朗尼19場製造19球助魚腩大翻身，一手帶包尾DC重返季後賽
前英格蘭隊長朗尼今季由母會愛華頓轉戰美職聯，加盟華盛頓聯 DC United 。雖然係位處美國首都，但華盛頓聯近年喺美職聯嘅地位唔高，佢哋曾經奪得過4次總冠軍，僅次於大家熟悉嘅洛杉磯銀河 (5次) ，但上一次已經係2004年，2015年後未曾打入季後賽，近年可謂淪為魚腩。華盛頓聯喺朗尼首次上陣前仍然排東岸榜尾，但佢幾個月後已經成功幫助球隊取得季後賽資格。
根據美職聯賽制，東岸11支球隊及西岸12支球隊各自先以常規賽分岸排名決定季後賽席位，再以淘汰賽形式爭奪總冠軍。分岸前6名可以取得季後賽席位，而分岸前兩名更可直接進入季後賽岸區四強戰。
華盛頓聯今夏引入朗尼，無疑成為球隊打入季後賽嘅關鍵因素。最近一場美職聯常規賽，華盛頓聯主場迎戰紐約城，朗尼喺開波9分鐘就接應隊友傳中，近門撞入先開紀錄；及後，佢又為隊友製造機會，間接助球隊領先到2-0；74分鐘，華盛頓聯獲得12碼，朗尼主射再下一城，個人梅開二度。紐約城最後由大衛韋拿追返一球，但華盛頓仍以3-1取勝，喺東岸排第5位，常規賽只餘最後一輪之下，鐵定獲得季後賽席位。睇返華盛頓聯近幾季嘅頹勢，今次的確值得一班球員慶祝一下。
朗尼到底有幾重要？原來朗尼喺7月14日首次為華盛頓聯上陣時前，球隊仍然排東岸第尾，14場聯賽更只係贏過兩場比賽。不過喺之後，朗尼個人上陣19場聯賽，共錄得12入球、7助攻，場均「製造」一個入球，而球隊就取得12勝3和4負，完成魚腩大翻身。
華盛頓聯對紐約城精華
https://streamable.com/m6hfp
Source: Sky Sports
根據美職聯賽制，東岸11支球隊及西岸12支球隊各自先以常規賽分岸排名決定季後賽席位，再以淘汰賽形式爭奪總冠軍。分岸前6名可以取得季後賽席位，而分岸前兩名更可直接進入季後賽岸區四強戰。
華盛頓聯今夏引入朗尼，無疑成為球隊打入季後賽嘅關鍵因素。最近一場美職聯常規賽，華盛頓聯主場迎戰紐約城，朗尼喺開波9分鐘就接應隊友傳中，近門撞入先開紀錄；及後，佢又為隊友製造機會，間接助球隊領先到2-0；74分鐘，華盛頓聯獲得12碼，朗尼主射再下一城，個人梅開二度。紐約城最後由大衛韋拿追返一球，但華盛頓仍以3-1取勝，喺東岸排第5位，常規賽只餘最後一輪之下，鐵定獲得季後賽席位。睇返華盛頓聯近幾季嘅頹勢，今次的確值得一班球員慶祝一下。
朗尼到底有幾重要？原來朗尼喺7月14日首次為華盛頓聯上陣時前，球隊仍然排東岸第尾，14場聯賽更只係贏過兩場比賽。不過喺之後，朗尼個人上陣19場聯賽，共錄得12入球、7助攻，場均「製造」一個入球，而球隊就取得12勝3和4負，完成魚腩大翻身。
華盛頓聯對紐約城精華
https://streamable.com/m6hfp
Source: Sky Sports