17歲南韓天才上演華倫西亞處子戰破隊史紀錄，違約金達8,000萬歐元
除咗日本之外，另一東亞足球強國南韓亦有唔少球員得到歐洲球會青睞，孫興民更係難得可以喺英超豪門鋒線立足嘅韓國前鋒，以下呢一位韓國天才球員你未必識，但就好值得留意喇。
西甲球會華倫西亞啱啱喺噚晚嘅西班牙國王盃中，派出17歲韓國籍球員李康仁 (Kang-in Lee) 正選上陣，球隊只係以2-1反勝西乙B球隊伊布洛 (CD Ebro) ，司職進攻中場嘅李康仁亦未有建功，但報導指佢喺突破及組織方面表現不俗，更重要嘅係呢場波對佢同球隊同樣意義非凡。
出身於華倫西亞青年軍嘅李康仁，今仗不僅首次為一隊披甲 (不計算友誼賽) ，更正選上陣，以17歲253日成為華倫西亞史上第八年輕上陣嘅球員，亦係球會史上最年輕上陣嘅外籍球員。
事實上，李康仁「天才」之名唔係外界嘅盲目吹捧得嚟。李康仁11歲就已經加入華倫西亞青年軍效力至今，佢嘅潛質得到「蝙蝠軍團」認可，今年夏天同佢續約4年，更設下高達8,000萬歐元違約金，可見對佢嘅期許甚高。另外，西班牙傳媒對佢評價亦高，除咗認為佢係華倫西亞嘅明日之星，更傳出西班牙足總有意邀請轉籍成為西班牙球員，但佢爸爸已經否認有咁嘅打算。國家隊方面，李康仁以17歲之齡多次越級得到南韓U20徵召。
李康仁喺季前熱身賽都曾經為華倫西亞入波。
https://www.youtube.com/watch?v=abScL2grUSkhttps://www.youtube.com/watch?v=vVetpgbT59k
今場精華
https://www.youtube.com/watch?v=QDYdqYJ11Xo
Source: valenciacf.com、tifofootball、AS
西甲球會華倫西亞啱啱喺噚晚嘅西班牙國王盃中，派出17歲韓國籍球員李康仁 (Kang-in Lee) 正選上陣，球隊只係以2-1反勝西乙B球隊伊布洛 (CD Ebro) ，司職進攻中場嘅李康仁亦未有建功，但報導指佢喺突破及組織方面表現不俗，更重要嘅係呢場波對佢同球隊同樣意義非凡。
出身於華倫西亞青年軍嘅李康仁，今仗不僅首次為一隊披甲 (不計算友誼賽) ，更正選上陣，以17歲253日成為華倫西亞史上第八年輕上陣嘅球員，亦係球會史上最年輕上陣嘅外籍球員。
事實上，李康仁「天才」之名唔係外界嘅盲目吹捧得嚟。李康仁11歲就已經加入華倫西亞青年軍效力至今，佢嘅潛質得到「蝙蝠軍團」認可，今年夏天同佢續約4年，更設下高達8,000萬歐元違約金，可見對佢嘅期許甚高。另外，西班牙傳媒對佢評價亦高，除咗認為佢係華倫西亞嘅明日之星，更傳出西班牙足總有意邀請轉籍成為西班牙球員，但佢爸爸已經否認有咁嘅打算。國家隊方面，李康仁以17歲之齡多次越級得到南韓U20徵召。
李康仁喺季前熱身賽都曾經為華倫西亞入波。
https://www.youtube.com/watch?v=abScL2grUSkhttps://www.youtube.com/watch?v=vVetpgbT59k
今場精華
https://www.youtube.com/watch?v=QDYdqYJ11Xo
Source: valenciacf.com、tifofootball、AS