冤枉？「Lord賓」一拳打爆的士司機下巴，被丹麥法院判監50日！
前阿仙奴前鋒賓特拿 (Nicklas Bendtner) 早前因為休假期間於丹麥傷人被捕，丹麥法院作出判決，賓特拿入獄50日及罰款，賓特拿代表律師表明將會上訴。
事緣於今年9月初，效力於挪威球隊洛辛堡 (Rosenborg) 嘅賓特拿，喺國際賽期回國度假，其中一晚深夜喺哥本哈根乘搭的士，途中同的士司機發生爭執，更因打傷的士司機而被捕。事後報導指，涉事的士司機被毆打，導致下巴骨折 (下頷骨)。
不過，根據賓特拿女友嘅講法，先動手嘅其實係的士司機。事發時同行嘅賓特拿女友 Philine Roepstorff ，事後公開解釋，兩人認為當時的士司機兜路，並冇按照佢哋指示路線行駛，於是要求落車，但司機失去班智，突然U-Turn，並且大吵大鬧，最終兩人成功落車。隨後，憤怒嘅司機掟出一個樽，幾乎擊中兩人，然後就走去兩人，結果賓特拿感到安全受威脅，為保護女友，一下重拳擊中司機。賓特拿女友表示，雖然打交唔啱，但先郁手嘅唔係賓特拿，賓特拿只係自衛。賓特拿更加罕有地發表公開道歉信，為自己惹上麻煩而向洛辛堡球迷及隊友道歉。
責任誰屬，各有說法，但丹麥法院於當地時間11月2日，裁定賓特拿襲擊罪成，據悉控方展示一段閉路電視片段，拍下賓特拿向的士司機揮拳及用腳踢對方，因此判處佢50日監禁。另外，的士司機亦因駕駛期間使用手提電話及未有配戴安全帶而被罰款。
判決公布後，洛辛堡行政總裁 Tove Moe Dyrhaug 接受訪問表示球會唔會因此同賓特拿解約 (“We think that it’s not good for the club and not good for Nicklas, but he remains a player in the club. We are keeping him,” said Rosenborg’s chief executive Tove Moe Dyrhaug.)。賓特拿代表律師就表明會為球員上訴。
「Lord賓」離開阿仙奴後輾轉效力過禾夫斯堡、諾定咸森林，最終於2017年3月加盟挪威球隊洛辛堡。2018年，「Lord賓」於各項賽事為洛辛堡上陣33場，貢獻10球、5助攻，2017年底至2018年初更一度重返丹麥國家隊上陣7次，但對上一次為國上陣已經係2018年3月，最近並冇入選。
Source: Sky Sports、BBC、Guardian
事緣於今年9月初，效力於挪威球隊洛辛堡 (Rosenborg) 嘅賓特拿，喺國際賽期回國度假，其中一晚深夜喺哥本哈根乘搭的士，途中同的士司機發生爭執，更因打傷的士司機而被捕。事後報導指，涉事的士司機被毆打，導致下巴骨折 (下頷骨)。
不過，根據賓特拿女友嘅講法，先動手嘅其實係的士司機。事發時同行嘅賓特拿女友 Philine Roepstorff ，事後公開解釋，兩人認為當時的士司機兜路，並冇按照佢哋指示路線行駛，於是要求落車，但司機失去班智，突然U-Turn，並且大吵大鬧，最終兩人成功落車。隨後，憤怒嘅司機掟出一個樽，幾乎擊中兩人，然後就走去兩人，結果賓特拿感到安全受威脅，為保護女友，一下重拳擊中司機。賓特拿女友表示，雖然打交唔啱，但先郁手嘅唔係賓特拿，賓特拿只係自衛。賓特拿更加罕有地發表公開道歉信，為自己惹上麻煩而向洛辛堡球迷及隊友道歉。
責任誰屬，各有說法，但丹麥法院於當地時間11月2日，裁定賓特拿襲擊罪成，據悉控方展示一段閉路電視片段，拍下賓特拿向的士司機揮拳及用腳踢對方，因此判處佢50日監禁。另外，的士司機亦因駕駛期間使用手提電話及未有配戴安全帶而被罰款。
判決公布後，洛辛堡行政總裁 Tove Moe Dyrhaug 接受訪問表示球會唔會因此同賓特拿解約 (“We think that it’s not good for the club and not good for Nicklas, but he remains a player in the club. We are keeping him,” said Rosenborg’s chief executive Tove Moe Dyrhaug.)。賓特拿代表律師就表明會為球員上訴。
「Lord賓」離開阿仙奴後輾轉效力過禾夫斯堡、諾定咸森林，最終於2017年3月加盟挪威球隊洛辛堡。2018年，「Lord賓」於各項賽事為洛辛堡上陣33場，貢獻10球、5助攻，2017年底至2018年初更一度重返丹麥國家隊上陣7次，但對上一次為國上陣已經係2018年3月，最近並冇入選。
Source: Sky Sports、BBC、Guardian