哈利簡尼撐拐杖離場傷勢仍待檢驗，英媒憂影響出戰世界盃
周日英超比賽，熱刺作客反勝般尼茅夫4-1，不過隊中神射手哈利簡尼喺比賽中傷出，傷情仍待進一步檢驗，但英國傳媒擔心有機會影響佢出戰今夏世界盃決賽周。
般尼茅夫對熱刺上半場30分鐘，哈利簡尼與出迎嘅般尼茅夫門將比高域相撞，隨即被換出。根據相片顯示，哈利簡尼右腳踝當時扭成接近90度，配合當時兩位球員嘅衝擊力，傷勢可以十分嚴重。
哈利簡尼當時能夠喺工作人員陪同下行路返入更衣室。不過喺賽後，傳媒拍到哈利簡尼離開球場時，需要穿上保護靴及以拐杖支撐走路，更令人擔心佢嘅傷勢。主帥普捷天奴表示：「我好擔心。要等到星期一(英國時間) ，佢接受掃瞄檢查之後先可以有進一步消息。
我當然好擔心佢嘅腳踝，我哋希望今次唔會對佢同球隊有好大影響，希望佢早日康復。」
隨咗熱刺需要哈利簡尼協助球隊為下季歐聯資格而戰之外，英格蘭國家隊主帥修夫基相信亦同樣擔心。英格蘭國家隊本月將與荷蘭及意大利進行友賽，友賽只係其次，但若果哈利簡尼需要休息超過兩個月時間，恐怕會影響佢出戰世界盃嘅機會，或至少影響佢嘅狀態。
《BBC》主持、前阿仙奴後衛基昂就認為，相信哈利簡尼傷勢不會太重，又指哈利簡尼之前曾因腳踝受傷休養49日，第二次只需休養24日，今次佢腳踝被撞時並非「種死」草地，加上即時被換走減低風險，應該冇太大問題。另一名主持、前利物浦中場丹尼梅菲都認為，從哈利簡尼當時嘅肢體語言睇嚟，應該唔算太嚴重。
Source: BBC、SkySports、Daily Mail
般尼茅夫對熱刺上半場30分鐘，哈利簡尼與出迎嘅般尼茅夫門將比高域相撞，隨即被換出。根據相片顯示，哈利簡尼右腳踝當時扭成接近90度，配合當時兩位球員嘅衝擊力，傷勢可以十分嚴重。
哈利簡尼當時能夠喺工作人員陪同下行路返入更衣室。不過喺賽後，傳媒拍到哈利簡尼離開球場時，需要穿上保護靴及以拐杖支撐走路，更令人擔心佢嘅傷勢。主帥普捷天奴表示：「我好擔心。要等到星期一(英國時間) ，佢接受掃瞄檢查之後先可以有進一步消息。
我當然好擔心佢嘅腳踝，我哋希望今次唔會對佢同球隊有好大影響，希望佢早日康復。」
隨咗熱刺需要哈利簡尼協助球隊為下季歐聯資格而戰之外，英格蘭國家隊主帥修夫基相信亦同樣擔心。英格蘭國家隊本月將與荷蘭及意大利進行友賽，友賽只係其次，但若果哈利簡尼需要休息超過兩個月時間，恐怕會影響佢出戰世界盃嘅機會，或至少影響佢嘅狀態。
《BBC》主持、前阿仙奴後衛基昂就認為，相信哈利簡尼傷勢不會太重，又指哈利簡尼之前曾因腳踝受傷休養49日，第二次只需休養24日，今次佢腳踝被撞時並非「種死」草地，加上即時被換走減低風險，應該冇太大問題。另一名主持、前利物浦中場丹尼梅菲都認為，從哈利簡尼當時嘅肢體語言睇嚟，應該唔算太嚴重。
Source: BBC、SkySports、Daily Mail