簡迪缺陣「雙藍會」之謎：訓練後昏厥嚇倒隊友，比賽日再感不適
周末英超上演「雙藍會」，由曼城主場迎戰車路士，車路士中場簡迪突然於比賽中缺陣，結果領隊干地只能排出法比加斯及真禾特嘅中場組合，掃蕩能力大大不如呢位法國中場在陣之時，而球隊亦以0-1不敵主隊曼城。當時，球隊公布簡迪因病缺陣，英國傳媒最近證實咗佢未能上陣嘅原因。
根據《Sky Sports》、《Telegraph》等多間英國傳媒報導，喺英國時間上星期五，亦即比賽前兩日，車路士於訓練基地備戰對曼城嘅賽事，操練之後，簡迪於更衣室內突然暈倒，令隊友大為震驚。慶幸簡迪好快就恢復意識，佢馬上接受專科醫生檢查，醫生檢查後相信佢並冇任何心臟問題，或其他健康問題，因此照常讓佢隨隊出戰對曼城一仗。
專科醫生並未發現簡迪突然暈倒嘅確實原因，但稱估計係同嚴寒天氣有關，當時簡迪喺室外低溫完成操練過後，進入氣溫較高嘅更衣室，強烈溫差有可能係佢暈倒嘅原因。
雖然獲批准照常出戰，但簡迪喺比賽當日早上再次感到不適，因此球隊決定為安全起見，將佢剔出比賽名單之外。最新消息指，簡迪已經喺當地時間周一重投訓練，一切如常，如無意外將會於周末聯賽繼續上陣。其實喺簡迪缺陣同一日，費倫天拿隊長艾斯托利懷疑因心臟病發而突然逝世，希望簡迪自己及球會以健康為重，好好休息、進行徹底檢查及長期觀察佢嘅身體情況。
Source: Sky Sports 、Telegraph
根據《Sky Sports》、《Telegraph》等多間英國傳媒報導，喺英國時間上星期五，亦即比賽前兩日，車路士於訓練基地備戰對曼城嘅賽事，操練之後，簡迪於更衣室內突然暈倒，令隊友大為震驚。慶幸簡迪好快就恢復意識，佢馬上接受專科醫生檢查，醫生檢查後相信佢並冇任何心臟問題，或其他健康問題，因此照常讓佢隨隊出戰對曼城一仗。
專科醫生並未發現簡迪突然暈倒嘅確實原因，但稱估計係同嚴寒天氣有關，當時簡迪喺室外低溫完成操練過後，進入氣溫較高嘅更衣室，強烈溫差有可能係佢暈倒嘅原因。
雖然獲批准照常出戰，但簡迪喺比賽當日早上再次感到不適，因此球隊決定為安全起見，將佢剔出比賽名單之外。最新消息指，簡迪已經喺當地時間周一重投訓練，一切如常，如無意外將會於周末聯賽繼續上陣。其實喺簡迪缺陣同一日，費倫天拿隊長艾斯托利懷疑因心臟病發而突然逝世，希望簡迪自己及球會以健康為重，好好休息、進行徹底檢查及長期觀察佢嘅身體情況。
Source: Sky Sports 、Telegraph