摩佬：其實沙拿係我話買嘅，但賣走佢就唔關我事
江湖傳聞：「車路士唔賣垃圾」。曼城及利物浦分別踢咗34及35輪聯賽，英超神射手同助攻王分別由利物浦嘅沙拿及曼城嘅迪布尼領先，迪布尼係曼城提早奪冠嘅核心人物，沙拿更已經追平英超單季入球紀錄 (38場制) ，又當選PFA年度最佳球員，兩人同樣曾經喺摩連奴執教車路士時鬱鬱不得志，及後被球隊放棄，摩連奴最近就首次解釋，賣走沙拿並非佢嘅決定。
埃及翼鋒沙拿2014年由巴素利加盟車路士，當時佢大約只得22歲，喺時任領隊摩連奴麾下得到13次上陣機會，但隨後被外借到費倫天拿及羅馬，最終喺2016年正式被羅馬買斷。其實當時摩連奴已經喺2015年底離任，不過外間認為沙拿係喺摩連奴任內被外借到羅馬，相信賣佢去羅馬係摩佬早有安排。
摩連奴近日接受訪問，首次談到有關沙拿交易嘅事：
「大家都話係我賣走沙拿，其實件事係啱啱相反，係我買佢返嚟嘅。
完全調轉晒，係我買佢返嚟，我叫車路士將沙拿買過嚟，成件事係由我主導嘅。
不過當時佢仲年輕，身體未準備好、心理亦未準備好，社交同文化層面上佢迷失咗，所以對佢嚟講係好艱難。
我哋決定將佢外借，呢個亦係佢嘅意願，佢希望得到更多上陣時間，變得更成熟，因為佢想去所以我哋將佢外借去費倫天拿，佢亦係喺費倫天拿開始變得成熟。」
被問到係唔係佢決定要賣沙拿，摩佬就重申：
「係車路士賣走佢嘅 OK？如果佢哋話係我嘅決定，咁就係講大話。我買佢返嚟，決定將佢外借，我覺得咁係必要嘅。
不過喺足球世界入面，我哋會做錯好多決定。有好多球員會以我哋估唔到嘅方式成長，又有好多球員唔能夠達到我哋嘅預期，所以我都唔覺得呢個係一個錯誤，只係工作一部分。」
又咁講，如果當年車路士冇賣走沙拿，佢又未必有今日嘅成就。球員生涯短暫，喺一隊波得唔到機會，去另一隊尋求發展、進步，都係好事，呢隊波唔啱踢，去第二隊可能踢到識飛，冇話走寶唔走寶嘅。
Source: Sky Sports
埃及翼鋒沙拿2014年由巴素利加盟車路士，當時佢大約只得22歲，喺時任領隊摩連奴麾下得到13次上陣機會，但隨後被外借到費倫天拿及羅馬，最終喺2016年正式被羅馬買斷。其實當時摩連奴已經喺2015年底離任，不過外間認為沙拿係喺摩連奴任內被外借到羅馬，相信賣佢去羅馬係摩佬早有安排。
摩連奴近日接受訪問，首次談到有關沙拿交易嘅事：
「大家都話係我賣走沙拿，其實件事係啱啱相反，係我買佢返嚟嘅。
完全調轉晒，係我買佢返嚟，我叫車路士將沙拿買過嚟，成件事係由我主導嘅。
不過當時佢仲年輕，身體未準備好、心理亦未準備好，社交同文化層面上佢迷失咗，所以對佢嚟講係好艱難。
我哋決定將佢外借，呢個亦係佢嘅意願，佢希望得到更多上陣時間，變得更成熟，因為佢想去所以我哋將佢外借去費倫天拿，佢亦係喺費倫天拿開始變得成熟。」
被問到係唔係佢決定要賣沙拿，摩佬就重申：
「係車路士賣走佢嘅 OK？如果佢哋話係我嘅決定，咁就係講大話。我買佢返嚟，決定將佢外借，我覺得咁係必要嘅。
不過喺足球世界入面，我哋會做錯好多決定。有好多球員會以我哋估唔到嘅方式成長，又有好多球員唔能夠達到我哋嘅預期，所以我都唔覺得呢個係一個錯誤，只係工作一部分。」
又咁講，如果當年車路士冇賣走沙拿，佢又未必有今日嘅成就。球員生涯短暫，喺一隊波得唔到機會，去另一隊尋求發展、進步，都係好事，呢隊波唔啱踢，去第二隊可能踢到識飛，冇話走寶唔走寶嘅。
Source: Sky Sports