搶手貨變賣剩蔗 麥斯美亞將加盟水晶宮
前史浩克04中場麥斯美亞 (Max Meyer) ，之前被譽為德國新一代天才中場，今夏約滿離開史浩克，曾經被傳得到多間豪門青睞，相比起幾個月前嘅受歡迎程度，而家佢極大機會加盟水晶宮，實在係始料不及。
現年22歲嘅麥斯美亞，史浩克04青訓出身，早期曾經出任進攻中場位置，但2017/18球季被改造為墮後組織者角色，結果佢錄得場均2次tackle及2.3次interception，同時發揮佢護球同傳送能力，大獲好評。佢更被認為可以成為沙比阿朗素類型嘅墮後中場 (注意係類型) 。麥斯美亞被指因為薪酬問題拒絕同球會續約，後來佢開腔批評球會管理層，喺聯賽最後階段被禁止訓練及比賽。
喺今年4、5月之時，外間已經知道麥斯美亞將成為自由身，傳出多間大球會有意向佢招手，包括利物浦、阿仙奴及AC米蘭等，而AC米蘭早早就因為佢索要高薪及巨額經理人佣金而擱置談判。
時隔多月，仍未落班嘅麥斯美亞幾乎被人遺忘，網上評定歸咎於佢經理人每每獅子開大口，令好多球會卻步。最近，根據《Guardian》報導，佢已經同英超球會水晶宮達成初步共識，一旦通過體測就可以加盟。水晶宮今夏喺中場位置有老將卡比耶離隊，又有路夫斯卓克租借期滿，相信麥斯美亞會係一大補充。
Source: Guardian
現年22歲嘅麥斯美亞，史浩克04青訓出身，早期曾經出任進攻中場位置，但2017/18球季被改造為墮後組織者角色，結果佢錄得場均2次tackle及2.3次interception，同時發揮佢護球同傳送能力，大獲好評。佢更被認為可以成為沙比阿朗素類型嘅墮後中場 (注意係類型) 。麥斯美亞被指因為薪酬問題拒絕同球會續約，後來佢開腔批評球會管理層，喺聯賽最後階段被禁止訓練及比賽。
喺今年4、5月之時，外間已經知道麥斯美亞將成為自由身，傳出多間大球會有意向佢招手，包括利物浦、阿仙奴及AC米蘭等，而AC米蘭早早就因為佢索要高薪及巨額經理人佣金而擱置談判。
時隔多月，仍未落班嘅麥斯美亞幾乎被人遺忘，網上評定歸咎於佢經理人每每獅子開大口，令好多球會卻步。最近，根據《Guardian》報導，佢已經同英超球會水晶宮達成初步共識，一旦通過體測就可以加盟。水晶宮今夏喺中場位置有老將卡比耶離隊，又有路夫斯卓克租借期滿，相信麥斯美亞會係一大補充。
Source: Guardian