愛華頓再次出手，薩克達翼鋒班納特即將體測
薩克達左翼班納特 (Bernard) 成名已久，過去多次盛傳有歐洲豪門希望將佢收歸旗下，但一直未有成事。今個轉會窗，呢位巴西中場極度接近加盟英超球隊愛華頓。
班納特2013/14球季由巴甲明尼路加盟烏克蘭球隊薩克達，至今於聯賽射入28球、交出35助攻。佢身材矮細、技術細膩，14次代表巴西國家隊上陣，今年夏天與薩克達完約成為自由身，盛傳車路士、熱刺及AC米蘭等球會都有意簽下佢，但據報導指佢索要約200,000鎊周薪，令幾間球會卻步。
最近，根據《Sky Sports》報導指，突然加入爭奪戰嘅愛華頓，喺同樣操葡語嘅愛華頓主帥馬高施華 (Marco Silva) 全力遊說之下，班納特同球會已經基本達成共識，並於短期內進行體測，成功後就會宣佈加盟。
愛華頓今個轉會窗已經簽下巴西翼鋒李察利臣及前巴塞後衛迪治尼，若成功簽下班納特，就會係今夏第三簽。另外，愛華頓亦被傳正努力準備簽下巴塞後衛耶利文拿。
Source: Sky Sports
班納特2013/14球季由巴甲明尼路加盟烏克蘭球隊薩克達，至今於聯賽射入28球、交出35助攻。佢身材矮細、技術細膩，14次代表巴西國家隊上陣，今年夏天與薩克達完約成為自由身，盛傳車路士、熱刺及AC米蘭等球會都有意簽下佢，但據報導指佢索要約200,000鎊周薪，令幾間球會卻步。
最近，根據《Sky Sports》報導指，突然加入爭奪戰嘅愛華頓，喺同樣操葡語嘅愛華頓主帥馬高施華 (Marco Silva) 全力遊說之下，班納特同球會已經基本達成共識，並於短期內進行體測，成功後就會宣佈加盟。
愛華頓今個轉會窗已經簽下巴西翼鋒李察利臣及前巴塞後衛迪治尼，若成功簽下班納特，就會係今夏第三簽。另外，愛華頓亦被傳正努力準備簽下巴塞後衛耶利文拿。
Source: Sky Sports