【世界級對話】「你叫咩名」「吳好緹。吳廣德。」 前阿仙奴青訓出品講自己姓氏領紅
周星馳經典電影《九品芝麻官》入面，用咗一個老套廣東話「爛gag」：「呢位姑娘高姓大名？」「吳好緹。」「吳廣德。」「咁祕密？」「吳好緹。」「吳廣德。」「咁算啦。」勢估唔到，喺英國都會發生類似嘅真人真事，而且一位球員仲激嬲球證。
事件係發生喺周二英格蘭第六組別賽事 (The Vanarama National League South，相信玩過FM嘅球迷會識)，Hempstead Town 對 East Thurrock，球證打算出示黃牌警告一名 Hempstead Town 球員，詢問球員姓名之後，認為佢出言冒犯，於是出示紅牌，點解？因為嗰位球員個姓係 Watt 。
曾經效力阿仙奴嘅 Sanchez Watt 喺比賽中踢走個波，球證 Dean Hulm 上前黃牌警告並叫球員講出自己個名，球員回答 "Watt" ，球證誤以為球員故意唔回答並反問 "What?" ，對話重覆一次之後，球證改為出示紅牌，最後喺 Hempstead Town 隊長上前解釋之後，球證收回紅牌，改為原本嘅黃牌，化解誤會。
Sanchez Watt 受訪時表示：
「當時我哋贏緊2-0，不過球證仍然覺得我故意踢走個波，於是跑過嚟想俾黃牌我。佢問我個名，我就答佢 『Watt』， 然後就跑返去後面回防。」
「跟住佢望住我話，『返過嚟，我問你叫咩名呀？』我就話『Watt』。於是佢指住我話『我問多一次，你叫咩名？』我話『我個名就係 Watt』佢就俾紅牌我。」
「隊長跑過嚟解釋，話我個名就係 Watt ，Sanchez Watt。球證聽到呆咗，然後收返埋張紅牌，改返俾黃牌我。佢走咗去場邊解釋，所有人連埋球員都喺度笑，佢之後冇再同我講嘢！」
Hemel Hempstead 主席 Dave Boggins 接受《BBC》訪問：
「呢個係人性化嘅錯誤。球證都好人性化咁改正咗呢個錯誤。我諗事後連球證都會覺得好搞笑。
喺賽後，佢走咗過嚟解釋點解會搞錯，佢覺得唔好意思，亦都覺得好搞笑。佢係一個好球證，成場波都吹得好好。」
27歲嘅Sanchez Watt現時由低一級聯賽Isthmian League球隊 Billericay Town 外借到Hemel Hempstead ，佢係阿仙奴青訓出品，曾經喺18歲為阿仙奴於聯賽盃上陣3場，更曾對西布朗入波 (2009年9月22日)。
另外，有人諗到一個仲大鑊嘅對話，就係般尼中堅 Ben Mee ……
Source: Sportbible、BBC
事件係發生喺周二英格蘭第六組別賽事 (The Vanarama National League South，相信玩過FM嘅球迷會識)，Hempstead Town 對 East Thurrock，球證打算出示黃牌警告一名 Hempstead Town 球員，詢問球員姓名之後，認為佢出言冒犯，於是出示紅牌，點解？因為嗰位球員個姓係 Watt 。
曾經效力阿仙奴嘅 Sanchez Watt 喺比賽中踢走個波，球證 Dean Hulm 上前黃牌警告並叫球員講出自己個名，球員回答 "Watt" ，球證誤以為球員故意唔回答並反問 "What?" ，對話重覆一次之後，球證改為出示紅牌，最後喺 Hempstead Town 隊長上前解釋之後，球證收回紅牌，改為原本嘅黃牌，化解誤會。
Sanchez Watt 受訪時表示：
「當時我哋贏緊2-0，不過球證仍然覺得我故意踢走個波，於是跑過嚟想俾黃牌我。佢問我個名，我就答佢 『Watt』， 然後就跑返去後面回防。」
「跟住佢望住我話，『返過嚟，我問你叫咩名呀？』我就話『Watt』。於是佢指住我話『我問多一次，你叫咩名？』我話『我個名就係 Watt』佢就俾紅牌我。」
「隊長跑過嚟解釋，話我個名就係 Watt ，Sanchez Watt。球證聽到呆咗，然後收返埋張紅牌，改返俾黃牌我。佢走咗去場邊解釋，所有人連埋球員都喺度笑，佢之後冇再同我講嘢！」
Hemel Hempstead 主席 Dave Boggins 接受《BBC》訪問：
「呢個係人性化嘅錯誤。球證都好人性化咁改正咗呢個錯誤。我諗事後連球證都會覺得好搞笑。
喺賽後，佢走咗過嚟解釋點解會搞錯，佢覺得唔好意思，亦都覺得好搞笑。佢係一個好球證，成場波都吹得好好。」
27歲嘅Sanchez Watt現時由低一級聯賽Isthmian League球隊 Billericay Town 外借到Hemel Hempstead ，佢係阿仙奴青訓出品，曾經喺18歲為阿仙奴於聯賽盃上陣3場，更曾對西布朗入波 (2009年9月22日)。
另外，有人諗到一個仲大鑊嘅對話，就係般尼中堅 Ben Mee ……
Source: Sportbible、BBC