盧比迪古成佩雷斯時代任期最短主帥，《馬卡報》：皇馬聲明刻意羞辱盧帥
西班牙時間10月29日晚上，皇家馬德里官方網站發出聲明，宣布與主教練盧比迪古 (Julen Lopetegui) 解約，令佢成為主席佩雷斯 (Florentino Pérez) 執掌球會以嚟，在位時間最短主帥；皇馬亦宣布將由B隊教練蘇拿利 (Santiago Solari) 擔任臨時主教練一職。
皇家馬德里官方聲明如下：
「皇家馬德里董事會於2018年10月29日，決定終止盧比迪古作為球會教練的合約。
此決定由球會最高層級負責人同意作出，希望在球會本球季的目標仍然有可能達成之下，作出改變。
董事會認為皇家馬德里的成績與陣容質素之間有巨大落差，球會陣中擁有八位今屆金球獎候選人，數量之多在球會歷史上從未出現過。
球會表達對盧比迪古及其教練團隊的工作及付出，祝願他們日後事業順利。
蘇拿利將會暫時接管球隊，由明日星期二起出任一隊教練。」
盧比迪古執教球隊以嚟，皇馬喺各項賽事取得6勝2和6負，其中大部分勝仗於球季較早段取得，近況係各項賽事六戰五敗，更喺國家打吡以1-5慘敗於魯營球場，最為球迷所不能接受，賽後僅排西甲第9位。結果，盧比迪古只在任138日、14場比賽，成為1929年以嚟自甘馬曹後在位時間最短主帥，任期最短紀錄就仍然由甘馬曹2004年僅帶隊6場比賽所保持。不過因為甘馬曹當年係主動請辭，盧比迪古已經係最快被炒主帥，兼且係佩雷斯時代任期最短主帥。
西班牙傳媒《Marca》馬卡報評論認為，皇馬官方解僱聲明故意羞辱盧比迪古。馬卡報一篇評論文章指出，皇馬喺聲明第三段中，提及現時陣中擁有八位金球獎候選人，刻意強調陣容質素之高，對比出盧比迪古治軍戰績之差，實非必要，又喺過去一段日子中讓盧比迪古孤身曝露於公眾批評之下，並冇顯出球會共同進退及反省之意。
的確，盧比迪古喺皇馬嘅表現係令人失望，而且需要負上一定責任，但皇馬隊內問題並非全部集中喺教練身上，如果盧比迪古真係差得一無是處，當初亦唔會成為西班牙國家隊主帥。人已被炒，呢度當然唔會為盧比迪古辯護，但回想施丹、C朗離隊之時，大家已經預見球隊有極多問題要解決，例如球隊引援方針、「西班牙化」緩急、中軸換代等，如今需要反省嘅除咗盧比迪古一人，更包括皇馬上下所有決策階層人士及球員，球會如果只係將所有罪責推卸喺盧比迪古身上，掩蓋咗真正問題，缺乏自省，先係最令人擔之處。
Source: Marca
皇家馬德里官方聲明如下：
「皇家馬德里董事會於2018年10月29日，決定終止盧比迪古作為球會教練的合約。
此決定由球會最高層級負責人同意作出，希望在球會本球季的目標仍然有可能達成之下，作出改變。
董事會認為皇家馬德里的成績與陣容質素之間有巨大落差，球會陣中擁有八位今屆金球獎候選人，數量之多在球會歷史上從未出現過。
球會表達對盧比迪古及其教練團隊的工作及付出，祝願他們日後事業順利。
蘇拿利將會暫時接管球隊，由明日星期二起出任一隊教練。」
盧比迪古執教球隊以嚟，皇馬喺各項賽事取得6勝2和6負，其中大部分勝仗於球季較早段取得，近況係各項賽事六戰五敗，更喺國家打吡以1-5慘敗於魯營球場，最為球迷所不能接受，賽後僅排西甲第9位。結果，盧比迪古只在任138日、14場比賽，成為1929年以嚟自甘馬曹後在位時間最短主帥，任期最短紀錄就仍然由甘馬曹2004年僅帶隊6場比賽所保持。不過因為甘馬曹當年係主動請辭，盧比迪古已經係最快被炒主帥，兼且係佩雷斯時代任期最短主帥。
西班牙傳媒《Marca》馬卡報評論認為，皇馬官方解僱聲明故意羞辱盧比迪古。馬卡報一篇評論文章指出，皇馬喺聲明第三段中，提及現時陣中擁有八位金球獎候選人，刻意強調陣容質素之高，對比出盧比迪古治軍戰績之差，實非必要，又喺過去一段日子中讓盧比迪古孤身曝露於公眾批評之下，並冇顯出球會共同進退及反省之意。
的確，盧比迪古喺皇馬嘅表現係令人失望，而且需要負上一定責任，但皇馬隊內問題並非全部集中喺教練身上，如果盧比迪古真係差得一無是處，當初亦唔會成為西班牙國家隊主帥。人已被炒，呢度當然唔會為盧比迪古辯護，但回想施丹、C朗離隊之時，大家已經預見球隊有極多問題要解決，例如球隊引援方針、「西班牙化」緩急、中軸換代等，如今需要反省嘅除咗盧比迪古一人，更包括皇馬上下所有決策階層人士及球員，球會如果只係將所有罪責推卸喺盧比迪古身上，掩蓋咗真正問題，缺乏自省，先係最令人擔之處。
Source: Marca