今晚摩佬前途關鍵戰？《BBC》：「帥位暫時不受威脅」 鏡報：「今晚對紐卡素贏輸都炒」
曼聯領隊摩連奴在位進入第三年，外間早就盛傳摩連奴將會應驗「摩三季」魔咒，於季內被炒，加上曼聯自上季開始，已經在戰術安排或場面觀感上受到各方批評，今季暫時仍然令人失望，再掀起將帥不和傳聞，摩連奴在帥位上似乎已經「行將就木」。早前，英國傳媒鏡報《Mirror》報導，指「摩佬」喺今輪英超對紐卡素後，不論勝負都會被炒。不過，根據較有公信力嘅《Sky Sports》及《BBC》最新報導，「摩佬」得到董事局全力支持，暫時唔會炒人。
曼聯英超開季7場只得10分，屬近29年以嚟最差開季，各項賽事近四場不勝，領隊摩連奴亦創下個人執教生涯新低，首次錄得主場連續四場不勝。
英國鏡報《Mirror》近日就作出報導，稱得到曼聯內部消息人士透露，摩連奴在球會內已經走上絕路，原因係佢喺球會內表現令球員、職員及球迷出現分化情況，令球會高層如活華特(Ed Woodward) 等已忍無可忍，今晚曼聯對紐卡素一仗，不論勝負，曼聯都會解僱摩連奴。
當然，鏡報傳聞一向值得懷疑，更權威嘅《Sky Sports》及《BBC》不約而同作出相反報導，指摩連奴帥位暫時不受威脅。《Sky Sports》及《BBC》引用消息人士，稱有關摩連奴即將被炒嘅新聞並不真確，董事局仍然支持摩連奴帶領曼聯走出低谷，短期內無意易帥。
無論如何，今輪聯賽對紐卡素後，曼聯將於國際賽期後接連硬碰車路士及祖雲達斯，如果今晚對紐卡素無法取勝的話，摩連奴將會面對前所未有嘅壓力。
Source: Sky Sports、BBC、Mirror
曼聯英超開季7場只得10分，屬近29年以嚟最差開季，各項賽事近四場不勝，領隊摩連奴亦創下個人執教生涯新低，首次錄得主場連續四場不勝。
英國鏡報《Mirror》近日就作出報導，稱得到曼聯內部消息人士透露，摩連奴在球會內已經走上絕路，原因係佢喺球會內表現令球員、職員及球迷出現分化情況，令球會高層如活華特(Ed Woodward) 等已忍無可忍，今晚曼聯對紐卡素一仗，不論勝負，曼聯都會解僱摩連奴。
當然，鏡報傳聞一向值得懷疑，更權威嘅《Sky Sports》及《BBC》不約而同作出相反報導，指摩連奴帥位暫時不受威脅。《Sky Sports》及《BBC》引用消息人士，稱有關摩連奴即將被炒嘅新聞並不真確，董事局仍然支持摩連奴帶領曼聯走出低谷，短期內無意易帥。
無論如何，今輪聯賽對紐卡素後，曼聯將於國際賽期後接連硬碰車路士及祖雲達斯，如果今晚對紐卡素無法取勝的話，摩連奴將會面對前所未有嘅壓力。
Source: Sky Sports、BBC、Mirror