緊張到走落球場睇波，沙治奧拉莫斯或需缺席歐聯四強首回合
皇家馬德里喺周中出戰歐聯八強次回合賽事，以1-3不敵祖雲達斯，總比數仍然以4-3成功出線，令皇馬球迷十分緊張。皇馬隊長沙治奧拉莫斯自然都係緊張嘅一分子，因為佢喺呢場波要停賽，只能喺觀眾席上睇波，不過佢喺比賽尾段緊張到走落球場，可能會因此被罰再停一場。
沙治奧拉莫斯呢場比賽被罰停賽，佢本來被拍到喺觀眾席上睇波，不過去到比賽末段，皇馬落後0-3，總比數打成3-3，當時拉莫斯可能太過緊張球隊，所以走咗落皇馬後備席附近，近距離觀看C朗拿度喺補時階段最後時刻射入關鍵12碼。
根據《Sky Sports》報導，沙治奧拉莫斯於比賽最後幾分鐘一度走近球場邊線，更同祖雲達斯教練艾歷尼發生衝突，違反歐足協規例第15章第7條，即不合乎參賽資格球員不得參與球賽。一旦當值球證奧利華於賽後報告中提及事件，又或者任何歐足協駐場觀察員報告事件，沙治奧拉莫斯將會被加罰一場，令佢喺歐聯四強首回合再次缺陣。
呢個情況同樣曾經發生喺皇馬身上，喺2014年歐聯決賽，皇馬中場沙比阿朗素被罰停賽，但佢喺加里夫巴爾射入奠勝球之後，衝入草地範圍慶祝，被歐足協追罰，喺之後嘅歐洲超級盃需要繼續停賽。
更新：根據最新報導，沙治奧拉莫斯將不會被加罰。
Source: Sky Sports
沙治奧拉莫斯呢場比賽被罰停賽，佢本來被拍到喺觀眾席上睇波，不過去到比賽末段，皇馬落後0-3，總比數打成3-3，當時拉莫斯可能太過緊張球隊，所以走咗落皇馬後備席附近，近距離觀看C朗拿度喺補時階段最後時刻射入關鍵12碼。
根據《Sky Sports》報導，沙治奧拉莫斯於比賽最後幾分鐘一度走近球場邊線，更同祖雲達斯教練艾歷尼發生衝突，違反歐足協規例第15章第7條，即不合乎參賽資格球員不得參與球賽。一旦當值球證奧利華於賽後報告中提及事件，又或者任何歐足協駐場觀察員報告事件，沙治奧拉莫斯將會被加罰一場，令佢喺歐聯四強首回合再次缺陣。
呢個情況同樣曾經發生喺皇馬身上，喺2014年歐聯決賽，皇馬中場沙比阿朗素被罰停賽，但佢喺加里夫巴爾射入奠勝球之後，衝入草地範圍慶祝，被歐足協追罰，喺之後嘅歐洲超級盃需要繼續停賽。
更新：根據最新報導，沙治奧拉莫斯將不會被加罰。
Source: Sky Sports