【出外靠朋友】奧斯爾獲億萬富豪法明尼「助攻」，合資創辦環保生意
奧斯爾喺球場上以製造機會能力見稱，根據Opta數據，由2006年7月1日至2018年10月15日，奧斯爾已經創造1033次機會 (chances created) ，成為同期歐洲五大聯賽最強創造者。原來世上幫得人多真係會有人幫返你，今次輪到奧斯爾得到前隊友法明尼，合資搞生意。
喺商業世界中，人脈永遠都係好重要。「萬事起頭難」，如果手上有一個好嘅創業idea，加上一個商業界老手注資兼協助擴展人脈，喺初期必定事半功倍。前阿仙奴中場法明尼可能係少數白手興家嘅奇才，喺2015年，當時仍然效力阿仙奴嘅佢突然透露，自己瞞住所有身邊最親近嘅人，七年嚟一直同朋友合資經營一間名為 GF Biochemicals 嘅生化新能源公司，呢間公司係佢同朋友一手創立，亦係全球首家可以量產乙酰丙酸 (Levulinic acid) 嘅公司，美國能源署表示呢種化學物可以作為石油替代品。
「法總」當時受訪表示，一開始創立公司，只係抱持尋找新能源拯救地球嘅初衷。不過呢間公司喺「法總」口中曝光之時，已經獲評估潛在市值高達200億英鎊，對於被稱為億萬富豪，「法總」就坦言呢個只係公司嘅估值，但自己戶口裡其實並冇200億英鎊。不過點都好，身為一間生化能源公司嘅創辦人，其實佢已經可以話發咗達，加上多年喺呢個生意領域裡累積人脈，要繼續投資類似生意唔係難事。
阿仙奴球迷一定知道，奧斯爾初初嚟到阿仙奴，隊中最好朋友並非「德國幫」，而係法國人法明尼。根據《Sky Sports》專訪，「法總」同好友奧斯爾聯手創辦一迎新品牌，名為 "UNITY"。呢個品牌現時主要業務係以承諾100%天然材料製造個人護理用品，例如皮膚修護乳霜、防曬乳霜、美髮及護髮用品等，重點係會捐出1%盈利支持環境保護工作，而且就連產品嘅包裝都係用甘蔗提煉製成，不含塑膠成分。
(UNITY網站截圖: https://oneunity.com/)
奧斯爾表示，兩年前探訪約旦一個叙利亞難民營改變咗佢看待生命嘅方式，佢明白到自己作為比較幸運嘅一群，應該貢獻更多，與此同時佢嘅隊友兼老友法明尼就係一為從事可持續發展產品嘅企業家，據悉佢所投資嘅類似項目不止於上述嘅石油替代品，奧斯爾話：「法明尼開口埋口都係講生意啲嘢，佢經常話我哋應該做更多嘢，又喺度問覺得我哋仲可以做啲乜。係佢啟發咗我，後來我哋諗到呢個idea發現可以一齊做呢件事，希望呢個會係一個長故事嘅開端。」
法明尼就大讚奧斯爾肯承擔：「我為佢感到驕傲。所有人都知佢係一個頂級球員，但我最為佢感到驕傲嘅原因，係佢願意付出時間去幫助其他人，實踐佢嘅信仰，呢樣嘢需要好大勇氣，作為佢朋友我感到驕傲。」法明尼又話，認為身為職業足球員係好幸運，可以用自己興趣謀生，亦有較多工餘時間可以運用，所以佢覺得搵到一份有意義嘅副業，同時幫到人係好事，佢又話奧斯爾一直都熱心公益，不過就以對人為主，而自己嘅關顧點就以環境為主，兩者結合希望可以有新衝擊。
34歲嘅法明尼2016-17球季離開水晶宮後，上季短暫效力過西甲球隊基達菲上陣8場聯賽，今季暫時未有班落，但仍然堅稱未放棄足球生涯。至於奧斯爾，一向被戲稱為法拉利創辦人轉世，如今佢都成為一位老闆，有機會喺生意場上大展拳腳。
Source: Sky Sports
喺商業世界中，人脈永遠都係好重要。「萬事起頭難」，如果手上有一個好嘅創業idea，加上一個商業界老手注資兼協助擴展人脈，喺初期必定事半功倍。前阿仙奴中場法明尼可能係少數白手興家嘅奇才，喺2015年，當時仍然效力阿仙奴嘅佢突然透露，自己瞞住所有身邊最親近嘅人，七年嚟一直同朋友合資經營一間名為 GF Biochemicals 嘅生化新能源公司，呢間公司係佢同朋友一手創立，亦係全球首家可以量產乙酰丙酸 (Levulinic acid) 嘅公司，美國能源署表示呢種化學物可以作為石油替代品。
「法總」當時受訪表示，一開始創立公司，只係抱持尋找新能源拯救地球嘅初衷。不過呢間公司喺「法總」口中曝光之時，已經獲評估潛在市值高達200億英鎊，對於被稱為億萬富豪，「法總」就坦言呢個只係公司嘅估值，但自己戶口裡其實並冇200億英鎊。不過點都好，身為一間生化能源公司嘅創辦人，其實佢已經可以話發咗達，加上多年喺呢個生意領域裡累積人脈，要繼續投資類似生意唔係難事。
阿仙奴球迷一定知道，奧斯爾初初嚟到阿仙奴，隊中最好朋友並非「德國幫」，而係法國人法明尼。根據《Sky Sports》專訪，「法總」同好友奧斯爾聯手創辦一迎新品牌，名為 "UNITY"。呢個品牌現時主要業務係以承諾100%天然材料製造個人護理用品，例如皮膚修護乳霜、防曬乳霜、美髮及護髮用品等，重點係會捐出1%盈利支持環境保護工作，而且就連產品嘅包裝都係用甘蔗提煉製成，不含塑膠成分。
(UNITY網站截圖: https://oneunity.com/)
奧斯爾表示，兩年前探訪約旦一個叙利亞難民營改變咗佢看待生命嘅方式，佢明白到自己作為比較幸運嘅一群，應該貢獻更多，與此同時佢嘅隊友兼老友法明尼就係一為從事可持續發展產品嘅企業家，據悉佢所投資嘅類似項目不止於上述嘅石油替代品，奧斯爾話：「法明尼開口埋口都係講生意啲嘢，佢經常話我哋應該做更多嘢，又喺度問覺得我哋仲可以做啲乜。係佢啟發咗我，後來我哋諗到呢個idea發現可以一齊做呢件事，希望呢個會係一個長故事嘅開端。」
法明尼就大讚奧斯爾肯承擔：「我為佢感到驕傲。所有人都知佢係一個頂級球員，但我最為佢感到驕傲嘅原因，係佢願意付出時間去幫助其他人，實踐佢嘅信仰，呢樣嘢需要好大勇氣，作為佢朋友我感到驕傲。」法明尼又話，認為身為職業足球員係好幸運，可以用自己興趣謀生，亦有較多工餘時間可以運用，所以佢覺得搵到一份有意義嘅副業，同時幫到人係好事，佢又話奧斯爾一直都熱心公益，不過就以對人為主，而自己嘅關顧點就以環境為主，兩者結合希望可以有新衝擊。
34歲嘅法明尼2016-17球季離開水晶宮後，上季短暫效力過西甲球隊基達菲上陣8場聯賽，今季暫時未有班落，但仍然堅稱未放棄足球生涯。至於奧斯爾，一向被戲稱為法拉利創辦人轉世，如今佢都成為一位老闆，有機會喺生意場上大展拳腳。
Source: Sky Sports