【準備中伏】希汀克接任中國U21主帥，70%大陸網民睇淡：「歡迎來到名帥墳場」
中國足協昨日宣佈，荷蘭名帥希汀克 (Guus Hiddink) 出任中國U21足球代表隊主教練，連同大國腳由世界盃冠軍級教練納比 (Marcello Lippi) 執掌，喺雙名帥掌舵之下，中國足球夢終於見到曙光，定係繼續遙遙無期？
以波論波，大家都明白不論換作係泰國、日本、香港等東亞國家，乃至人口大國如美國也好，一個國家嘅足球水平要提升一個層次，需要嘅係最少以10年、20年起計嘅長遠規劃，絕非朝令夕改、短期大量資金投入、聘任名帥、球員入籍、聯賽暴富可以簡單達成，當然名帥及資源投入絕對唔會冇好處，對中國如是，對香港亦如是，「中國足球夢」與「鳳凰計劃」缺乏長遠規劃及穩固執行嘅措施，只係空談。
中國足球自從多年前廣州恆大暴富開始，近年已漸漸改變策略，廣州恆大聲稱要為「全華班」做準備，配合國家足球政策，不再盲目引入貴價外援，而中國足協似乎開始向青訓埋手，於中超中甲規定球隊必須派出U23球員上陣。繼大國腳聘得熟悉中國足球環境嘅納比任主帥之後，連U21代表隊亦出動名帥希汀克，目標係打入2020東京奧運會。
71歲嘅希汀克自2016年結束車路士臨時領隊任期後，就賦閒在家，今次有傳中國以400萬歐元年薪利誘希汀克「出山」，佢亦承認中國提供嘅合約好難拒絕，又稱如果未能帶隊打入2020奧運，就會離開。不過，中國網民中亦不乏「理性球迷」，根據《新浪體育》統計，近70%球迷認為希汀克不能帶隊闖入2020奧運，僅有16%認為可以，其餘14%認為「不好說」。
確實，希汀克面臨極大挑戰。首先，2020奧運足球項目參賽資格，除去東道主日本，只有三個席位給亞洲球隊爭奪，中國隊必須於2020 U23亞洲盃取得前三名，而中國隊於2018 U23亞洲盃分組賽早早出局，連8強都未到。加上，希汀克自從2009年代理車路士主帥開始，從未執教一支球隊超過一年，被稱為「救火專家」，但以中國隊成績及根底，需要嘅並非「救火」，而係長期培養及改革，恐怕希汀克亦難以勝任。最大挑戰在於組織內部，中國球圈人事複雜，近年已有不少名帥鎩羽而歸 (如卡比路) ，希汀克喺中國冇納比嘅地位同人脈，手執青年國家隊燙手山芋，相信將會舉步為艱。
至於希汀克自己，就坦言中國隊水平未能令佢滿意，現時心目中只有4、5名球員可用，但當向中國足協索取U19以下球員資料時，卻發覺中國足球並冇系統機構及技術總監幫助。
其實，大陸球迷對於中國隊極度苛刻，以最大足球平台《懂球帝》上希汀克上任一文嘅回應區內，熱門評論大部分睇淡，第一位更係「歡迎來到名帥墳場」，更有人提出「智障兒」比喻，亦有理性球迷直指中國足球痛處在體制問題。
Source: 新浪體育、懂球帝
以波論波，大家都明白不論換作係泰國、日本、香港等東亞國家，乃至人口大國如美國也好，一個國家嘅足球水平要提升一個層次，需要嘅係最少以10年、20年起計嘅長遠規劃，絕非朝令夕改、短期大量資金投入、聘任名帥、球員入籍、聯賽暴富可以簡單達成，當然名帥及資源投入絕對唔會冇好處，對中國如是，對香港亦如是，「中國足球夢」與「鳳凰計劃」缺乏長遠規劃及穩固執行嘅措施，只係空談。
中國足球自從多年前廣州恆大暴富開始，近年已漸漸改變策略，廣州恆大聲稱要為「全華班」做準備，配合國家足球政策，不再盲目引入貴價外援，而中國足協似乎開始向青訓埋手，於中超中甲規定球隊必須派出U23球員上陣。繼大國腳聘得熟悉中國足球環境嘅納比任主帥之後，連U21代表隊亦出動名帥希汀克，目標係打入2020東京奧運會。
71歲嘅希汀克自2016年結束車路士臨時領隊任期後，就賦閒在家，今次有傳中國以400萬歐元年薪利誘希汀克「出山」，佢亦承認中國提供嘅合約好難拒絕，又稱如果未能帶隊打入2020奧運，就會離開。不過，中國網民中亦不乏「理性球迷」，根據《新浪體育》統計，近70%球迷認為希汀克不能帶隊闖入2020奧運，僅有16%認為可以，其餘14%認為「不好說」。
確實，希汀克面臨極大挑戰。首先，2020奧運足球項目參賽資格，除去東道主日本，只有三個席位給亞洲球隊爭奪，中國隊必須於2020 U23亞洲盃取得前三名，而中國隊於2018 U23亞洲盃分組賽早早出局，連8強都未到。加上，希汀克自從2009年代理車路士主帥開始，從未執教一支球隊超過一年，被稱為「救火專家」，但以中國隊成績及根底，需要嘅並非「救火」，而係長期培養及改革，恐怕希汀克亦難以勝任。最大挑戰在於組織內部，中國球圈人事複雜，近年已有不少名帥鎩羽而歸 (如卡比路) ，希汀克喺中國冇納比嘅地位同人脈，手執青年國家隊燙手山芋，相信將會舉步為艱。
至於希汀克自己，就坦言中國隊水平未能令佢滿意，現時心目中只有4、5名球員可用，但當向中國足協索取U19以下球員資料時，卻發覺中國足球並冇系統機構及技術總監幫助。
其實，大陸球迷對於中國隊極度苛刻，以最大足球平台《懂球帝》上希汀克上任一文嘅回應區內，熱門評論大部分睇淡，第一位更係「歡迎來到名帥墳場」，更有人提出「智障兒」比喻，亦有理性球迷直指中國足球痛處在體制問題。
Source: 新浪體育、懂球帝