【失蹤人口】31歲拿斯尼去咗邊？因使用禁藥被停賽，上訴失敗被加刑一年
法國中場拿斯尼曾經才華橫溢，離開阿仙奴同曼城之後，佢曾經以租借形式落戶西甲嘅西維爾，表現其實一啲都唔差，上季初段佢就轉投土超嘅安塔利亞 (Antalyaspor) ，與伊度奧成為隊友 ，上陣8場射入2球、交出1助攻。年僅31歲嘅佢雖然有紀律及性格問題，都應該不至於無班可落，但喺過去一年竟然完全消失於大眾視線之中。有留意嘅球迷會知道，佢因為被指使用禁藥而被罰停賽，但佢嘅厄運仲未完結。
一切要由2016年夏天說起。當時，仍然係曼城球員身份嘅拿斯尼，即將被外借到西維爾。佢被指控喺度假期間，於美國洛杉磯接受超額微量營養素成分注射。按世界反禁藥組織規定，運動員只可以喺每六小時內接受50ml微量營養素成分注射，但拿斯尼被驗出超標注射10倍。
經過一連串調查之後，歐洲足協 UEFA 喺2018年2月正式宣佈對拿斯尼實施6個月停賽處分。當時拿斯尼已經效力安塔利亞半季，並喺一月離隊，原因好大機會係由於球會了解到佢即將被罰停賽有關。根據UEFA判決，拿斯尼嘅停賽處分追溯至2017年7月1日開始計算，代表拿斯尼其實可以喺安塔利亞後再次落班，不過由於佢較早前已經提出上訴，一旦上訴失敗就會被加刑，相信係佢冇班可落嘅原因之一。
結果，上訴過後，歐洲體育仲裁法庭宣佈維持判決。最近UEFA 發表聲明，決定因應拿斯尼上訴失敗而更改處分，向佢額外「加監」1年，即係佢需要停賽共18個月，由2017年7月1日起計，代表佢要喺明年1月先可以再次喺歐洲球會註冊上陣。不過，判決指出，拿斯尼可以喺今年11月開始參加球會訓練。
相信拿斯尼喺11月至1月都只可以跟操試腳，想睇下佢仲可以去邊？應該要等到1月喇。
Source: Sky Sports 、 BBC
一切要由2016年夏天說起。當時，仍然係曼城球員身份嘅拿斯尼，即將被外借到西維爾。佢被指控喺度假期間，於美國洛杉磯接受超額微量營養素成分注射。按世界反禁藥組織規定，運動員只可以喺每六小時內接受50ml微量營養素成分注射，但拿斯尼被驗出超標注射10倍。
經過一連串調查之後，歐洲足協 UEFA 喺2018年2月正式宣佈對拿斯尼實施6個月停賽處分。當時拿斯尼已經效力安塔利亞半季，並喺一月離隊，原因好大機會係由於球會了解到佢即將被罰停賽有關。根據UEFA判決，拿斯尼嘅停賽處分追溯至2017年7月1日開始計算，代表拿斯尼其實可以喺安塔利亞後再次落班，不過由於佢較早前已經提出上訴，一旦上訴失敗就會被加刑，相信係佢冇班可落嘅原因之一。
結果，上訴過後，歐洲體育仲裁法庭宣佈維持判決。最近UEFA 發表聲明，決定因應拿斯尼上訴失敗而更改處分，向佢額外「加監」1年，即係佢需要停賽共18個月，由2017年7月1日起計，代表佢要喺明年1月先可以再次喺歐洲球會註冊上陣。不過，判決指出，拿斯尼可以喺今年11月開始參加球會訓練。
相信拿斯尼喺11月至1月都只可以跟操試腳，想睇下佢仲可以去邊？應該要等到1月喇。
Source: Sky Sports 、 BBC