宣佈加盟「俄佬台」？！摩佬世界盃兼職一日買得起香港「XX山莊」
各位球迷可能都試過上網搵 link 睇波，就算你好守法咁訂咗香港嘅收費足球直播頻道，可能都會上網睇啲冇直播嘅比賽，好多時就會睇到所謂嘅「俄佬台」(俄羅斯電視台) 喇。雖然用「俄佬台」呢個稱呼可能唔係咁尊重，不過相信球迷絕對係十分感謝呢啲俄羅斯電視台，而且大家叫慣咗都幾親切。
適逢世界盃年，好多著名足球領隊都會收到電視台邀請做嘉賓，趁球會賽事放暑假時講波賺外快，例如法國電視台就經常會搵阿仙奴主帥雲加講波。近日俄羅斯著名電視台《Russia Today》，喺YouTube上面post咗一條短片，宣佈曼聯領隊摩連奴「加盟」，將會喺2018世界盃決賽周期間擔任嘉賓主持。
https://youtu.be/BECL0me4ISA
根據《Daily Mail》報導，摩連奴只需要為《RT》工作四日，即可賺到約171萬英鎊，即約1,850萬港元，除返開每日賺成463萬港元！雖然香港樓價高企，四百幾萬已經買唔起咩豪宅，不過天水圍嘉湖山莊一個四百幾尺單位平均都係咁上下價錢，做一日買到一間已經好誇張。唔知佢拍檔、前曼聯門將舒米高係咪都係呢個價呢？
至於上網睇「俄佬台」會唔會聽到摩連奴同舒米高講波？暫時唔知，不過小弟相信係唔會嘅。首先係因為相信摩連奴應該係唔識講俄文嘅，雖然佢主要會喺莫斯科工作，但報導指佢哋決賽日會喺曼市設立衛星轉播，而《RT》已經喺英國設立咗英語新聞部，所以唔清楚佢係咪只會喺英語台工作，冇理由喺俄語台用英語講波啩？
另一方面，摩連奴今次呢份兼職其實都引起爭議，因為《RT》係由克里姆林宮出資營運，佢哋嘅英語台被指係為普京嘅統治作政治宣傳，所以摩連奴喺《BBC》及《ITV》等著名電視台嘅「追求」之下仍選擇並冇2018世界盃直接直播權嘅《RT》 (唔清楚佢係咪可以轉播，定純粹做賽後分析) ，被質疑係收錢為俄羅斯政權做形象工程。
Source: Daily Mail 、 RT
適逢世界盃年，好多著名足球領隊都會收到電視台邀請做嘉賓，趁球會賽事放暑假時講波賺外快，例如法國電視台就經常會搵阿仙奴主帥雲加講波。近日俄羅斯著名電視台《Russia Today》，喺YouTube上面post咗一條短片，宣佈曼聯領隊摩連奴「加盟」，將會喺2018世界盃決賽周期間擔任嘉賓主持。
https://youtu.be/BECL0me4ISA
根據《Daily Mail》報導，摩連奴只需要為《RT》工作四日，即可賺到約171萬英鎊，即約1,850萬港元，除返開每日賺成463萬港元！雖然香港樓價高企，四百幾萬已經買唔起咩豪宅，不過天水圍嘉湖山莊一個四百幾尺單位平均都係咁上下價錢，做一日買到一間已經好誇張。唔知佢拍檔、前曼聯門將舒米高係咪都係呢個價呢？
至於上網睇「俄佬台」會唔會聽到摩連奴同舒米高講波？暫時唔知，不過小弟相信係唔會嘅。首先係因為相信摩連奴應該係唔識講俄文嘅，雖然佢主要會喺莫斯科工作，但報導指佢哋決賽日會喺曼市設立衛星轉播，而《RT》已經喺英國設立咗英語新聞部，所以唔清楚佢係咪只會喺英語台工作，冇理由喺俄語台用英語講波啩？
另一方面，摩連奴今次呢份兼職其實都引起爭議，因為《RT》係由克里姆林宮出資營運，佢哋嘅英語台被指係為普京嘅統治作政治宣傳，所以摩連奴喺《BBC》及《ITV》等著名電視台嘅「追求」之下仍選擇並冇2018世界盃直接直播權嘅《RT》 (唔清楚佢係咪可以轉播，定純粹做賽後分析) ，被質疑係收錢為俄羅斯政權做形象工程。
Source: Daily Mail 、 RT