係「輸少當贏」，又話唔認為今場輸波係同戰術有關：
「如果留出身後空位，曼城就唔止贏1-0。
咁嘅表現係唔夠好，但呢個就係現實，我唔覺得係同戰術有關。只係場波發展到咁樣，我哋已經盡力做到最好。
對曼城唔係簡單嘅事，佢哋每一刻都俾我哋好大壓力，我哋防守得唔錯，但喺下半場一開波就失守。
呢個形勢之下係好難追返，唔好忘記我哋有簡迪缺陣，佢係我哋陣中攻守平衡嘅關鍵球員。」
對於占美列納同加利尼維利嘅評論，干地作出反擊：
「我認為要接受批評，不過我唔會咁蠢同曼城對攻輸3-0、4-0。
如果我冇記錯，兩日之前，阿仙奴兩次對曼城，你哋就不斷批評雲加喺30分鐘內失三球。
當談論戰術嘅時候，啲球評家要用下個腦去諗嘢，因為我覺得你哋一定有知識去講戰術，而唔係淨係講埋啲蠢嘢。
球員跟從我嘅指示，我哋就係咁樣準備今場比賽，目標係唔可以留出空間俾曼城。當你對曼城嘅時候，就好需要用腦，如果唔係可能會輸3-0或者4-0。」
Source: SkySports、Telegram、Goal