曼聯傾唔成 曼城與 Tinder 簽下合作協議，曼市打吡當日有搞作
曼聯同曼城係同市死敵，球場上固然鬥得激烈，球場外一班球迷都經常打「口水戰」，原來兩間球會喺商業層面上，同樣要鬥一番。
老牌球會曼聯係上市公司，亦係全世界最多球迷嘅球會之一，商業吸引力自然都係首屈一指，大把品牌爭住同佢哋合作。同市嘅曼城就因為近年得到「大水喉」，成為後起之秀，喺商業價值方面就隨著球隊戰力同知名度慢慢提升，佢哋最近就選擇同著名交友應用程式 Tinder 合作。
根據《Daily Mail》報導， Tinder 喺舊年夏天曾經同曼聯商討合作事宜，一度打算成為紅魔嘅衫袖廣告贊助商，不過最終未能成事。 Tinder 雖然都曾經與意大利球會拿玻里有小規模合作，但未試過喺體育界大規模投資，所以有可能係佢哋開出嘅價錢唔合曼聯胃口。
今次， Tinder 同曼城達成共識，簽下一份價值據報達幾百萬鎊嘅合約，但係同球衣贊助無關。《Daily Mail》就話，雙方第一個合作活動，係喺嚟緊嗰場英超曼市打吡，本來介面主色調為粉紅色嘅 Tinder 當日會將介面改為曼城主場球衣嘅藍色。冇理由 Tinder 俾幾百萬鎊曼城係想將個介面變做藍色啩，所以估計呢個連熱身活動嘅層次都未到，將來仲陸續有嚟。
曼城公司商業總監 Tom Glick 表示，曼城會協助喺全球推廣 Tinder ，用更有趣、創新嘅方式撮合人喎，不過暫時就未知道會有啲咩新搞作囉，唔通會叫埋曼城啲球員一齊玩，或者幫球迷出pool？小弟平時都係自己一個睇波，強烈要求幫下我哋呢班球迷……
Source: Daily Mail、Sky Sports
老牌球會曼聯係上市公司，亦係全世界最多球迷嘅球會之一，商業吸引力自然都係首屈一指，大把品牌爭住同佢哋合作。同市嘅曼城就因為近年得到「大水喉」，成為後起之秀，喺商業價值方面就隨著球隊戰力同知名度慢慢提升，佢哋最近就選擇同著名交友應用程式 Tinder 合作。
根據《Daily Mail》報導， Tinder 喺舊年夏天曾經同曼聯商討合作事宜，一度打算成為紅魔嘅衫袖廣告贊助商，不過最終未能成事。 Tinder 雖然都曾經與意大利球會拿玻里有小規模合作，但未試過喺體育界大規模投資，所以有可能係佢哋開出嘅價錢唔合曼聯胃口。
今次， Tinder 同曼城達成共識，簽下一份價值據報達幾百萬鎊嘅合約，但係同球衣贊助無關。《Daily Mail》就話，雙方第一個合作活動，係喺嚟緊嗰場英超曼市打吡，本來介面主色調為粉紅色嘅 Tinder 當日會將介面改為曼城主場球衣嘅藍色。冇理由 Tinder 俾幾百萬鎊曼城係想將個介面變做藍色啩，所以估計呢個連熱身活動嘅層次都未到，將來仲陸續有嚟。
曼城公司商業總監 Tom Glick 表示，曼城會協助喺全球推廣 Tinder ，用更有趣、創新嘅方式撮合人喎，不過暫時就未知道會有啲咩新搞作囉，唔通會叫埋曼城啲球員一齊玩，或者幫球迷出pool？小弟平時都係自己一個睇波，強烈要求幫下我哋呢班球迷……
Source: Daily Mail、Sky Sports