又前英格蘭新星系列 積洛維終於有班落，僅簽布力般一年
睇波多年，一個又一個前英格蘭新星墮落，已是家常便飯。個人認為主因唔係球員本身能力/潛力不夠，而係球員喺本土吹捧下迷失、生涯規劃出錯、傷患纏身所致，現年27歲嘅積洛維 (Jack Rodwell) 屬於當中典型。
積洛維當初由愛華頓青訓體系冒起，僅14歲就跳級踢U18，後來16歲又284日就為一隊首次於歐賽上陣，此子青年軍時期踢中堅為主，喺一隊被莫耶斯改造為防守中場，甚至進攻中場，踢法硬朗。2011年，20歲嘅佢更被英格蘭大國腳徵召，被視為英格蘭新星。
同好多「前英格蘭新星」一樣，佢同樣喺極需磨練之際，選擇加盟豪門。2012年，21歲嘅佢要求離隊，轉投曼城。當年曼城屢屢以高價簽入國外名將堆砌陣容，英籍球員經常淪為滿足注冊規則嘅棄子，但積洛維仍然選擇加盟當時有「英軍墳墓」之稱嘅曼城。結果，未能得到主力位置，加上時有傷患，各項賽事兩季只為曼城上陣過25場就被賣走，轉戰下游球隊新特蘭。
加盟新特蘭看似重回現實，理應係好事，但積洛維經過喺曼城虛度兩年光陰，狀態、心態都大不如前。隨著球隊喺2017-18球季降落英冠作賽，佢似乎心已經唔喺球隊，自2017年9月起冇再上陣。2017-18季尾，新特蘭再次降班，主帥高文表示，已經唔知道積洛維個心去咗邊度 (BBC: "Jack Rodwell: Chris Coleman 'does not know where Sunderland midfielder is'")。
最後，積洛維終於得嘗所願，同球隊解約，佢先喺屈福特試腳失敗，再返到母會愛華頓跟操保持狀態，最近終於有班落。佢新一季將會為英冠球隊布力般流浪上陣，不過雙方只簽約一年，睇嚟布力般對佢都存有疑問，睇下佢可唔可以用一年好表現強勢反彈？
Source: Sky Sports 、 BBC
積洛維當初由愛華頓青訓體系冒起，僅14歲就跳級踢U18，後來16歲又284日就為一隊首次於歐賽上陣，此子青年軍時期踢中堅為主，喺一隊被莫耶斯改造為防守中場，甚至進攻中場，踢法硬朗。2011年，20歲嘅佢更被英格蘭大國腳徵召，被視為英格蘭新星。
同好多「前英格蘭新星」一樣，佢同樣喺極需磨練之際，選擇加盟豪門。2012年，21歲嘅佢要求離隊，轉投曼城。當年曼城屢屢以高價簽入國外名將堆砌陣容，英籍球員經常淪為滿足注冊規則嘅棄子，但積洛維仍然選擇加盟當時有「英軍墳墓」之稱嘅曼城。結果，未能得到主力位置，加上時有傷患，各項賽事兩季只為曼城上陣過25場就被賣走，轉戰下游球隊新特蘭。
加盟新特蘭看似重回現實，理應係好事，但積洛維經過喺曼城虛度兩年光陰，狀態、心態都大不如前。隨著球隊喺2017-18球季降落英冠作賽，佢似乎心已經唔喺球隊，自2017年9月起冇再上陣。2017-18季尾，新特蘭再次降班，主帥高文表示，已經唔知道積洛維個心去咗邊度 (BBC: "Jack Rodwell: Chris Coleman 'does not know where Sunderland midfielder is'")。
最後，積洛維終於得嘗所願，同球隊解約，佢先喺屈福特試腳失敗，再返到母會愛華頓跟操保持狀態，最近終於有班落。佢新一季將會為英冠球隊布力般流浪上陣，不過雙方只簽約一年，睇嚟布力般對佢都存有疑問，睇下佢可唔可以用一年好表現強勢反彈？
Source: Sky Sports 、 BBC