曼聯不敵白禮頓，摩佬勁嬲：「而家你知點解要狂出盧卡古，個別球員水準冇想像中咁高」
周五深夜上演嘅英超獨腳戲，曼聯作客白禮頓輸0-1收場，摩連奴嘅球隊對住升班馬破門乏術，佢自然對球隊表現唔滿意，喺賽後訪問中直言，隊中一啲邊緣球員表現欠佳。
曼聯今仗因應盧卡古及山齊士缺陣，前場派出安東尼馬迪爾、拉舒福特及馬達正選上陣，費蘭尼亦獲得正選機會。
摩連奴賽後表示：「我哋踢得唔夠好，因為取代其他人上陣嘅球員，踢得唔好，而當個別球員發揮欠佳嘅時候，球隊好難發揮得好。
所以而家你哋會明白，點解有啲球員總係有多啲上陣機會，以後唔好再問我點解 A、B、C 冇得踢。」
「我唔會話好失望，因為我好了解佢哋，不過我以為俾某啲球員正選機會，佢哋會交出好表現。一直質疑我用人選擇嘅人，而家得到答案。
點解我場場都用盧卡古？點解我場場都用盧卡古？點解我場場都用盧卡古？你而家知道點解我場場都用盧卡古！點解呢樣點解嗰樣，你哋而家知道點解。
可能我哋個別球員水準冇大家想像中咁高，所以我一直都話拎到第二已經好好。而家我哋一定要拎多四分。」
相信摩連奴呢番說話係尤其對於兩位年輕前鋒不滿，唔知佢哋會唔會被鬧醒呢？
Source: Sky Sports
曼聯今仗因應盧卡古及山齊士缺陣，前場派出安東尼馬迪爾、拉舒福特及馬達正選上陣，費蘭尼亦獲得正選機會。
摩連奴賽後表示：「我哋踢得唔夠好，因為取代其他人上陣嘅球員，踢得唔好，而當個別球員發揮欠佳嘅時候，球隊好難發揮得好。
所以而家你哋會明白，點解有啲球員總係有多啲上陣機會，以後唔好再問我點解 A、B、C 冇得踢。」
「我唔會話好失望，因為我好了解佢哋，不過我以為俾某啲球員正選機會，佢哋會交出好表現。一直質疑我用人選擇嘅人，而家得到答案。
點解我場場都用盧卡古？點解我場場都用盧卡古？點解我場場都用盧卡古？你而家知道點解我場場都用盧卡古！點解呢樣點解嗰樣，你哋而家知道點解。
可能我哋個別球員水準冇大家想像中咁高，所以我一直都話拎到第二已經好好。而家我哋一定要拎多四分。」
相信摩連奴呢番說話係尤其對於兩位年輕前鋒不滿，唔知佢哋會唔會被鬧醒呢？
Source: Sky Sports