艾夫拿：我要警告大家，如果C朗請你哋去佢屋企千祈唔好去，佢癲㗎！
葡萄牙球星C朗拿度嘅鬥心極強就係人都知，最近佢帶領葡萄牙迎戰西班牙，最後關頭射入罰球扳平，嗰球罰球入就拎返一分，唔入就三分全失，隨時決定葡萄牙出唔出到線，壓力非常人所能承受，但佢憑住一顆「大心臟」一射入網，連中三元成為英雄。對於佢嘅鬥心，前隊友艾夫拿就有深刻體會。
前法國後衛艾夫拿曾經同C朗喺曼聯合作，雖然C朗當時只係小伙子，但已經嚇親艾夫拿。艾夫拿喺一個節目上面回憶同C朗相處嘅點滴：
「我會俾一個建議所有人，如果C朗請你去佢屋企食lunch，千祈唔好去。」
「有一次練完波，佢叫我去佢度，我去咗。你知啦，啱啱練完波真係好攰，但去到佢屋企，張枱上面得沙律同埋白烚雞肉，得清水連果汁都冇，我哋一路食，我一路諗陣間會唔會仲有肉拎出嚟，但最終乜都冇。」
「佢一食完就拎個足球出嚟玩，喺度練波，仲同我講不如猜下波。
我就話，大佬俾我食埋餐飯得唔得呀。佢話唔得，係都要我同佢猜波。之後仲叫我陪佢游水，我話好啦，做埋水底按摩同焗桑拿之後，我真係頂唔順喇。我同佢講，究竟我哋嚟係為聽日場波做準備，定純粹食 lunch 呢？
所以我建議大家，如果佢請你去佢屋企，要講唔好，千祈唔好去，因為佢係機械人嚟，唔會停止訓練。」
你以為艾夫拿講完恐怖經歷？未，不過呢件事係發生喺里奧費迪南身上。艾夫拿話：「有一次我哋打乒乓波，里奧費迪南贏咗C朗，跟住大家好興奮，C朗就好唔開心。
跟住佢買咗張乒乓波枱，喺屋企練咗兩個星期，然後喺所有人面前贏返里奧。
呢個就係C朗，所以佢想再贏金球獎、想贏世界盃我唔會覺得驚訝，因為佢係一個 angry man。」
Source: Daily Mail、ITV World Cup Podcast
前法國後衛艾夫拿曾經同C朗喺曼聯合作，雖然C朗當時只係小伙子，但已經嚇親艾夫拿。艾夫拿喺一個節目上面回憶同C朗相處嘅點滴：
「我會俾一個建議所有人，如果C朗請你去佢屋企食lunch，千祈唔好去。」
「有一次練完波，佢叫我去佢度，我去咗。你知啦，啱啱練完波真係好攰，但去到佢屋企，張枱上面得沙律同埋白烚雞肉，得清水連果汁都冇，我哋一路食，我一路諗陣間會唔會仲有肉拎出嚟，但最終乜都冇。」
「佢一食完就拎個足球出嚟玩，喺度練波，仲同我講不如猜下波。
我就話，大佬俾我食埋餐飯得唔得呀。佢話唔得，係都要我同佢猜波。之後仲叫我陪佢游水，我話好啦，做埋水底按摩同焗桑拿之後，我真係頂唔順喇。我同佢講，究竟我哋嚟係為聽日場波做準備，定純粹食 lunch 呢？
所以我建議大家，如果佢請你去佢屋企，要講唔好，千祈唔好去，因為佢係機械人嚟，唔會停止訓練。」
你以為艾夫拿講完恐怖經歷？未，不過呢件事係發生喺里奧費迪南身上。艾夫拿話：「有一次我哋打乒乓波，里奧費迪南贏咗C朗，跟住大家好興奮，C朗就好唔開心。
跟住佢買咗張乒乓波枱，喺屋企練咗兩個星期，然後喺所有人面前贏返里奧。
呢個就係C朗，所以佢想再贏金球獎、想贏世界盃我唔會覺得驚訝，因為佢係一個 angry man。」
Source: Daily Mail、ITV World Cup Podcast