【千年二奶】原來仲喺度？！連迪加特今季零上陣，照續約一年留效英超球隊
曼聯門將迪基亞如日中天，已經獲得廣大球迷認同為世界級門將，當年曾經同佢一齊效力曼聯嘅另一位門將連迪加特 (Anders Lindegaard) 已經被人遺忘，除非你係佢忠實fans，或者對每隊英超球隊都好熟悉，否則未必留意到，佢最近正式同一支英超球隊續下一年合約，甚至根本冇留意佢仲喺英超。當然，如果係有留意般尼後備席，應該會見到佢。
連迪加特喺2010-11球季加盟曼聯，當季曼聯仍有最後一季把守紅魔大門嘅雲達沙及長期後備門將古斯錫在陣。巧合嘅係，現時嘅般尼門將希頓正係喺同一季免費離隊加盟卡迪夫城。連迪加特加盟頭半季，得到盃賽正選機會，但佢不幸地喺3月受傷，需要進行膝部手術。到2011-12球季，迪基亞就由馬體會加盟，馬上成為紅魔正選門將。
老實講，當時迪基亞初到英超有啲唔適應，特別係接高空波時有甩漏，亦顯得唔夠硬淨，而連迪加特比迪基亞年長六年半，當其時係比較成熟，佢得到機會時表現都唔失禮，甚至曾經有聲音要求費格遜以連迪加特取代年輕嘅迪基亞。不過連迪加特最終三季半紅魔生涯，各項賽事只上陣過29次，而迪基亞亦進步神速，好快成為一流門將，連迪加特嘅「敗走」係理所當然，但以佢實力嚟講亦都好可惜。個人認為，佢級數固然並非一流，但當時嘅佢至少有能力喺一支英超中下游球隊做一號門將啩？
之後，連迪加特加盟西布朗又得唔到機會，同季被外借到英冠球隊普雷斯頓，首次主場正選上陣就被選為Man of the Match，新球季前正式轉投普雷斯頓。2017-18球季，連迪加特重返英超，免費加盟般尼。雖然遇上般尼一號門將兼隊長希頓長期養傷，領隊戴治 (Sean Dyche) 就表示，連迪加特可以競爭一號門將席位，但估唔到今季有普比嘅冒起，後者更憑今季出色表現入選英格蘭國家隊，結果連迪加特全季有27場英超比賽苦坐板凳，各項賽事一次正選機會都冇。
喺希頓復出之後，相信除非希頓同普比其中一人喺下季離開，連迪加特一定會淪為第三門將，而佢喺今個月中就會年滿34歲。不過，《Sky Sports》報導，佢竟然喺最近同般尼再續約一年，而唔係離隊尋求正選機會。
睇返紀錄，自從佢喺2010-11季中登陸英格蘭球壇之後，7年嚟只係踢過54場正式一隊比賽；喺丹麥國家隊生涯，早年有老牌門將蘇連臣 (繼大舒米高後國家隊上陣次數最多門將) ，而家又有卡斯柏舒米高，令連迪加特歷來只係錄得5次國家隊上陣紀錄，所以話門將呢個位置實在太殘酷，一個能力不俗嘅門將，大半個生涯只能夠坐喺後備席上。
https://youtu.be/k215Tlmpbyk
Source: Sky Sports、Transfermarkt
連迪加特喺2010-11球季加盟曼聯，當季曼聯仍有最後一季把守紅魔大門嘅雲達沙及長期後備門將古斯錫在陣。巧合嘅係，現時嘅般尼門將希頓正係喺同一季免費離隊加盟卡迪夫城。連迪加特加盟頭半季，得到盃賽正選機會，但佢不幸地喺3月受傷，需要進行膝部手術。到2011-12球季，迪基亞就由馬體會加盟，馬上成為紅魔正選門將。
老實講，當時迪基亞初到英超有啲唔適應，特別係接高空波時有甩漏，亦顯得唔夠硬淨，而連迪加特比迪基亞年長六年半，當其時係比較成熟，佢得到機會時表現都唔失禮，甚至曾經有聲音要求費格遜以連迪加特取代年輕嘅迪基亞。不過連迪加特最終三季半紅魔生涯，各項賽事只上陣過29次，而迪基亞亦進步神速，好快成為一流門將，連迪加特嘅「敗走」係理所當然，但以佢實力嚟講亦都好可惜。個人認為，佢級數固然並非一流，但當時嘅佢至少有能力喺一支英超中下游球隊做一號門將啩？
之後，連迪加特加盟西布朗又得唔到機會，同季被外借到英冠球隊普雷斯頓，首次主場正選上陣就被選為Man of the Match，新球季前正式轉投普雷斯頓。2017-18球季，連迪加特重返英超，免費加盟般尼。雖然遇上般尼一號門將兼隊長希頓長期養傷，領隊戴治 (Sean Dyche) 就表示，連迪加特可以競爭一號門將席位，但估唔到今季有普比嘅冒起，後者更憑今季出色表現入選英格蘭國家隊，結果連迪加特全季有27場英超比賽苦坐板凳，各項賽事一次正選機會都冇。
喺希頓復出之後，相信除非希頓同普比其中一人喺下季離開，連迪加特一定會淪為第三門將，而佢喺今個月中就會年滿34歲。不過，《Sky Sports》報導，佢竟然喺最近同般尼再續約一年，而唔係離隊尋求正選機會。
睇返紀錄，自從佢喺2010-11季中登陸英格蘭球壇之後，7年嚟只係踢過54場正式一隊比賽；喺丹麥國家隊生涯，早年有老牌門將蘇連臣 (繼大舒米高後國家隊上陣次數最多門將) ，而家又有卡斯柏舒米高，令連迪加特歷來只係錄得5次國家隊上陣紀錄，所以話門將呢個位置實在太殘酷，一個能力不俗嘅門將，大半個生涯只能夠坐喺後備席上。
https://youtu.be/k215Tlmpbyk
Source: Sky Sports、Transfermarkt