【手球爭議】馬些路：「真係手球，我覺得係12碼」
歐聯四強次回合，皇家馬德里喺主場以2-2、總比數4-3擊敗拜仁慕尼黑，連續三年晉身決賽。今場比賽出現一個爭議場面，皇馬後衛馬些路懷疑於己方禁區內手球，球證並冇判罰12碼，令拜仁球員十分不滿。
喺上半場結束前，當時總比數係皇馬領先3-2，拜仁右閘甘美治喺右路傳中，馬些路跳起攔截，但個波省中佢改變軌跡，最終被解圍。由於拜仁球員認為馬些路犯手球，向球證提出抗議，但球證並未受理。
有人認為馬些路當時手部已經貼緊軀幹範圍，可以唔吹；亦有人質疑，馬些路當時位置可能已離開禁區範圍，所以就算吹手球都唔係12碼。不過，慢鏡顯示馬些路當時手掌伸出軀幹範圍，並且用手掌接觸到皮球，拜仁呢次攻勢因此中斷，根據球例，其實球證絕對有權吹手球（當然球證有條件唔吹，亦有理由相信馬些路並非有意為之）。另一方面，網上有球迷認為，球證今場執法尺度一致地寬鬆，所以呢球唔吹都可以接受。事實上，根據同一條球例，呢個情況，有球證會吹，有球證唔會吹。
https://i.imgur.com/EtlyeZO.gif
至於係唔係喺禁區內，唔能夠100%肯定，不過呢一球即使唔係12碼，都可以係一個危險位置嘅罰球機會，禁區內外，唔能夠影響是否判罰手球嘅理據。應唔應該吹，大家可以根據返以上嘅理據同慢鏡去睇，但當事人又點睇呢？
馬些路喺賽後就承認自己的確係犯手球：
「呢球係手球，個波打中咗我隻手，我覺得係12碼嚟。
如果我話個波冇打中我隻手，咁我就係講大話，不過足球就係咁。
我唔會談論球證，不過好明顯，佢哋有時會令你得益，有時會令你做受害者，但發生咩事都好，都係要踢好場波。」
Source: Daily Mail
喺上半場結束前，當時總比數係皇馬領先3-2，拜仁右閘甘美治喺右路傳中，馬些路跳起攔截，但個波省中佢改變軌跡，最終被解圍。由於拜仁球員認為馬些路犯手球，向球證提出抗議，但球證並未受理。
有人認為馬些路當時手部已經貼緊軀幹範圍，可以唔吹；亦有人質疑，馬些路當時位置可能已離開禁區範圍，所以就算吹手球都唔係12碼。不過，慢鏡顯示馬些路當時手掌伸出軀幹範圍，並且用手掌接觸到皮球，拜仁呢次攻勢因此中斷，根據球例，其實球證絕對有權吹手球（當然球證有條件唔吹，亦有理由相信馬些路並非有意為之）。另一方面，網上有球迷認為，球證今場執法尺度一致地寬鬆，所以呢球唔吹都可以接受。事實上，根據同一條球例，呢個情況，有球證會吹，有球證唔會吹。
https://i.imgur.com/EtlyeZO.gif
至於係唔係喺禁區內，唔能夠100%肯定，不過呢一球即使唔係12碼，都可以係一個危險位置嘅罰球機會，禁區內外，唔能夠影響是否判罰手球嘅理據。應唔應該吹，大家可以根據返以上嘅理據同慢鏡去睇，但當事人又點睇呢？
馬些路喺賽後就承認自己的確係犯手球：
「呢球係手球，個波打中咗我隻手，我覺得係12碼嚟。
如果我話個波冇打中我隻手，咁我就係講大話，不過足球就係咁。
我唔會談論球證，不過好明顯，佢哋有時會令你得益，有時會令你做受害者，但發生咩事都好，都係要踢好場波。」
Source: Daily Mail